ما رايكم في هذا المشروع

سوناكوم · 2013-05-15, 18:25

السلام عليكم
اخوتي الكرام
اليوم عرض علي احد الاصدقاء فكرة مشروع صغير فاردت ان استشيركم لعلي اجد النصح منكم
صديقي يملك شاحنة صغيرة ( هيونداي اش 100 ) فاخبرني انه يحتاج لشريك في راس المال للعمل كموزع للبضائع وبالضبط مشروبات نقاوس الجديدة ( كانيط) خاصة نحو مناطق الجنوب لانها مطلوبة بكثرة
في البداية طلب مني مبلغ 10 ملاين سنتيم مني و 10 منه يعني البداية تكون بسيطة كتجربة
انا من جهة موافق على الفكرة
لكن فضلت استئارة اهل الخبرة لعلهم ينصحونني ويرشدونني
فما رايكم احبتي الكرام
وشكرا

كوندور الهضاب · 2013-05-18, 17:42

السلام عليكم ورحمة الله
يا أخي المهم هو السعر إلي تشري بيه وإلي أتبيع بيه، لكن الشاحنة إلي قلت عليها ما أتخرجكمش، لأن حمولتها صغيرة جدا بالمقارنة مع المسافة إلي رايحين تمشوها وراك أتقول مناطق الجنوب على الأقل بسكرة وورقلة وما تنساش المسافة وراه جاي الصيف والحرارة ودير في احسابك بلي السخانة أتفوت 45 درجة يعني راك اتروح للكوشة وانت بهاذ الشاحنة ما تلقاش راسك، ممكن تستأجر شاحنة أخرى وقاراج مثلا في ولاية بسكرة أو ورقلة واتفرغ فيه حمولة الشاحنة إلي تستأجرها وبشاحنتك الهونداي تقوم بالتوزيع في نواحي الولاية،..
خمم أمليح واحسبها في راسك وبالتوفيق إن شاء الله:d

سوناكوم · 2013-05-19, 11:03

السلام عليكم
بارك الله فيك اخي الكريم
بصراحة نفس الامر فكرت فيه ان الشاحنة صغيرة
يعني تعب الطريق والحرارة الشديدة والحمولة صغيرة؟ اذن لن تكون هناك ارباح كثيرة
المهم في انتظار بقية الاراء
وبارك الله فيك اخي الكريم مرة اخرى
وشكرا

zakiii · 2013-07-17, 13:02

بعد الاستشارة . لك ان تستخير الله " أي ان تصلي صلاة الاستخارة" و بدون شك ان الله سيوجهك و يذهب عنك كل ريب و شك

وفقك الله و اعانك اخي

ASKme · 2013-07-18, 02:00

نقاوس نهضت من العدم
هل تعرف صاحب هذه الشركة ؟
وممكن تقولنا شحال يحسبلكم المجموعة ؟

alriadi · 2013-08-30, 00:00

زوج فواياجات و يكوليلك الموتور اخطيك راني خدمت في هدا المجال لمدة سنتين السوق غير مستقر

HussamHe · 2013-08-30, 04:14

ربي يسهل لك ويرزقك من حيث لا تحتسب

modacha0227 · 2013-09-05, 14:51

يا أحي أحسب للموضوع مليح أدرس جميع الناحي الجيدة و المشاكل التي ستصادفكم حاول تصيب حلول
أنا عني في صدد البداية في عمل مثل هذا (بصح مشي الجنوب)
الله ينوب علينا و عليكم قاع يا ربي

safaa88 · 2013-09-09, 01:02

اقتباس:

المشاركة الأصلية كتبت بواسطة كوندور الهضاب

السلام عليكم ورحمة الله
يا أخي المهم هو السعر إلي تشري بيه وإلي أتبيع بيه، لكن الشاحنة إلي قلت عليها ما أتخرجكمش، لأن حمولتها صغيرة جدا بالمقارنة مع المسافة إلي رايحين تمشوها وراك أتقول مناطق الجنوب على الأقل بسكرة وورقلة وما تنساش المسافة وراه جاي الصيف والحرارة ودير في احسابك بلي السخانة أتفوت 45 درجة يعني راك اتروح للكوشة وانت بهاذ الشاحنة ما تلقاش راسك، ممكن تستأجر شاحنة أخرى وقاراج مثلا في ولاية بسكرة أو ورقلة واتفرغ فيه حمولة الشاحنة إلي تستأجرها وبشاحنتك الهونداي تقوم بالتوزيع في نواحي الولاية،..
خمم أمليح واحسبها في راسك وبالتوفيق إن شاء الله:d

اوافقك الرأي

djalalskull · 2013-09-11, 16:24

ربي يجيبها زينة

khaled40 · 2013-10-07, 22:35

الله يعينكم

kadirou barça · 2013-10-08, 13:35

ربي يسهل عليك يا اخي

zildou70 · 2013-12-06, 10:11

احسب شحال راح تربح بعد ما تنحي المصاريف

@ أبو الليث @ · 2013-12-06, 18:59

إذا كان هناك ثقة متبادلة
إستخر الله
ثم توكل

SADSAD · 2013-12-07, 07:27

شوف اخي كلام خاوتي قبلي صحيح ولكن من وجهة نظري الرزق تلقاط كما يقولون لايأتي بمرة واحدة واذا ربي بارك فيه ان شاء الله تنجح تقدر تجيب انقاوس وترجع بمنتوج اخر لبلادك وهكذا ربما يكون ناجح والله اعلم