عاونوني في وجه رب

[مشكلتي]

مساء الخير

انا طفلة معروف عليها حسن سلوك والحياء عمري 32 سنة وقليلة زهر بزاف قبل سنتين كا تعرفت على واحد عمره 56 سنة
متزوج وعنده دراري ووعدني بزواج بصح قالي نتزوجه في سر دركا حتى تسقم دعوة ونقولوا لناس اكل بزوجنا
انا كنت خايفة بصح كي عادي حبيته قبلت بهدا شرط وتزوجنا شرعا وجبنا شيخ الجامع وزوجنا ومبعد كنتلقاو فسر واحد ماعارف وخبينا على ناس اكل ومبعد شهر من زوجنا قلتلوا ودركا وكتاه تخطبني من بابا وكل مرة واش يجيب سبة ومبعد عرفت بلي كايكدب عليا مكا حاب يخطبني ماوالوا خليتوا وقلتلوا يطلقني وطلقني هو بسهولة جات عنده عادي مكا حزن ماوالوا حتى انا حقرت روحي وبهدي سبة وليت نطلب سماح من رب سبحانه وتبت توبة نصوح وكا وليت نحفظ القراءن ونروح نقرا عند بنات ليعلموا القران ووليت حبست الاغاني وقطعت كامل تلفزيون حمد الله تبت تاع صح
يصح دوكا عمري 32 سنة حتى واحد مخطبني قبل اخطر انا مرانيش شابة وكا ندعي بزاف نتزوج حابة ندير دار ونربي اولادي ودوكا المشكل انه واحد جاء حاب يخطبني المشكل انه وليد راجل لتزوجته فسر
واش ندير كا يبان ناس ملاح بصح اسكو نورمال نتزوج وليد راجل لدرت معه علاقة ولالا ؟
مكنش ليساعدني اخطر حتى واحد مقلتلوا حكايتي حابة نقول لشيخ الجامع بصح مقدرش مكنش شكون لنبعثه عند شيخ الجامع مقدرش نحكي حكايتي لناس لنعرفهم وشيخ الجامع خايفة يشفوني ناس اد رحت عنده وشيخ الجامعة من عنا خايفة يشك انا على هادي كتبت هنا بلاك تساعدوني
اخوتي انا 32 سنة كبيرة حتى واحد مخطبني غير هدا وباباه عارف بصح انا هددته قلتلوا لكان تقول واش كاين غادي نفضحك اخطر عندي لبروف عليه. وهو كاساكتواش كاندير نتزوجه خفت ادا حرام ومكنش ليعاوني خفت اد نرفضه ونبقى حياتي بلا زواج