حلوة Brownies رائع

[الأمنيات]

هذه حلوة شفتها في احد المنتديات ليست لي لكن جربتها
والصور الاخيرة تاعي لما جربتها
المقادير :



- 3 البيضات
- 200غ سكر
- 100غ بودرة الكاكاو
- 125غ زبدة دايبة
- 60غ كركاع مهرمش
- 90غ دقيق ممتاز
- 2 اكياس خميرة
- 1 كيس سكر فاني
- 2 حبات موز
- قبصة ملح


الطريقة :

اول حاجة نغربلو الدقيق مع البودرة الكاكاو ضروري باش مايكونش عنا الكويرات ونخلطوهم


ونظيفو عليهم الخميرة الكيماوية



من بعد نطربو البيض مع السكر مليح حتى يتجانسو مع بعضهم



ونضيفو عليهم السكر فاني وقبصة ملح



من بعد نضيفو الزبدة مدوبة



ونبداو نضيفو الخليط نتاع الدقيق وبودرة الكاكاو والخميرة بشوية وحنا نخلطو



من بعد نجيبو البنان ونمعسوه بالشوكة (يكون بنان قاصح شوية )





ونضيفوه مع الكركاع على الخليط دالكيك



ومنبعد ندخلوه للفران على درجة حرارة 180 من 25 حتى 30 دقيقة
و نخرجوه ونتسناو حتى كيبرد مزيان عاد نزولوه من القالب

ملاحظة :
بالنسبة للكركاع من الافضل اننا نحمروه شوية فالفران ونزولو القشرة باش ما يجيناش مر فالمداق

نقطة اخرى:

بما أن البراونيز كيلصق فالمول من الاحسن نستعملو papier sulferise او ندهنو القالب بالزبدة ونرشوه ببودرة الكاكاو
هذا لاول وحدة تذخل





وهذي تاعي الي جربتها

[fati13]

هاااااااااااااااااااايلة يعطيك الصحة

[مقدسية]

اممممممممممممممممممم روعة
يعطيك الصحة يالحرة

[zineb.alg]

هايل ربي يحفظك ...

[الأمنيات]

بارك الله فيكم على الرد وتشجيعكم

[ryma la cool]

الله الله ريحتها لحقتني هناااااااااااااااااااا
باينه تهبللللللللللللللل

[الأمنيات]

بارك الله حبيبتي ليديا

[أم أبوبكر]

[IMG]http:/[/IMG]


[IMG]http:/[/IMG]

[faizarbh]

مممممممممممممممممم تشهي هايلة

[مريم07]

اممممممممممممممممممم روعة

[الأمنيات]

بارك الله فيكم على ردودكم وتشجيعاتكم

[sahima]

ممممممممممممم والله راني ساخفة عليه
هاذ الايام قلت نديرو
نجرب طريقتك ان شاء الله
يعطيك الصحة يبان هايل بصحتكم

[hamsa1987]

من فضلكي ما هو الكركاع ؟؟؟؟ جامي سمعت بيه

[ام ضياءالدين]

هايلة يعطيك الصحة ان شاء الله نجربها

[*ام رامي*]

يعطيك الصحة امنيات هايلة والذوق كيفاش جا ؟؟؟؟
الكركاع هو الجوووز