واش رايكم زوج ميعطيش لزوجته راتب؟

[بوبازين]

ان زوجة بوليسي يخلص في الراتب ومايجيبيش لدار اي يخبيه خارج دايرلي نكردي من الحانوت ويلحق الشهر هو يسلك في رايكم الحل راني عيت ساعات نقول نطلق نماشي بيا الشهرية ببيا ميحسبش للمرض للموت

[** رحيق الجنه **]

في الحقيقة اختي و الله نعرف وحدة قريبة مني تعاني نفس المشكلة

بصح الطلاق ماهوش حل نهائيا

و اذا كان زوجك من النوع البخيل وش رايحه تديري

انتي حاولي تتناقشي مع الزوج بطريقة سليمة و وضحيلو الامر و قوليلو راهو كاين مرض لا قدر الله ,,,, الخ

و ما تقلقيش روحك يا اختي و اصبري فالصبر مفتاح الفرج ان شاء الله

[nilly]

بصح علاه ميمدلكش
راني نشوف بلي معظم زوجات يعيشون في جحيم مطلق ويشتكون من ازواجهم ويريدون طلاق
على مااظن كل هدا لانكم تتزوجون بدون ان تعرفون ازواجكم وبعد دلك تصطدمون بهم فهناك من لا تستطيع ان تعاشره وهناك من لا تتحمله كل واحدة وكيفاه

[أم شروفة]

يااختي المهم راه يصرف وش عندك فيه.يرميهم يحرقهم.انتي حقوقك راهم يجوك وخلاص.أنا كذلك زوجي ما نعرفوش متى يخلص وأصدقك القول لو نقلك نسيت شكل الدراهم من يوم تزوجت لاني لااخرج وحدي وهو يشري كل شيئ.وباقي الشهرية يخبيها عند ابوه.ولا مرة فكرت بالطلاق واستطيع العمل لكنه يرفض رفضا باتا.لكن المهم نطلب أي شيئ الحمد لله نلقاه

[loubna 91]

علابالك لكون يعود راجلك بخيل بزاف و ميعطيكش واش تحتاجي تقدري تاخدي بلا ما تقوليلو بصح على حساب حاجتك برك ماشي زياده
عن هند بنت عتبة – رضي الله عنها – أنها قالت: يا رسول الله إن أبا سفيان رجل شحيح، وإنه لا يعطيني من النفقة ما يكفيني وولدي، فقال: " خذي ما يكفيك وولدك بالمعروف "، والحديث صريح في جواز أخذ الزوجة من مال زوجها إذا كان بخيلاً يقصَّر في النفقة عليها وعلى أولاده مع غناه، على أن إباحة أخذ الزوجة من ماله من غير علمه مقيَّدة بحدود الحاجة وعلى قدر الكفاية بالمعروف ..

وهذه لا تعتبر سرقة لانه حق لها ولاولادها في ماله ..

[بوبازين]

شكرا علي الردود لكن زوجي غير بخيل حبيت ككل النساء ندير دار ندير اولويات الضرورية متل طابلة ناكل عليها خزانة تاع الصالون. يعجبي سربيس حليب متلقايهش . كوزينة شابة حبيت يوجد نروح الحج نخبو للموت عندي اربعة عشر زواج وزواج الاقارب وايضا عن قصة حب مفهمتش نفسيتي تعبانة جدا العام ليجي نفسه حت اني عندي ولد وبنية وحلفت منزيدش شهريتو اربع ملاين ونص كلشهر يسلك الحانوت مليون والباقي معلبليش نعرفي خطيه النسا ولديه ميتين حطيه السهرات ربي يهديه ودعو معايا علبالي الطلاق ماشي حل واش ندير

[** رحيق الجنه **]

ربي يفرج ان شاء الله يا اختي

بصح نقولك حاجة و الله ما تدري لعله خير

كاينة فلانة الي كانت عايشة حياتها لباس عليها مني عاد يحطلها الشهرية في يدها (المصروف)

هذي المخلوقة تبدلت خلاص و عادت تظل تحسب و تطلع و تهبط مالا قولي الحمد لله

[إكليل]

المهم أختي أنه يصرف على البيت و أي طلبات أخرى أطلبيها منه .و إن كانت هذه هي طريقته فجربي أنك تقوليله نجيب أشياء للبيت كأواني و غيرها مما تحتاجين له و أنت خلص لما يكون المال متوفر.

[حمـ السلام ـمة]

المشاركة الأصلية كتبت بواسطة بوبازين

ان زوجة بوليسي يخلص في الراتب ومايجيبيش لدار اي يخبيه خارج دايرلي نكردي من الحانوت ويلحق الشهر هو يسلك في رايكم الحل راني عيت ساعات نقول نطلق نماشي بيا الشهرية ببيا ميحسبش للمرض للموت

حبيبتي
هو اللي يصرف و راكي تشكي؟
روحي شوفي حال الخدامات
يصرفوا و رجالهم ماشي عاجبهم الحال.

المهم اختي
هو ليس ملزما بان يعطيك كشفا براتبه
ممكن تديري قائمة المستلزمات الشهرية و تشريهم على دفعة باش ما تكرديش.

اذا يتعامل معاك مليح
فكري في العيش بسعادة معه
علاش تخممي في الراتب
و المرض اذا جاء خليه يدبر راسو اين مشكلتك؟؟

اختي
النساء راهم يهربو من المشاكل و ما منعوش
اذن ربي يسترك حاولي ما تكونيش انت سبب خلق المشاكل في بيتك

ربي يسعدك

[فرح حياتي]

يا اختي حاولي تتناقشي معاه في الموضوع
ولي اطلبي منو مال لقضاء حاجاتك و خبي منو
و احمدي ربي مادامك علابالك بلي راهو صالح خير ماتعودي تخممي على امور اخرى

[فاتن2013]

انتي وعلاه تعيي في مخك .الحاجة الي تحتاجيها اطلبيها ،انا راجلي يحطلي الشهرية كاملة في يدى حتى مصروفه انا نعطيهولو بصح ديما تصيبيني نحسب لانو راهي مسؤولية ،متحليش باب مشاكل على روحك و جربي تاخدي كلش بالهدوء

[النجمة القطبية]

المشاركة الأصلية كتبت بواسطة بوبازين

شكرا علي الردود لكن زوجي غير بخيل حبيت ككل النساء ندير دار ندير اولويات الضرورية متل طابلة ناكل عليها خزانة تاع الصالون. يعجبي سربيس حليب متلقايهش . كوزينة شابة حبيت يوجد نروح الحج نخبو للموت عندي اربعة عشر زواج وزواج الاقارب وايضا عن قصة حب مفهمتش نفسيتي تعبانة جدا العام ليجي نفسه حت اني عندي ولد وبنية وحلفت منزيدش شهريتو اربع ملاين ونص كلشهر يسلك الحانوت مليون والباقي معلبليش نعرفي خطيه النسا ولديه ميتين حطيه السهرات ربي يهديه ودعو معايا علبالي الطلاق ماشي حل واش ندير

شوفي يا اختى لا اعرف اين مشكلتك بالضبط
اذا كان زوجك مبذر مثلا ويصرف على امور بطريقة غير واعية هنا نقولك ربما معك حق لان المبذرين اخوان الشياطين
لكن حسب كلامك زوجك ملتزم بدفع مستحقاتك ومستحقات اولادك وباعتيرافك خاطيه السهرات والنساء وامور السوء اذن الحمد لله يعنى عندك ثقة فيه الى حد ما وهنا راه داير كامل واجباته
يبقى ان تحاولى معرفة السبب الذى يجعل زوجك يتهرب من الحديث معك حول المال وسبب عدم مشاركتك التخطيط للمستقبل
وفي هذه اعتقد والله اعلم عندو اسباب
ربما هو يخشى من تبذير النساء وانو ميكونش عندك الراى والحكمة واذا تبعك يفلس ومتزعفيش منى حبيبتى بعض النساء تتصرف بلا عقل اذا تبعها زوجها يرجع للوراء لا تعرف معنى الادخار ومستعدة تشترى كل كماليات المنزل في لحظة دون تفكير عكس تفكير الرجل اللى يعطى اهمية للمال اللى يشقى عليه
ومن يدرى ربما زوجك يفكر في المستقبل اكثر منك انا اقترح عليك ان تجددي الثقة بزوجك
وحاولى ان تحاوريه بهدوء وذكاء واقترحى عليك ادخار مبلغ صغير من المال كل شهر دون ان تبالغي مثلا 5000دج شهريا
وقولى ان الادخار مليح لضمان المستقبل وعندها رايحة تعرفي رايه في الموضوع وتعرفي اذا كان من النوع المسرف او انه من النوع الحريص ويخشى اسرافك او انه مهمل لا يحسن ادارة اموره
اذا شفتيه شاطر وعارف اموره خليه يتصرف واكتفى بمصروف بسيط لكى واحمدى ربي انو اعطاك زوج مسؤول عندو الراى
هذا ما لدى
موفقة

[tahri_dvb]

ناس بكري وش يقول ؟
يقولو المرا ما تحكيلها على صحابك ما توريها وشحال عندك في جيبك .
هذا راه يطبق فيها وعندو حكمة فيها نضن راه يوفر من الشهرية ويخلي في البنك باش يديرلك سكن أو سيارة وتأكدي أنو دائمة النقود راح ترجع غير ليك .
.

[pomaria_aindefla]

قلتي راكي عروسة عيشي عراسيتك و خلاص تاثيت البيت كلميه ما شي شرط أنتي تشدي دراهم . أنا نعرف واحدة زوجها يحط شهريتوا في دارهم و هي ماكانتش عارفة حتى مرة مرض و كان في مهمة غير ولايتوا فعيط لزوجتوا باش تروح عند يماه بائ تبعثلوا المال

[~~ أغيلاس ~~]

السلام عليكم؛

إحدى الاستاذات كانت تشكي و تبكي لأن زوجها كل شهر ياخذ راتبها رغما عنها و هي لا تدري مذا يفعل بالمال،

بعد مدددددةةةةةةةةةةة،

أخذها و كانت فرحتها الكبرى،

بماله و مالها بنى فيييييييلللللللاااااااااااااااااا،

ليس من حقه لمس مالها،،،،،،،،، لكنها في الأخير سعدت كثيراااااااااااااا،

المهم تأكدي أن زوجك يوفر المال و لا يبذره،

أنت تبحثين حياة الرفاهية لا غير و غيرك تنتظر ابنا فقط يقول لها يا أمي،

أنصحك بالإنجاب قبل فوات الأوان،

أحد الأزواج أنجبا ابنا و بنة و توقفا عن الإنجاب و قدر الله أن توفيا لما كبرا قليلا و بقي الزوجان دون أولاد باقي حياتهما،،،،،،،

التعدد في الأبناء له فوائد كثيرة، فقد يكون هذا الابن عاقا فيكون الآخر بارا و هكذا،،

للأسف : لو أوتي ابن آدم واديان من ذهب لطلب ثالثا .