طريقة عمل الرفيس

سماح 88 · 2014-03-31, 10:59

سلام عليكم اخواتي الكريمات
حبيت نعمل الرفيس الي يتخدم بالسميد و السمن ومن بعد يتشرب بالعسيلة
كنت جربت وصفة من المنتدى وجاني كانه مسفوف

سماح 88 · 2014-03-31, 23:40

ولا رد للاسف ؟؟؟؟؟؟؟؟؟؟؟؟؟؟

almazalina22 · 2014-04-01, 08:23

اسفة معرفتوش نعرف
سميد مقلي وهو سخون+تمر منقي +الزبدة طرية +العسل+شوية ملح وكي يولي عجينة تشكلي كيما تحبي

سماح 88 · 2014-04-01, 10:09

شكراا اختي على المرور لكن منقصدش رفيس التمر انا اقصد انتاع السميد شكلو مبسس بالزبدة ومزين بالمكسرات يعملوه ناس قسنطينة في
المناسبات

إلهام07 · 2014-04-01, 10:50

مافهمتش واش مشكلتك مع الرفيس القسنطيني كيفاش جاك كي المسفوف واش تقصدي يعني ناشف ولا خشين ولا رقيق
المهم بزاف أخوات طلبو مني نحطهولهم موضوع ونصرلهم المراحي ونحط الوصفة بالتفاصيل والاسرار نتاعها ونسيت راكي فكرتيني فيه
المهم نجاوبك باختصار في انتظار نحطهولكم موضوع :
* شوفي لازم تستعملي دشيشة ماشي سميد رقيق وماشي متوسط لازم دشيشة خشينة قد ماتكون خشينة قد مايجيك الرفيس هشوش وماشي معجن
* السر الثاني : لاعجينة تتبسس مليح ممكن زيت وحدة ولا تخلطي زبدة وزيت المهم تبسسيها مليييييييح
* السر الثالث : يتحمر مليح في الكوشة باش مايجيش معجن وثاني يجي بنين
* السر الرابع : المعاودة نتاعو كي نعاودوه غير نبخوه بالشوية برك ونخلطو باش مايعجنش ونعاودوه حتان يطرى
* السر الخامس : كي تفوريه ماتخليهش يطول راهو يعجن كي يطول فوق البخار
* السر السادس : كي تخلصي وهو سخون لازم تريحيه مليح بالزبدة ماتكونيش بخيلة
* السر السابع : حنا نديرو سكر ناعم بدلا من العسل لانو العسل مايخليهش يبقى هشش يلصق في بعضاه ندشرو السكر ونخلطو مليح وخلاص تحطيه في صحن وهو سخون وفوقو رشة سكر ناعم وفوقها مكسرات وخلاص

biba2012 · 2014-04-01, 11:34

الرفيس اكلة رائعة شكرا ابالنسبة لي نعرف نعمل ولكن ان امكن تفسيره بالصور عن مراحل باه يستوعبه ويفهموه ان امكن شكرا