المعكرونة بالبيشاميل

[rahike]

السلام عليكم و رحمة الله تعالى و بركاته

اولا: نحط الماء يغلي معاه شوية زيت و ملح وعند الغليان نضيف المعكرونة مع التحريك من حين لاخر مدة 10 دقائق حسب كمية المعكرونة عندما تنضج نقطرها من الماء



ثانيا: نحضر الصلصة ندير حوالي ثلاث او اربع حبات طماطم نقشرها و ننزعله البذور و ربع حبة بصل و سنات ثوم نرحيهم مليح و نضيفلهم ورقة رند و شوية معدنوس و ملح و كسبر و فلفل اسود و ملعقة طماطم و ملعقة هريسة و نضعها فوق نار هادئة مدة 20 دقيقة حتى تخثار مليح



ثالثا: نقطع حبة بصل شرائح رقيقة و نقليها في شوية زيت حتى تذبال و نضيفلها اللحم المفروم و سنات ثوم و ملح و فلفل اسود و كسبر و نحرك حتى يطيب اللحم مليح



رابعا: نحضر صلصة البيشاميل نذوب ملعقة لابال و نضيفلها ملعقة فرينة و نخلطهم مليح و نضيفلهم 2 كاس حليب بالتدريج مع التحريك المستمر و نضيف شوية جبن و ملح و فلفل اسود مع الاستمرار في التحريك حتى تخثار مليح



اخيرا و ليس اخرا: نخلط المعكرونة مع الصلصة و ندهن البلاطو نتاع الفرن مليح بالزبدة نفرغ نصف اخليط و نضيف اللحم و نضيف الجبن مقطع قطع صغيرة و نضيف الباقي من المعكرونة مع الصلصة و لاصوص بيشاميل










وفي الاخير ندخل البلاطو في الفرن على نار متوسطة حتى تحمار مليح من فوق

و شهية طيبة



ممممممممممم تشهييييييي

انا نحبها نموت عليها نتمنى جربوها

[yasmine setif]

امممم باااينة تشهي..يعطيييك الصحة

[بيت النّسيم]

و عليكم السّلام و رحمة الله و بركاته
جزاك الله خيرا على مجهودك

[rahike]

شكراااااا لمرور كم العطر

[نسيم الإيمان]

ممممممممم جوعتيييييني
نحب المقرووووونة يعطيك الصحة

[طهراوي ياسين]

روووعة....يعطيك الصحة

[ميمنة الجزائر]

ممممممممممممممم خرجتلك تهبللللللللللللللللل

[○•ميسون•○]

هايلة يعطيك الصحة

[ام لقمان02]

تسلم الايادي شكرا

[oum ibrahim]

يعطيك الصحة اختي تشهيييييييييييي

[ريتان]

يعطيك الصحة

[rahike]

شكراااااااااا على الردود أخواتي نتمنى تجربتها لانها بالفعل بنينة بزاف

[ام محمد78]

يــــــعــــطيك الصــــحة

[مرام اروى]

يعطيك الصحة تشهييييييييي

[rahike]

شكرااااااااااااااا