تارت بعجينة اللوز

أم ماجد · 2013-01-09, 20:12

السلام عليكم
أنا أخت ماجد أتكلم بعضوية أمي
كان عيد ميلادي أمس .يوم الإثنين قلت لأمي غدا حضري لي تارت كالعادة فرفضت وأقسمت بأغلظ الإيمان بأن أحضرها بنفسي دون مساعدتها .وعايرتني بأختي الصغرى ذات 10سنوات كيف أنها أصبحت بيكاسو في صنع التورتات وتزيينها .وأنا حقيقة لاأحب أبدا صنع الحلويات ولا أكلها .بل أحب الأطباق المالحة والسلطات .فأمسيت في منتدى الجلفة أبحث عن التورتات لأنها اشترطت عليا أن أحضر تورت ليست بأنواع الكريمات المختلفة .
فحضرتها بعجينة اللوز وأنا والله في أشد حالات المرض .لكن لأن أمي أقسمت لم أستطع أن أعصيها

وبعد أن حضرتها ذهبت للدراسة وبعد رجوعي وجدت أمي حضرت لي تارت أخرى بالعجينة المرملة.وتارتولات صغار ففرحت كثيرا لأن أمي مع صرامتها فهي أحن قلب في الوجود.ربي يحفظها لنا

وهذه القطعة إلى صديقات أمي

كوزينة هديل · 2013-01-09, 20:23

مم يعطيك الصحة روعة عيد ميلاد سعيد وربي يشدلك يماك إن شاء الله

feuilleblanche17 · 2013-01-09, 21:20

يعطيك الصحة فحلة كيما ماماك

راجية غفران ربها · 2013-01-09, 21:55

الله الله عليك يا العلمية شاطرة كي يماك و ان شاء الله شاطرة كذلك في لقراية ربي ينجحك

faizarbh · 2013-01-09, 22:27

الله الله جاتك تححححححححححفة الله يبارك عليك يا الشاطرة سلامي لام ماجد

meriem28 · 2013-01-09, 22:44

يعطيك الصحة وربي إن شاء الله يطول في عمرك ولعقوبة لـ 100 عام إن شاء الله ويحفظلك الميمة

أم ماجد · 2013-01-09, 23:01

انا ام ماجد ارجو تثبيت الموضوع تشجيعا لابنتي

تينا ماريا · 2013-01-10, 00:38

ماشاء الله
ربي يخليكم لبعض

ام فريال · 2013-01-10, 07:59

مشاء الله جاتك هايلة انشاء الله العام الجاي نفرحو بنجاحك يابنتي

kakinova · 2013-01-10, 09:43

يعطيك الصحة أختي وجزاك ربي كل خير

ماشاء الله
خخخخخخخخخخخ شفتي مرات كي تكوني مضغوطة القلقة كي تخرج تخليك تخرجي أحسن ما عندك

عيد ميلاد سعيد بنت ام ماجد و كل عام ونتي يخير و ديما ملمومة و غارقة في حنان و طياب ماماك

ختي ام ماجد هكذا انا من صديقاتك و ما تعرضينيش

خخخخخخخخخ سلامي ليكم و ربي يهنيكم و يدوم المحبة

أنا أمهم · 2013-01-10, 09:50

أحنا صديقات أمك , و صديقاتك أيضا هههههههه

و الكيكة هايلة تبارك الله عليك

كيما قلتلك قبل : إن شاء الله بنتي تكون شاطرة كيفك !!!! ربي يهديكم و يبعد عليكم أولاد الحرام و بنات الحرام

هكا نحبك ديما ناشطة في الكوزينة هههههه