بسبوسة رااااااااااااائعة و ناجحة مئة بالمئة بالبيمو و الحليب المجفف ....

[ام اسحاق.]

السلام عليكم و رحمة الله و بركاته






اليوم جبتلكم بسبوسة من مطبخي حصريااا مذاق هااااايل و رائع خاصة مع طعم الحليب المجفف ...
نبد؟أ بسم الله و على بركة الله ...

اول حاجة عنذما تبدئي في تحضير البسبوسة لازم بالمقابل تحطي السيرو تاعك يطيب ...
لتر ماء زائد 500غ سكر عادي مع شوي فانيليا و نص رونديلا ليمون ...حضري السيرو ضعي الماء والسكر والفانيليا في كاسرونة وضعيه فوق النار لمدة 10 دقائق خفضي النار واتركيه 10 دقائق أخرى أطفئي النار ودعيه يبرد

و مبعد نخلط لتحضير البسبوسة
4 بيضات مع زيست تاع ليمون و كاس سكر و كاس حليب و كاس زيت و فانيليا
نخلط جيدا
(و تكوني حضرتي من قبل كاس حليب مجفف محمص على نار هادئة لا يجب أن يكون غامق كثيرا و التحريك عند التحميص يكون بملعقة خشبية)

ثم نزيدو للخليط الي وجِدْناه المقادير الجافة الي هي كاس غار شوي حليب مجفف محمص
و كاس غار شوي بيمو مرحي
و زوج كيسان تاع سميد متوسط و زوج مغارف كبار فرينة
و زوج اكياس خميرة كيميائية



خلط حتى يتمازج الخليط ثم نفرغه في بلا تاع فور مدهون بالزيت



و ندخله في فرن مسخن مسبقا على درجة حرارة 180 لمدة 25 الى 30 دقيقة


و لما تخرج البسبوسة نسقيوها بنصف كمية السيرو بالمغرف و نرجعها للفور السخون حتى تتشرب ثم بعد حوالي 8 دقائق نعاود نسقيها بما تبقى من السيرو و لكن هاد المرة نضيفولو شوي عسل خاثر و نكملو نسقيوها و نرجعوها للفور الي يكون نوعا ما دافئ
و نخليوها ليلة كاملة قبل التقطيع



ملاحظة هامة ... جامي تسقي البسبوسة و هي سخونة و السيرو سخون لازم يكون واحد منهم سخون و الاخر بارد هذا سر من اسرار نجاح البسبوسة

انا زينتها بوريدات شكلتها من عجينة البيمو لانو بقالي شوي بيمو مرحي بقطرات حليب اضفتهم تشكلتلي عجينة شكلت منها وريدات و انت حرة في التزيين تقدري تزيني باللوز و لا الجوز ....


صدقوني مذاق رائع و اكثر و زيد اقتصادية و غير مكلفة و ساهلة
هيا يا الفحلات وريولينا التطبيقات

[أم إناس]

اممممممممم روعه ام إسحاق يغطيك الصحه وباوك الله فيك على الوصفه

[ام اسحاق.]

المشاركة الأصلية كتبت بواسطة أم إناس

اممممممممم روعه ام إسحاق يغطيك الصحه وباوك الله فيك على الوصفه

اهلين و سهلين بام اناس ..الله يبارك فيك و يهنيك
شكراا على المرور الباهي:d

[goraya]

امممممممممممممممممممممممم بصحتكم يعطيك الصحة رائعة

[tong2]

روووووووعــــــــــــــــــــة ماشاء الله عليــــــــك

[cuisineshowdalatifa]

فكرة البسبوسة مغايرة تماما , شهتني نجربها

[wafarim]

باينة تشهي يعطيك الصحة على الشرح

[عاشقة الزمان]

يعطيك الصحة نجربها وانشاء الله تنجح معايا

[شوق الليالي]

تبان تشهي مع حليب الغبرة غالي رجعت بسبوسة رواياااااااال

[lahna moka]

يعطيك الصحة أم اسحاق جاتك البسبوسة مممممممم

[ام اسحاق.]

السلام عليكم
بارك الله فيكن على المرور و التشجيع ..الف شكر

[ام خيرو]

يعطيك الصحة رائعة

[سامية الاخلاق]

يعطيك الصحة على الوصفة تبان هايلة
انا جربت بسبوسة بالبيمو نفس المقادير ديالك لكن بدون سميد حليب مجفف
تجي هااايلة
شكرا

[kosrah]

يعطيك الصحة ماء شاء الله

[تغرينية]

يعطيك الصحة رائعة