الصحة

[مشكلتي]

السلام عليكم ورحمة الله تعالى وبركاته

انا فتاة أبلغ من العمر 30 سنة أعمل في مؤسسة استشفائية ..لدي اعوجاج في العمود الفقري وهذا الاعوجاج ظهر في سن السادسة عشر حاول أهلي كثيرا لمعالجتي لكن دون فائدة
المهم الاسبوع الفارط لما انهيت عملي وكنت أهم بالعودة الى البيت أنا وزميلتي وكان كل الاطباء والممرضين العاملين في المصلحة حاظرين جاء الطبيب المسؤول وقال لي بصوت مرتفع يا فلانة يجب عليكي أن تعملي رياضة لأنكي بعد عشرين سنة سوف تصبحين هكذا وشرحها لي بالحركة يعني محذوبة جدا حيث قال إنها نصيحة الأب لابنته
ولكم أن تتوقعو حجم الإحراج والإحباط الذي أصابني
بكيت عند عودتي إلى البيت حتى تورمت عيناي فقدت الشهية كرهت الحياة تألمت كثيرا أحسست بإحباط شديد
أنا أتقبل النصيحة لكن ليس بهذه الطريقة ليس أمام الجميع
هذه مجرد فضفضة لأني اعلم أنه لاحل لمشكلتي

[knives66]

لفات مات واش راح ديري

[سجل أنا جزائري]

ربي يكون معك أختي و يشفيك ان شاء الله حاجة ما راح تعجز ربي سبحانو

كوني قوية الشخصية كاين اللي راهم في بلاء أكثر منك و عايشين في سعادة البارحة فقط

التقيت شاب أعمى في طريق طلب مني ايصاله مكان عمله و نحن في الطريق كان يحكي معي و يضحك و يحمد الله في كل وقت سبحان الله تعجبت قلت هذا لم يمنعه مرضه و بلاءه في العيش حياته بسعادة أفضل من الأصحاء فربما ليس له أي مشكلة يعيش في يأس و قنوط

[عماد الدين2]

نصيحة اب لابنته

افرحي للكلام اللي يبكيك
الرجل نيته افادتك مهما كان اسلوبه فالاسلوب خلق
و لا يمكن ان تحزني على اخلاق الناس
الرياضة نعم ستقاوم سرعة تفاقم الحالة يعني تحد منها
فبدل البكاء كان يجب الاستفسار عن نوع الرياضة المفيدة لك
هيا امسحي دموعك و قفي على رجليك و اذهبي له و اساليه
عن نوع الرياضة الواجب القيام بها فهذه صحتك اولا و آخرا

[نارينا]

المشاركة الأصلية كتبت بواسطة عماد الدين2

نصيحة اب لابنته

افرحي للكلام اللي يبكيك
الرجل نيته افادتك مهما كان اسلوبه فالاسلوب خلق
و لا يمكن ان تحزني على اخلاق الناس
الرياضة نعم ستقاوم سرعة تفاقم الحالة يعني تحد منها
فبدل البكاء كان يجب الاستفسار عن نوع الرياضة المفيدة لك
هيا امسحي دموعك و قفي على رجليك و اذهبي له و اساليه
عن نوع الرياضة الواجب القيام بها فهذه صحتك اولا و آخرا

بدل البكاء اسأليه عن نوع الرياضة وياحبذا لو جمع الطاقم الطبي مجددا واخبرك امامهم
النصيحة امام الناس فضيحة ولكن هنا يجب ان تترك الفتاة اعصابها ومشاعرها في ثلاجة البيت قبل ان تلجأ لهذا الطبيب

[نورسين.داية]

السلام عليكم

نصيحتي التي قد لا يتقبلها الغالبية أعلم دلك .......لكن السكوت لن يأتي إلا بتمادي اكبر منه.....هذه هي الإدارات .....تسكتي يحولونكي الى سجاد الباب ....

إذن رأي صبحي عليه الصباح و إسأليه عن نوع الرياضة التي يجب ان تقومي بها .....ثم ضعي له النقاط على الأحرف ....
و قوليلو ......إه بابا رقم 2 على راسي لكن بابا لا ينصحني أمام الناس بل بيني و يبنو ..........ماعجبوش الحال ؟ ....بضرب راسو على الحيط

[optimism]

السلام عليكم
هذا الطبيب لم تمر عليه هذه الجملة ,,,,,,,,,,ليس كل ما في البال يقال ,,,,,,,,,,,,,,,اكيد لايملك الوقت,,,,,,,,,,,,,,,,,,,,,,,,,ولايهمك من هذه تجارب ستكسبين مناعة ’’’’’’’’’’’’’’’’’’’’’يبدا يصدمك لي يقللك حاجة مليحة ,,,,,,,,,,,,,,,,,,وللاسف كم نفتقد للحليم في هذا الوقت

[عماد الدين2]

المشاركة الأصلية كتبت بواسطة نارينا

بدل البكاء اسأليه عن نوع الرياضة وياحبذا لو جمع الطاقم الطبي مجددا واخبرك امامهم
النصيحة امام الناس فضيحة ولكن هنا يجب ان تترك الفتاة اعصابها ومشاعرها في ثلاجة البيت قبل ان تلجأ لهذا الطبيب

اول كلمة قالها لها (( حيث قال إنها نصيحة الأب لابنته ))
هي محتاجة في هذه الحالة من يقف معها لاجل صحتها
ماذا ستقول بعد 20 سنة لو لم تأخذ بنصيحته
ستقول "" يا ليتني "" و عندها ستتألم مرتان
سؤال ما هي المشكلة المطروحة اخلاق الطبيب ام حالة اختنا ؟؟؟

[توتة2008]

المؤمن مبتلى ......ربي يشفيني و يشفيك

[* الحلم سكر *]

و عليكم السلام
الاخوة كفو و وفو فهذا اسلوب في الحديث و لكل اسلوبه
و نقلك خذيها بحسن نية احنا فعلا نتـحسو و كذا لكن ممكن هو من كثرة لي يتعامل مع الامراض صار كانو شيئ عادي يتعامل مع المرض كشيئ عادي ما يكبرهاش و ان ؟؟؟؟
نقلك حاجة اختي و شوفي عظمة الخالق
كنت صغيرةي - طحت على ظهري - صار يوجعني رحت للطبيب قالي نفس واش قالك
اديت نص عمري نتوجع و نتحسر و نستنى نكبر و ظهري يصبح مقوس لانو على قولو العمود الفقري تغير و اصبح اعوج - مقوس - كانت الالام دايما معايا و رحت لاكبر الاطباء و قال ما عندهاش حل الا الرياضة فات الوقت على العملية و لازم حتى اذا رفدتي شيئ من الارض يكون بطريقة كذا و لازم الرياضة ثم الرياضة و مستقبلا نفس واش قالولك

فوضت امري لربي سبحانه و وليت حتى كي نخدم في الدار واقفة شوية برك نحس بالوجاع و دايما حاسة بالنقص
حتى جا نهار في رمضان قبل سنوات قليلة مرضت مرض خفيف و اصرت عليا الوالدة نروح للطبيب مع انو مرض خفيف - و كأنها سبب فقط و سبحان الخالق - رحت للطبيب و كانت فرصة سألتو على الالام اللي في ظهري
قالي هاديك بداية لـ ايرني ما عندك لا اعوجاج لا والو و حتى هو استغرب و قالي ماكانش منها خلاص هذا الكلام عطاني دواء للايرني لمدة اسبوع و قالي توقفي - قالي اذا بقى الالام راح نشوفو حلول اخرى

اقسم بالله كأني كنت نكذب .. هاذي سنوات ما حاسة بـــوالو ممكن نفسيا كنت نحس بالالام و الاعوجاج و و و
كنت نوقف شوية برك نقول خلاص ظهري وجعني - صدقت الطبيب و توهمت الاعراض لي قالي راح تصيبك - اليوم نوقف بالساعات و نخدم كلشي و فعلا الحمد الله نسيت خلاص ظهري تفكرت غير ما قريت حكايتك

انا لليوم دايما نحمد ربي ليل نهار نوقف نقعد نمشي الحمد الله لا الام لا والو



لي حبيت نقولهولك ما تشغليش بالك بهم الغد بالاك ما يجيش - انا اليوم نضحك على روحي كي نتفكر -

الشفاء بيد ربي سبحانه و انتي ما عليك غير خذي بالاسباب
و الكلام اللي جرحك ماعليهش تجرحتي وقتها علاه تبقي تخمي ارمي عليك و بالاك هو فعلا كان الهدف النصيحة
قال رياضة ماعليش طبيب و يفهم انتي خمي انك لقيتي نصيحة و خذي بيها و اخطيك من جرحني شوفي الجانب الايجابي

ربي يشفيك و يوفقك و يكون معاك

سلام

[سليم-عادل]

ربي يشفيك من كل داء امين يارب العالمين

[عماد الدين2]

السلام عليكم
ابداي بالرياضة و اعلمي اننا معك بالدعاء
فلك اخوات و اخوة بالغيب يدعون لك الله

[عبد الله 22]

المشاركة الأصلية كتبت بواسطة مشكلتي

السلام عليكم ورحمة الله تعالى وبركاته

انا فتاة أبلغ من العمر 30 سنة أعمل في مؤسسة استشفائية ..لدي اعوجاج في العمود الفقري وهذا الاعوجاج ظهر في سن السادسة عشر حاول أهلي كثيرا لمعالجتي لكن دون فائدة
المهم الاسبوع الفارط لما انهيت عملي وكنت أهم بالعودة الى البيت أنا وزميلتي وكان كل الاطباء والممرضين العاملين في المصلحة حاظرين جاء الطبيب المسؤول وقال لي بصوت مرتفع يا فلانة يجب عليكي أن تعملي رياضة لأنكي بعد عشرين سنة سوف تصبحين هكذا وشرحها لي بالحركة يعني محذوبة جدا حيث قال إنها نصيحة الأب لابنته
ولكم أن تتوقعو حجم الإحراج والإحباط الذي أصابني
بكيت عند عودتي إلى البيت حتى تورمت عيناي فقدت الشهية كرهت الحياة تألمت كثيرا أحسست بإحباط شديد
أنا أتقبل النصيحة لكن ليس بهذه الطريقة ليس أمام الجميع
هذه مجرد فضفضة لأني اعلم أنه لاحل لمشكلتي

السلام عليكم لا عليك يا ختي الكثير منهم من لا يعرف ادب النصيحة والمعاملة عيش حياتك اليوم و يفتح ربي إن شاء الله ، حتى انه قال بعد 20 سنة

[oumhana]

السلام عليكم لا عليك يا ختي الكثير منهم من لا يعرف ادب النصيحة والمعاملة عيش حياتك اليوم و يفتح ربي إن شاء الله ، كما قالو الإخوه اللي قبلي
يربي يشفيك و يشفي جميع مرضى المسلمين أنا الطبيب تاعي قالي صراحة :مرضك خطير وتقدري تموتي في اي لحظه مثلا تكوني تشوفي التلفزيون حتي يلقاوك يابسه انا رديت عليه بلي كل راح نموتو مشي غير انا المهم خرجت مدمره وحالي حال واليوم راني بينكم و الحمد لله .ومره في رمضان كنت فالسبيطار عيط الطبيب لبابا الله يرحمو وقالو غير ديها لدار مهيش رايحه تلحق للمغرب ولك ان تتصوري حال بابا مسكين حسبنا الله في هذ الناس.المهم ربي يشفيك هاد اطبيب يعرف الطب بصح ميعرفش أصول النصيحه كاين ناس كما الحوت خرجيه من الماء يموت.

[mira mira02]

ربي يهديه
النصيحة ماشي هكدا
المهم ربي يشافيك و ماترفديش هدرتو
ماتبينيلوش انكي مهتمة لكلامو
باش مايزيدش يتكلم معاك