مشكلتي

[مشكلتي]

السلام عليكم

لمدة سنتين وانا اعاني من القمل والصيبان في شعري جراء عدوة من احد الاطفال ""لاني قريبة من الاطفال بزاف ونحبهم""

يا ناس الخير ماحبش يروحلي

اتكلم على الصيبان لان القمل يروح لكن الصيبان اللاصق يخليه يعاود يولي

المهم المشكلة الاكبر هو ان واحد حاب يجي يخطبني انسان رائع لكن انا دائما نوخر فيه ونقوله مازال الحال و....و....

و كل هذا بسبب الصيبان الي في شعري

كيفاه ندير يا خاوتي راني حايرة وغير نبكي راني نظيفة ونقية و حاجة ماتخصني باه نرفض فير هاذ الشيء الي ماش بيدي

حاسة روحي رايحة تتحطم حياتي بسببه

واش نقولو ؟؟ واش الحل؟؟؟

عاونوني على وجه ربي

[knives66]

اذا لسقلك في شعر وما حبش يتنح غير قصيه وهني راسك

هذا هو حل

[optimism]

السلام عليكم
يااختي يقلك راح القمل راح الخير,,,,,,,,,,,الخير مازال عندك علاه راكي تقلقي في روحك
عندي خالتي تعمل في الحضانة نسمعها تقول اولياء التلاميذ لي يكون عندو قمل روح صيدلة وشري دواء خاص بالقمل ,,,,,,,,,,,,يااختي عادي

[رحمة من المولى]

الله يشاااااااااااااااااااااافيك

[أم عبد الكريم]

اختي استعملي الشامبو الخاص بالقمل راه كاين يدير ب15الف و كاين نتاع 75 الف و يروحلك اقمل والصيبان نهائيا

[نارينا]

موجة القمل غزت الحضانات والمدارس الابتدائية خاصة هذه السنة ,,,,المهم ,,,,,يوجد ادوية تستعمل للقضاء عليه وهي تباع في الصيدليات,,,,,ادخلي لقوقل وسوف تجدين الكثير من الحلول منها الغسل بالماء والملح والخل الابيض يوميا واكيد سوف يزول ,,,,لا يعقل ان تحاربيه ويبقى سنتين مستوطنا رأسك

[eBusiness]

يا أختي ما هذه بمشكلة بتاتا، هناك أكيد في الصيدليات دواء مضاد للقمل فقط إشتري أجود الدواء وخاصة الدواء الأجنبي وإن شاء ما يدور بيك لا قمل لا والو، عجبا لك أن تعتبري هذا مشكل
قومي بشراء الدواء وعالجي نفسكي واقبلي بخطبة السيد وإن جائت الفرصة للحديث بينك وبين خطيبك، قول له مثلا أنك تريدين أن تقصي شعرك وتريدين رايه فيقول لك لماذا تقصينه قولي له ألا تعلم أن من يحتك بالصغار يصاب في أغلب الأحيان بالقمل وبهذا تكوني قد كسبت رجلا وأيضا أخبرتيه بمشكلتك حتى يكون على علم ولا أرى أنا رجل يلوم فتاة فقط أنها تعمل مع الأطفال وتصاب بالقمل والله الموفق

[naamane3]

اولا ادعي رب العالمين ينحي عليك هاذ المشكلة
ومن بعد اغسلي شعرك بالصابون تاع القطع الكبيرة
عندنا يسموه تاع الطرف او تاع لافيرج
عندو فاعلية كبيرة في القضاء عليه
وربي يكون في عونك

[zahozo]

السلام عليكم
اختي اذا ما بغيتيش تشري الدواء استعملي الخل الابيض اغسلي شعرك عادي و امشطيه بالسلاكة هذيك الرقيقة ومن بعد ديري الخل في الماء مثلا قيمة فنجان مع طاس ماء ومن بعد شليه ولكن ما ديري حتى نوع تاع زيت في شعرك سمانة وتشوفي يروح كلش
والله يشافيك

[نورسين.داية]

المشاركة الأصلية كتبت بواسطة knives66

اذا لسقلك في شعر وما حبش يتنح غير قصيه وهني راسك

هذا هو حل

يعني تتخيل إمرأة بدون شعر .....؟؟؟؟

تحب خطيبها يهرب و يخليها ...............؟

[توتة2008]

ربي يفرج عليك ما تقطعيش الامل وحاولي بكل الطرق وسوف تتخلصين منه انشاالله

[bellaluna]

إن كنت تتكلمين عن الصيبان و أؤكد الصيبان و ليس القمل عليك حلق شعرك نهائيا (بآلة حلاقة) و غسله بالقاز و الصابون الأخضر و سيذهب نهائيا و لا حلّ لك آخر لأنّ كلّ الأدوية التي تباع حاليا موجهة للقمل أمّا الصيبان فيبقى يبيّض مدى الحياة مالم تحلقي شعرك عن آخر شعرة.
بالنسبة للخطوبة إن كنت ستقومين بالرّؤية الشرعية و أنت محجبة لست مطالبة بنزع حجابك، تستطيعين الموافقة على الخطوبة و بعدها تحلقين شعرك.

[محمد...عبد النور]

السلام عليكم و رحمة الله و بركاته
ليس بالمشكل العويص و لكن اشتري لك بعض الادوية التي تقضي على الصيبان و القمل و بعض الشمبوهات الفعال و قومي بالغسل

فقط يجب التحرز من الاماكن التي يكونين بها و ايضا محاولة غسل كل الالبسة و الخمارات التي كنت تلبسينها فقد تنزعين الخمار و تضعينه في مكان ما وينتقل القمل و الصيبان الى مكان اخر او لباس اخر دون علمك
او حتى يسكن مكان تضعين فيه ثيابك
لذا حاولي حصر ثيابك و تنظيفها و تنظيف مكان وجودها لكي تقضي عليه نهائيا مع الحيطة ...فالحمد لله الادوية متوفرة
و يمكنك مثلا ان تضعي بعض الزيت في شعرك و تركه مدة ليلة و في الصباح تغسلين بشامبو لدة عدد من الايام فالزيت الكثيف يقتل القمل و الصيبان و ايضا الشامبوهات و الادوية تقتله
و كما قلت سابقا احذري من ان ينتقل القمل و الصيبان عهبر خماراتك و البستك الى الالبسة الاخرى بدون علمك ...فقومي بحملة نظافة كاسحة و ان شاء الله تتهناي من وجع الرأس
و اسأل الله التوفيق لك في كل امورك
ســــــــــــــــــــــــلام

[مواطنة]

اختي هذا المشكل عندو حل لكن لازمك تصبري و تداومي
اولا كي تبداي تداوي لازم المخذة تبدليلها غلاف كل يوم و اللحاف نفس الشي و يتغسلو في ماء سخون او كي ينشفو يتحددو هكذا تمنعي تكاثر الصيبان .
المشاطي ديالك لازمك تغسليهم او تحطيهم في ماء سخون يحرق مع صابون و شللي
الملابس تاني لازمك تبدلي كل يوم بعد الاتحمام اليومي لا نقاش فيه و غسل الشعر بالشامبو لي قالولك عليه الاعضاء برك حاجة غمضي عينيك لانو فيه مواد مضرة
الان ناتي الى الوصفات القديمة الناجحة
تدهني راسك وشعرك بزيت الزيتون و تغلفيه بكيس و تخليه ساعتين على الاقل هكذا الصيبان يتغم و لازمك تكرري هذي الطريقة باستمرار
خلال اليوم حطي قطرات من زيت الخزامى في راس او وراء وذنيك لانو لا يحتمل الرائحة
و شيء اخر مهم تقدري ديري صبغة الشعر بما انها فيها مواد تؤذي الصيبان
لازمك تاني تعرضي شعرك للشمس مباشرة لوقت قصير
في داركم لازم تتاكدي بلي ماعندهمش و الا يبقى يدور في الدار و حاولو تنقو الفراش و ديرو المبيد في الاثاث
و اخر شي اذا انت من النوع لي يعرق شعرو لازمك تغسليه باستمرار و خصوصا كي تكوني بالحمى حاولي تغسليه و تنشفي مليح بالسيشوار و المنشفة مباشرة للماء الساخن
لكن هذا ليس مانع ان تخطبي

[عماد الدين2]

المشاركة الأصلية كتبت بواسطة مشكلتي

السلام عليكم
لمدة سنتين وانا اعاني من القمل والصيبان في شعري
واش نقولو ؟؟ واش الحل؟؟؟
عاونوني على وجه ربي

و عليكم السلام
نقولور خير ان شاء الله
و الحل هو
كاس خل ابيض طبيعي + كاس زيت زيتون
تبللين شعرك جيدا حتى فروة الرأس نصف ساعة
ثم امشطيه حتى يسقط القمل و البيض هذا مساء
ممكن تباتي بيه او تغسليه
الاسبوع الاول = يوم بيوم
الاسبوع الثاني = مرتان
الاسبوع الثالث = مرة واحدة
ثم مرة كل 15 يوم مدة شهر
ثم مرة في الشهر
بالشفاء