طلب مساعدة =الرشتة =

[شذى الزهور]

السلام عليكم اخواتي .عندي سءال وياريت تجاوبوني .الرشتة لي تتباع شحال يفوروها مرة وحدة برك ؟يعني لو حبيت نخدم رشتة ونخبيها لمدة معينة .راح نفورها مرة وحدة ونحطها في اكياس وباقي التفويرات تكون يوم التحضير ولا كيفاش ؟؟؟وايضا هل من الافضل اون ندهنا بزيت ولا نرشها بالمايزينة من اجل المحافظة عليها لمدة اطول ؟في انتظار ردودكم

[ام ايمان16]

مافهمتش سؤالك مليه او سلتي سؤالين
على الرشتة لي تتباع
ولارشتة لي تتخدم في الدار

انا موالفة نشري لي تتباع ندهنها بالزيت نفورها 3خطرات وكي تطيب ندهنها بالزبدة

وماعنديش فكرة على لي يخدموها في الدار

[روح مراد]

الرشتة ادهنيها بالزيت و فوريها و بعدها زيدي رشي عليها شوية ماء و خليها تشرب و ادهنيها بالزيت و عاودي فوريها و المرة الثالثة انا نسقيها بشوية مرقة و نخليها تشربها مليح و بعدها ندهنها بالزبدة و نعاود نفورها و في الخير ندهنا بشوية زبدة فقط شوية و نرشها برشة صغيرة قرفة و نخلطها و نحطها تكون جاهزة للأكل

[الزوجة البارة]

يضهرلي تكون كيما الكسكسي الي يتفتل بمعنى تفور مرة و تتخبى في الكونجيلاتور
و كي تشريها واجدة هاكي تفوريها 3 مرات
ذاما تاع الدار الي فورتيها قبل كيما قتلك و خبيتيها تاني تفور 3 مرات و الله اعلم