شكشوكة فول من سطيف

[ام اسيل امتنان]

السلام عليكم
اردت ان افيدكم بشكشوكة تاع الفول
المقادير:
رطل فول بالقشور
3 حبات طماطم
شوية دبشة مقطعة او معدنوس
3 فصوص ثوم مرحي
3 بيضات
1 م ص كمون
شوية ملح
طريقة التحضير:
تقطعي الفول رقيق و تفوريه,بعد ما يفور ,في مقلاة تحطي 2 م ك زيت مع الثوم تقليه شوية,ثم تضيفي الفول مفور ,و تقليه شوية,تضيفي الكمون و الملح و الطماطم المرحية.
و تخليه حتى تطيب الطماطم,و جيبي البيض و الدبشة او المعدنوس مقطعة تضربيهم مليح و تحطيهم فوق الفول حتى تتشكل قرصة.
اتمنى انكم تجربوها وترقبوا مني قريبا الصور...
لا تنسو الدعاء لي ولزوجي و ابنتي اسيل.