مازالني مافشلتش راني هنا لا تستهن

أم ماجد · 2013-10-05, 21:43

بعدما وصلت ل130 تطبيق هنا

https://www.djelfa.info/vb/showthread.php?t=1427744

زدت اربع تطبيقات

سخفت على السفنج بعدما جربت تاع الاخت مصلح زدت درت تاع الاخت حنان هايل لكن ماوصلتش للخفاف اللي نبحث عليهم

لم أيأس وزدت شفت في قناة سميرة سفنج السميد قلت لعل وعسى

واعطتني الوصفة نسمة المنتدى بروقة ودرته لكن مازال ماحققتش اللي في راسي

راني ننتظر منكن وصفة الخفاف كيما تاع الزلابجي

المهم دورتها دونات ودرت تاع الاخت ام اماني هايلة لكن انا درتها مسوس

حبيت نكسر الروتين ودرت تارت للشاف ام كوثر بالكراميل وطعم الكراميل مع الكريم شانتيي هبال اممممممممممم

لاحظوا المكسرات والشوكولا اللي في السينية بعثتهملي حبيبة من حبيباتي في المنتدى حزر فزر من هي ؟

:confused :

هدية إلى صاحبة المكسرات

انها اللهلوبة معبودة الجماهير

الهام

الف الف شكر ربي يهنيك ويزوجك باه نتهناومنك ومن عمايلك فينا

المستغفرة · 2013-10-05, 21:54

ياي ياي على ملكة التطبيقات
ربي يخليك لينا
بارك الله فيك
والله غير قلتي حزرو وشكون طول جات في بالي
لهلوبة علبالي بلي في زوج انتي وهي من العلمة
صافي هي لي جابتلك

tong2 · 2013-10-05, 21:58

الله يــــبارك مــــاشــــاء الله

تطبيــــــقات ممــــــتازة

بصــــــحـتــكـــم

ladymillion · 2013-10-05, 22:06

يالهلوبة فرحتي ام ماجد وديتي دعوة خييييييير ان شاء الله تكون مستجابة يارب نتهناو شوي منك هههههههههههههههههههه هاك ساع يرجع المنتدى سااااااااامط بلا بيك

ام ماجد مبروووووووووووووك تطبيقات رائعة هيا زيدي زيدي 200 تطبيق وماتنسايش ديري ولو طبق من نتاعي

ام الهضاب · 2013-10-05, 22:11

كل شيء 4444444

لمسة حنية · 2013-10-05, 22:41

الله الله فحله وملكه التطبيقات انا بعد العيد اوصل هههه
كل مره تجيني حاجهع تحكمني تطبيقات راائعه بصح حبيت نسقسيك مدام بعتتلك
الهومه هل قبلتيها ولا لا؟

ilbeldelmondo · 2013-10-05, 23:21

ماشاء الله ملكة التطبيقات راكي يعطيك الصحة ام ماجد
و لهومة ابعثيلي لكن الجوز مقشر ok غدوة عيد ميلادي و يجي خمس مرات في السنة هكا صنفولي حالتي هههههه
ام ماجد لازم نسرقو الوصفة من الزلابجي ولا نزوجو الهام بزلابجي ههههه لهومة راني نحب نضحك ماتزعفيش

ام ندى 87 · 2013-10-05, 23:31

ام ماجد والله نتشجع كي نشوف تطبيقاتك

oum anas 69 · 2013-10-06, 08:01

ماشاء الله تطبيقات في القمة عزيزتي بصحتكم و يعطيك الصحة

بصح واش دعوة السفنج لاتكوني تتوحمي صح قري ... هههه

صابرة2013 · 2013-10-06, 08:09

ما شاء الله يعطيك الصحة تطبيقات رااااااااااااااااااااااااااائعة

فايزة1207 · 2013-10-06, 08:34

تطبيقات رائعة
اختي فيما يخص الفطاير جربت هاذ الطريقة وعجبنتا لاخت في منتدى اخر
ان شاء الله تكون هاذي اللي تحوسي عليها
في جفنة حطي 500غ فرينة+ 3ملاعق صغار خميرة فورية + شوية ملح +3ملاعق كبار زيت وبسيها وبعد لميها بالحليب دافي دريها مثل الكسرة وفي الاخير ضيفي بيضة وهنا خبطيها بيدك وتكون مرخوفة على الكسرة شوية غطيها خليها تخمر وبعد لوزيها في صنية مدهونة امليح بالزيت ولوزيها مثل الكسرة ولما تخمر غير شوية تكوني حضرتي 2 مقالي الاولى فيها 3 ملاعق زيت والثانية فيها الزيت عادي كي يسخن ارفدي بالوزة عبسي في الوسط بصوبعك وجبدي على شكل اسوارة وطيبها في المقلة الاولى غير يتغير اللون لوحيها في المقلة الزوجة وفي نفس الاتجاه وين تغير اللون وبعد قلبيها للاتجاه الاخر
وفي بعض الاحيان نستعمل ملعقة تاع الايسكريم نديرها في الماء وبعد في العجين وبعد في الزيت ولما اطيب اندرها في السكر قلاصي وهذي الطريقة رووووووووووووووعة بزاف وهنا يصبح بيني ويجي خفيف رائع والحبات قدقد مثل المحلات عدنا هنا ملاحظة كل ماتكون لعجينة مرخوفة كل ما تجي هايلة
زوج مقلات باش فالاولى تحم روحها و تبدى تطلع تلوحيها فالمقلة المعومة بالزيت
هنا لوكان تعوميها من الاول السفنج مينتفخش مليح و يجي معجن و ميجيكش خفيف جربيه هدي الطريقة و ردي عليا لخبر
حتى السفانجي كي يجي باش يقلي يميل المقلة و يحط السفنج من الفوق وين كاين غير شويا زيت و كي يبدا يطلع يلوحه من تحت وين كاين الزيت بزاف

ساندي 28 · 2013-10-06, 08:50

يعطيك الصحه ام ماجد تطبيقات رائعه زيدي احكيلنا كيفاش لحقاتك الهديه التقرعيج داير حاله ههههههههه

*رفيقة الدرب* · 2013-10-06, 09:08

ما شااااااااااااء الله
ام ماجد حني فيا و مديلي شوية تطبيقات سكيمي ههههههههههههههههههههههه

أم محمد تاج · 2013-10-06, 12:10

يعطيك الصحة أم ماجد أواه راكي ملكة التطبيقات مممممممممممم بصح لوكان يشوفو الكارثة لي درتيها اليوم؟؟؟؟؟ خخخخخخخخخ نقول ولا مانقولش ههههه

مرام اروى · 2013-10-06, 12:56

ربي يبارك يالغالية راكي 4444444444444444 يعطيك الصحة والهناء وشجعيني راني وراك شفتيني هههههههههههه