مشكل يرهقني

[مشكلتي]

أنا فتاة , 17 سنة فقط كاين راجل ناوي الحلاال لكن مهبلي في الـــفايس ـبـــوك أنا عندي غير البنات في الـــفايس ـبـــوك و منحبش نضيف راجل فيه لكن هو كان يبعثلي رسائل حتى لقيت روحي نجاوبوا و ريحتلو لكن ماحبيتش نبينلو هاذ الشي و هو و يقعد يحلفلي بلي يحبني بزااف و راه ناوي معايا غير الحلال و نيتو صافية معايا و قال لدارهم عليا و أنا مازالني صغير على هاذ الحكايات و عييت نقنعو أنا ماندير والو في راسي و صبر حتى شويا نكبر لكن ما حبش يفهم و حاب نقعدو نحكيو في الـــفايس ـبـــوك
حبيت نبلوكي رسائل على الـــفايس ـبـــوك لكن مافيه هاذ optiion للأسف قولولي كفاه نتسرف في هاذا الموقف ؟؟ راني حايرة نتع صح

[little smile]

قوليلو ما نقدرش نبقى نحكي معاك و ما بيناتنا والو و هاد الشي حرام
ما تخليش روحك تتعلقي بيه
خلي روحك نظيفه
ما تدريش يقدر يكون هو مكتوبك كيما يقدر مايكونش هو
و كون مايكونش هو تتحاسبي

خممي بعقلك ماشي بقلبك

[naamane3]

الفيس بوك فيه ميزة غلق الرسائل
حوسي مليح تلقايهة
واذا ما كانش ديري فيس بوك خلاف او اعتزليه
وكون تسايريه رايحة تندمي ندم شديد لذا كوني حذرة

[☆دعـــــــاء☆]

ما تقيميه خلاص وقوليلو العائلة نتاعي ما حاباش نتجوز في هذا السن وخلاص

[~~نهال~~]

السؤال اللي يطرح نفسو
وش يثبتلك انو قال لوالديه عليك؟ تكلموا معك سمعتي صوتهم؟ ..........هاذي الاولى
ثانيا اذا بغا الحلال كيما يقول يجي ديراكت لداركم مش يجي من نافذة
ثالثا كنت تحبيه او ماكنتيش ننصحك اخطايك من المشاكل هاذو لانو راهو فايسبـــــــــــــــــــــــــــــــــــــــو ك ، راهو مايوريلكش حقيقة الانسان من كلامو و قادر يدير كونت باسم طفلة و يكلمك و يلعب كيما بغا
جارك او يقرا معاك او بعيد ماتثقيش في كلام اي احد
و الصراحة نفضل لو تغلقي فايسبوكك هذا و اذا بغيتي تفتحي واحد
ديري اسم مختلف و اضيفي بنات اللي تثقيي فيهم يعني صحاباتك مقربات جدا فقط
راهو ماهوش سيريو في كلمتو حتى تشوفيه واقف مع خوك او باباك
راهي مستحيل يقولك تكلمت مع دارنا و نتي تصدقيه ببساطة
ممكن صح و ممكن يكذب
اذا صح اللهم بارك لكن دائما ماتميليش للامر اللي بغيتيه لانو قادر احتمال يكذب و هذا الشيء قادر يؤدي لتهديدات و مشاكل و استفزازات و قرصنة ....الخ و تولي في نظر داركم فتاة غير موثوق بها
اصلا 17 سنة مازل الحال خلاص
زعما اذا تزوجك درك رح هو اللي يسيقلك و يقريك و يديرلك ميناج و يغسل القش و يربي لولاد و ينشر القش و يمسح الغبرة؟ يعني ههههه في قرارة نفسك مستحيل رح يتولى المهمة هاذي
مالا في داركم كملي قرايتك اولا
ماكيش ناقصة تعيش مثلا من 17 ل50 سنة كمثال فقط و انتي تخدميه
يعني فقط اؤككد لك لا تثقي به و لا داعي لكثرة الكلام معه لانو من كثر كلامه كثر سخطه يعني قادر جملة منك و كلمة منو تولي حرب ثالثة
اياك ثم اياك تثقي في الناس اللي تتكلم من الفايسبوك او معرفة بعيدة
اياك
خليك حذرة دوما
و اصلا ماتعمقتيش في موضوع اكثر يعني تعرفيه في الواقع؟ و كم عمرو؟ كثر منك بزاف او نفس عمرك ... الخ يعني وضحي الامر من فضلك
و اني مانعرفش نوصل كلامي
المهم اني ماقصديش نكون فظة
مجرد تنبيه بغرض التحذير فقط
مستحيل نقولك انو كلامك معاه يوصل لنتيجة مليحة و انتي 17 سنة و مابغيتيش زواج
لكان بغاك او يفوتو اعوام ماينساكش حتى يوصل 25 سنة و يجي
المهم وضحيلي الامر من فضلك باش نقدر نفهمك مليح و اذا كشما تحتاجي راسليني
و كي حب هوتبقاو تحكيو في الفايسبوك نقولو مثلا قبلتي
كون يحكمك باباك او خوك وش ديري؟ كي يردوك زرقا رح يجي شاروخان بسلامة حالو يديفوندي عليك؟ راهي نفسك ثم نفسك
هو راهو طفل يشوفوه يحكي مع طفلة يقولك راهو طفل و هكا لولاد في عمرو و نتي؟
مش نديرك ضدو لكن شوي خممي في نفسك
+++
ممكن صح ناويك لكن ممممم وضحيلي الامر و مبعد نقولك وش في راسي

[دعاء المحبوبة]

اغلقي الحساب ببساطة
الباب الي يجيك منو الريح سدو واستريح

[اغادير]

ببساطة بلوكي الكونت تاعك وافتحي واحد اخر ، ونزيد نقلك الرجال تاع الفايس ماهمش ملاح غير بعدي.......................

[ام محمد أدم]

المشاركة الأصلية كتبت بواسطة اغادير

ببساطة بلوكي الكونت تاعك وافتحي واحد اخر ، ونزيد نقلك الرجال تاع الفايس ماهمش ملاح غير بعدي.......................

.................................................. .................................................. ..

[123boutheina]

السلام عليكم
ناوي الحلال ويحلف وقال للدار !
ياو لوكان يحلفلك بجميع انواع القسم حتى المُختلف فيها بعد ... كذاب حتى يجي لباب الدار

- بلوكيه وإنساي

[فرح حياتي]

راكي 17 سنة من المفروض تكون عندك اهتمامات اخرى
والحل سهل جدااااااااا
بلوكي لكونت تاعك وفرات

[ام محمد أدم]

واضح جدا انك حابة تحكي معاه وحابة تمشي معاه فالحكايات و تقولي مشكل يرهقني !!!!!
ولو غير هاذا كنتي ماتقرايش مسجاتو و ماتجاوبيش عليها
تحبي تقنعينا بلي معندكش حل باش تقطعي التواصل معاه
مازلتي صغيرة يا طفلة من المفروض تركزي في قرايتك
ربي ينورك و يهديك

[zahra96]

اختي انا نقلك حاجة وديريها مليح في راسك وانا منيش نحكي من فراغ ان شاء الله برك تقرايها
ايه كاين لي يبانولك ملاح وينولك الخير بصح ..................وقت الصح يخرجو ك....ب ولهذاك متامنيش كلش ولي ناويلك الحلال اول شي يقصدو هو بوك مشي الفيس بوك لانو الفيس بوك انا نقولهالك من الطرق الملتوية ونت الخاسرا الوحيدة في هذي لحكاية بلوكيه واذا وحلي فيس جديد واذا صح ناويلك الخير متطوليش وتلقايه يدق باب بيتكم ناويلك الحلال
ان شاء الله ديري عليا برك وكيما قتلك منيش نحكيلك من الفراغ هذا كلام مجرب

[تينا ماريا]

يا اختى مازال صغيرة يعني حتى اذا هوا ناويك للحلال انت مش تاع زواج مسؤولية ، درك تهلاي بقرايتك و عيشي طفولتك راه جاي الوقت اللي تكبري و تتزوجي و تكرهي
صدقيني كان تذخلي في علاقة ذرك انتي اللي تخسري رايحة تندمي طول عمرك حتى اذا أديتيه راح تبقالك نقطة في قلبك

[سماح 2]

بلوكيـــــــــــــــه وخلاه

[sousou maya]

المشاركة الأصلية كتبت بواسطة مشكلتي

أنا فتاة , 17 سنة فقط كاين راجل ناوي الحلاال لكن مهبلي في الـــفايس ـبـــوك أنا عندي غير البنات في الـــفايس ـبـــوك و منحبش نضيف راجل فيه لكن هو كان يبعثلي رسائل حتى لقيت روحي نجاوبوا و ريحتلو لكن ماحبيتش نبينلو هاذ الشي و هو و يقعد يحلفلي بلي يحبني بزااف و راه ناوي معايا غير الحلال و نيتو صافية معايا و قال لدارهم عليا و أنا مازالني صغير على هاذ الحكايات و عييت نقنعو أنا ماندير والو في راسي و صبر حتى شويا نكبر لكن ما حبش يفهم و حاب نقعدو نحكيو في الـــفايس ـبـــوك
حبيت نبلوكي رسائل على الـــفايس ـبـــوك لكن مافيه هاذ optiion للأسف قولولي كفاه نتسرف في هاذا الموقف ؟؟ راني حايرة نتع صح

السلام عليكم
عندها الحق الاخت ام محمد راني معاها فواش قالت

المشاركة الأصلية كتبت بواسطة ام محمد أدم

واضح جدا انك حابة تحكي معاه وحابة تمشي معاه فالحكايات و تقولي مشكل يرهقني !!!!!
ولو غير هاذا كنتي ماتقرايش مسجاتو و ماتجاوبيش عليها
تحبي تقنعينا بلي معندكش حل باش تقطعي التواصل معاه
مازلتي صغيرة يا طفلة من المفروض تركزي في قرايتك
ربي ينورك و يهديك

وديري كيما قالت الاخت سماح

المشاركة الأصلية كتبت بواسطة سماح 2

بلوكيـــــــــــــــه وخلاه

لماذا ترهقين نفسك بشيء ستدركين مدى بساطته يوما خااصة وأنت في سن ال17