العجينة نتاع لي تارت اللي حكيتلكم التصاور نتاعهم

ام ملاك. · 2012-09-25, 11:26

السلام عليكم
حطيتلكم التصاور ديجا وطلبتو مني الوصفة وكتبتلهكم في الموضوع الاول مي على شكل رد وبزاف ماشافوهش حبيت نعاود نكتبو في موضوع وحدو ونرفقلكم بعض التصاور باش تتفكرو
واما عن الطريقة لا تارت وكيفاش نديرها والديكور نشوف كيكات واحداخرين ونقلد وديفوا ندير من راسي والطريقة لي درتها نتاع الباربي بالفستان
وان شالله تجيكم ساهلة
نبد بالمقادير:
دمية باربي لازم تكون نحيفة وطويلة(لك الاختيار في شكلها كيف تحبيها شكل بيبي او مراة انا اخترتها امراة مثل ماشفتو بالصورة)
العجينة:
كوب صغير زيت
4بيض
كوب صغير حليب
كوب صغير سكر
3 ملاعق صغار خميرة كيميائية
فانيليا(حسب اللي عندك يعني قوية او خفيفة)
بشر الليمون (1)
طحين
الكريمة:
3 صفار البيض
نصف لتر حليب
5ملاعق كبار سكر
فانيليا
4ملاعق طحين
التزيين : عجينة السكر تباع جاهزة
وحبات اللؤلؤ للحلويات+ شاربات لسقي الكعك(تقدري تعمليه كوب ماء وكوب سكر وعصرة ليمونة تخلطيهم مليح لحتى يذوبو عالبارد يعني مايحتاج تحطيهم عالنار)وتكون عندك شاربات للسقي
طريقة الصنع:

العجينة:نخلط البيض بالسكر جيدا لحتى يفتح اللون بعدين نضيف الزيت ونكمل الخفق ونضيف الحليب والفانيليا وبشر الليمون والخميرة واخر شي نحط الطحين

انتم ملاحظين اني ماحطيت كمية الطحين لاني متعودة احط بميزان عيني يعني مااوزن ابدا بس راح خبركم كيف تعرفو تعملوه
بتحطو الطحين وتكملو الخلط بصح بملعقة خشبية وتخلطو مليح حطو شوي شوي لحتى تصير عندكم عجينة سائلة بصح تكون ثقيلة مو خفيفة(ماشي كي نتاع الموسكوتشو) يعني تقريبا مثل الرايب الثقيل
هاي مكونات العجينة
بعدين تصبيها في القالب الي تكوني داهنتيه او تحطيلو ورق طبخ بش تسهلك عملية نزع الكعك بعد مايطهى
يطهى في درجة حرارة مليحة مو حارة كثير وتكوني مشعلة الفرن قبل ماتبدي تخلطي مكونات الكعكةباش يسخن
تدخلي الكعك لمدة مابين 25 الى 35 دقيقة بس ماتفتحي الفرن ابدا قبل ماتفوت 15 دقيقة
ولما تطهى تنزعيها وتخليها تبرد
وفي اثناء طهو الكعكة تعملي الكريمة
تحطي كل المقادير مع بعض وتخلطيهم مليح عالبارد خلط جيد بعدين تحطيهم عالنار وتكملي التحريك لحتى تتماسك عندك الكريمة وتصير ثقيلة بعدين اطفي النار عليها وبعديها وخليها ترتاح وتبرد
( الكمية اللي عطيتهالك للكعك لصينية صغيرة تقريبا 28 سم قطرها
وحتى الكريمة حسب الكعك
وانا حاطة بالدمية الكعك 2 من الكعك يعني صينيتين واحدة عادية مدورة الشكل والثانية ثاني مدورة بس تكون مفتوحة بالوسط(نتاع الموسكوتشو) يعني لما تطبخ الكعك تكون مثقوبة بالوسط
يعني لما تجو تعملو هالوصفة تضاعفو كل المقادير للعجينة وللكريمة باش تكفيك
بعدين تفتحي الكعكة المدورة الاولى على ثنين وتسقيها شوي من الشاربات وتحطي طبقة من الكريمة عليها
وتحطي الطبقة الثانية للكعك وتسقسها بالشاربات وتحطي عليها الكريمة كمان
تقسمي الكعكة الثانية كمان عالنص وتحطي طبقة كمان وتسقيها بالشاربات بعدين الكريمة وتكملي تحطي الطبقة الاخيرة وتسقيها كمان منيح وتغلفيها بالنايلون وتحطيها بالثلاجة لحتى تتماسك مع بعض منيح
ودرك تبداي بتحضير عجينة السكر واعمليلها الوان اذا حبيتي انا خليتها بالابيض وزدت عليها ملون غذائي ابيض باش يكون ناصع البياض وتفتحيه لازم يكون قد الكعكة وتحطيه عليها بعد ماتجيبيها من الثلاجة
(نسيت قبل ماتحطي عليها عجينة السكر حطي على وجه كل الكعكة الكريمة من شان تثبت العجينة السكر)
وبالوسط لا تنسوا ان الكعكة اللي بالفوق مثقوبة بالوسط تحطي في وسطها الدمية بعد ماتكوني غلفتيها بالنايلون تبع الطبخ لحد الصدروترفعي الشعر لفوق مع الايد من شان تقدري تثبتيها وتزينيها مثل ماتحبي وتعملي ديكور الفستان اللي تحبيه
وتحطي شوية من عجينة اللوز كقميص على الدمية وتلصقيه بالفستان من شان يبين انو واحد
والديكور انت وشطارتك
ان شاء الله تجربوها بعدين احكموا انتم
اذا مافهمتوش كاش حاجة قولولي خاطر ديرتها في منتدى نتاع المشارقة يعني الكتيبة نتاع راني موديفييت فيها شوية

واي استفسار او شرح اي طريقة كيفاش تديروها قولولي وارفقو التصويرة نتاع لا تارت اللي عجبتكم نقوللكم بالتفصيل الممل
تحياتي

mimi best · 2012-09-25, 11:48

وااااااااااااااورووووووووووووعة
شكرااااااا ليكي اختي على الوصفة بما اني اول وحدة رااااااااااااح نوكل شويا منهم

ام ملاك. · 2012-09-25, 12:01

هههه
والله كون جيتي قدامي لوكان راني نخدملك واحدة سبيسيال
يعطيك الصحة على الرد

ام ملاك. · 2012-09-25, 14:10

الله يبارك الردود اللي كاينة ماقدرتو تحطو الردود
هذا قع شح وانا من صباح نكتبلكم ونزيد وفرحانة وماكانش اللي ردت صحيتو

ويناروز · 2012-09-25, 14:36

بارك الله فيك يعطيك الصحة

نبع الندى · 2012-09-25, 14:47

شكرا على الوصفة , المستطيلة أيضا نفس الوصفة

*أم كوثر* · 2012-09-25, 15:14

الله يبارك فنانة
متوعفيش من قلة الردود
الكل يشكي من انقطاع النت

sarah.. · 2012-09-25, 15:55

meeeeeeeeeerrrrrrrrrrrrciiiiiiiiii

ام ملاك. · 2012-09-25, 17:05

اقتباس:

المشاركة الأصلية كتبت بواسطة نبع الندى

شكرا على الوصفة , المستطيلة أيضا نفس الوصفة

ايه نفس العجينة ونفس لاكريم اللي تديريها بالنص
بصح لاكريم نتاع الديكور لا
هذيك كرم باتيسيير
تديري لاكريم كيما لي كتبتهملكم في الوصفة وكي تبرد مليح زيديلها الزبدة الطرية بشوية ووضربي بالباتور كل خطرة زيدي شوية حتان تولي تشوفيها كي الكريم رطبة مليح من بعد لونيها كيما تحبي

kakinova · 2012-09-25, 21:03

يعطيك الصحة و الله روعة جاوك

انا عجبتني اكثر تاع سبونج بوب

ختي

انا شريت عجينة التزيين و حبيت نعمل بيها طارت

على قد ما نزيدلها سكر او نشاء على قد ما بقات طرية و تقطعتلي

ما تقدريش حتى تحليها

حبيت نعمل بيها طارت ما قدرت نلمها ما قدرت نهزها و فالأخير خليتها

ممكن يعني من السخانة لأنو حتى لاكرام شونتي ساحتلي من السخانة بزاف

يا ريت تقوليلي كيفاه عملتيها بناتي حبلوني على الطارت تاع الباربي

قوليلي بالتفصيل الممل كيفاه درتيو لا نتي تاني تتقطعلك العجينة ؟؟؟؟؟؟

المهم اشرحيلي و بارك الله فيك

kakinova · 2012-09-25, 21:13

يعطيك الصحة و الله روعة جاوك

انا عجبتني اكثر تاع سبونج بوب

ختي

انا شريت عجينة التزيين و حبيت نعمل بيها طارت

على قد ما نزيدلها سكر او نشاء على قد ما بقات طرية و تقطعتلي

ما تقدريش حتى تحليها

حبيت نعمل بيها طارت ما قدرت نلمها ما قدرت نهزها و فالأخير خليتها

ممكن يعني من السخانة لأنو حتى لاكرام شونتي ساحتلي من السخانة بزاف

يا ريت تقوليلي كيفاه عملتيها بناتي حبلوني على الطارت تاع الباربي

قوليلي بالتفصيل الممل كيفاه درتيو لا نتي تاني تتقطعلك العجينة ؟؟؟؟؟؟

المهم اشرحيلي و بارك الله فيك

بوعنينبة · 2012-09-25, 23:30

يعطيك الصحة

ام ملاك. · 2012-09-26, 14:18

اقتباس:

المشاركة الأصلية كتبت بواسطة kakinova

يعطيك الصحة و الله روعة جاوك

انا عجبتني اكثر تاع سبونج بوب

ختي

انا شريت عجينة التزيين و حبيت نعمل بيها طارت

على قد ما نزيدلها سكر او نشاء على قد ما بقات طرية و تقطعتلي

ما تقدريش حتى تحليها

حبيت نعمل بيها طارت ما قدرت نلمها ما قدرت نهزها و فالأخير خليتها

ممكن يعني من السخانة لأنو حتى لاكرام شونتي ساحتلي من السخانة بزاف

يا ريت تقوليلي كيفاه عملتيها بناتي حبلوني على الطارت تاع الباربي

قوليلي بالتفصيل الممل كيفاه درتيو لا نتي تاني تتقطعلك العجينة ؟؟؟؟؟؟

المهم اشرحيلي و بارك الله فيك

السلام عليكم
يعطيك الصحة اختي على الرد نتاعك
اذا على تارت سبونج بوب تخدمي لاتارت مستطيلة
وتخدمي لابات داموند اكيد لازم كل شوية تديريلو لون ( اصفر بني وابيض )
المهم لابتا داموند صح سامطة باش تتخدم ماتديريلهاش سكر ديريلها نشا وجربي اخدميها في البرودة في الليل
خاطر في نهار سخانة وتذوبلك وماتفتحيهاش بزاف رقيقة خليها 2 ملم ولا اكثر خاطرش قد ماترققيها تذوبلك وتولي شفافة
نتاع البوبية :
لازم تخدمي تارت واحدة في بلاطو مدور نورمال
وواحداخر مدور نتاع مسكوتشو اللي تجي مثقوبة في الوسط (باش تجيك بومبي من الفوق كي شغل روبة فهمتي؟
تعرفي لازم نخدمها ونحطلكم الخطوات باش تعرفو كيفاش
خاطرش شرحتلكم وماتقدروش تفهموها ماشي كيما التصاور عن قريب بالاك غدوة انشالله نخدم واحدة صغيرة ونحطها في المنتدى
ماتنساوش صوتو علي 23

مَجْنُوْنَةٌ أَنَاْ · 2012-09-26, 14:47

أختي لاتارت تاع سبونج بوب ياك نفس العجينة ؟؟ و كون غير تحطيلنا التصاور تاع الخطوات بش نفهموووو خييير
راهو شافها خويا و هبل عليها و حابة نديرهالو
يعطيك الصحة
تاع الصح ابداااااااااااااع

ام ملاك. · 2012-09-26, 14:55

اقتباس:

المشاركة الأصلية كتبت بواسطة مَجْنُوْنَةٌ أَنَاْ

أختي لاتارت تاع سبونج بوب ياك نفس العجينة ؟؟ و كون غير تحطيلنا التصاور تاع الخطوات بش نفهموووو خييير
راهو شافها خويا و هبل عليها و حابة نديرهالو
يعطيك الصحة
تاع الصح ابداااااااااااااع

ايه اختي نفس العجينة نتاع لي تارت
انا عندي وصفة واحدة لي تارت نديرها ونلعب بيها كيما نحب نحبها ذوق شوكولا ولا ذوق قارص ولا ذوق فانيليا
اللي كتبتهلكم والله مانقصت مازدت فيها وانشالله نديرلكم لاتارت نتاع سبونج بوب بالخطوات ونحطهالكم هنايا باش تستفادو منها
ماتنسايش تفوطي علي 23