لنجعلها عادة

ichrak03 · 2014-03-18, 08:06

شكون راه حاب يدخل الجنة ؟
الطريقة ساهلة وبسيطة تتطلب غير شوي ارادة و تصميم
كامل ملي نوضو الصباح وحنا في المشاغل ونسابقو فالوقت وربما احيانا يفوتنا وقت الصلاة ويفوتنا معاه بزاف مالحسنات
لذا حبيت ندير توقيت خاص باخرتي لنيل الدنيا والاخرة ومن هذاك الوقت وانا مستراحة نفسيا وجسديا و.......الخ وحبيت نشارككم تجربتي وان شاء الله توعدوني تطبقوها .
1 . نحاول نوض قبل الفجر ب 5 د نصلي 2 ركعات زيادة وندعي فيهم ربي يثبتنا عالدين ويعاونا عالدنيا .ونحاول نقرا القران ان قران الفجر كان شهيدا

2 . وقت الضهر نزيد بعده 2 ركعات ثم نقرا سورة يسين

3 . وقت العصر لا نا فلة نغتنم الفرصة اذا ما قرات سورة يسين نقراها واذا قراتها نقرا سورة النور .

4 . وقت المغرب نزيد بعده 2 ركعات ونقرا سورة الواقعة .

5 . وقت العشاء نزيد 2 ركعات قبل الوتر ونقرا سورة الملك وهي تنجي صاحبها من عذاب القبر .

اذا حسبناها بالارقام نربح 5 د قائق راحة في كل وقت صلاة وعدد احرف السور حسناة + اجر 2 ركعات نافلة

مانضنش راح تبخلو على انفسكم هذا البنك من الاجر الدائم .
ان شاء الله تبداو من اليوم وما تستصعبوش العملية وما تنساونيش بدعاكم .
اوعدوني بلي راح تجربوا

مسلم سني · 2014-03-18, 18:12

السلام عليكم
بارك الله فيك أختي
شكرا على التذكير
احترماتي

مصطفى قاسمي · 2014-03-18, 18:36

الله ينور قلبك بنور الايمان ويجعلها في مزان حسناتك

وربي يطرح فيك البركة

نحاول ان شاء الله بقدر المستطاع

شكرا لك بنيتي

ichrak03 · 2014-03-20, 09:47

هل هذه الخطوات البسيطة جاتكم صعيبة بزاف

جربوها وماراح تندمو ا وبالعكس راح تحسو بسهولة ولذة الامر

خاب املي كنت اتوقع الكثير من الردود

وهج الحياة · 2014-03-20, 10:48

وقت العصر لا نا فلة نغتنم الفرصة اذا ما قرات سورة يسين نقراها واذا قراتها نقرا سورة النور .[FONT="Scheherazade"]

ربي يوفقك أختي ، بالنسبة لصلاة العصر سبقيها أختي بأربع ركعات لان صلاة العصر والظهر تشتركان في الوقت -قبل آذان العصر -،،،،،،والله أعلم