نكته مصرية قديمة

[tamer 22]

السلام عليكم ورحمة الله وبركاته

هقول لكم نكته مصرية قديمة بس مش معروفة أوي - بس يمكن تكونوا عارفينها

أول حاجة أعرفكم بشخصيات النكتة

الأول : الخواجة بيشو (وهو شخصية اعتبارية لخواجة يوناني أيام ما كان فيه يونانين كتير في مصر) وهو معروف بالكدب

الثاني: أبو لمعه (وهو شخصية اعتبارية لواحد مصري) كداب جدا أكتر من الخواجة بيشو بكتير

النكتــــــــــــــــــــــــــــــه


بيقولك الخواجة بيشو وأبو لمعه قاعدين مع بعض

فالواجه بيشو بيقول لأبو لمعه أنا مرة كنت رايح الشغل الساعة 8:00 الصبح لقيت عمال بيحفروا عشان يبنوا بيت

على ما رجع من الشغل الساعة 2:00 كانوا بنوا 3 أدوار وبيشطبوا فيه

أبو لمعة : وأيه يعني

أنا مرة وأنا رايح الشغل الساعة 8:00 الصبح لقيت عمال لسه محفروش الأرض لسه بيخططوها وعلى ما رجعت

من الشغل الساعة 2:00 الظهر لقيت عمارة طلعت 6 أدوار واتشطبت واتأجرت وسكنت وصاحب العمارة

بيرمي العفش للسكان بره في الشارع

الخواجة بيشو : وبيرميه ليه يا خبيبي


أبو لمعة : عشان السكان أتكسر عليهم إيجار 3 شهور