12 تساوي10 في الباك

[مومو55]

السلام عليكم
حبيت نكتب هذا الموضوع على خاطر راه قلقني ومنيش حابة شخص اخر يغلط نفس غلطتي
انا جبت الباك هذا العام شعبة علوم تجريبية بمعدل 12.29 فرحت وزادت فرحتي يوف شفت
الخيارات لمدوهملي طب جراحة اسنان مدارس عليا في كل المواد انجليزية.......................................... .............
خيرت لمواد لعجبوني ولكن في اخر المطاف ذهبت فرحتي مع نسمات الهواء لانهم وجهوني الي شعبة ادب عربي وليس لدي اعتراض على هذه الشعبة لانها ايضا من المواد التي احبها لكن من الاول ميمدوليش هذه الخيارات على خاطر جاتني صدمة من التوجيهي لهذه المادة مدام معدلي موصلش12.66 علاه مدولي طب ؟؟؟؟؟؟؟؟؟؟؟؟؟؟؟؟؟؟؟
انصحكم هذه الخيارات مجرد حبر على الورق اهتموا بالمواد ومديروش امل على الطب الا اذا جبتوا 14 وما فوق
10ولا12 في الباك كيف كيف متفرحوش
انا في انتظار ردودكم

[يوسفي عبدالقادر]

كل ماقلتيه صحيح ولكن استمتعي بدراسة الأدب فهو من أحلى الشعب ، ثم أعيدي البكالوريا العام المقبل و اختاري بين البقاء في الأدب أو الذهاب الى شعبة أخرى بالتوفبق

[أمن وأمان]

معاك حق اختي .... معليهش قدر الله وماشاء فعل ... انا كي جبت 12 هدا العام والعام اللي فات كنت عارفة باللي 12 ماشي رايحة تجيب والو والإختيارات الأولى مافيها والو .... يضربوك بزيرو شوا عادي .... الله المستعان ...كيما قلتي الباك اللي اسمه باك لازملو 14 باه تدخلي فرع مليح سينو تدخلي واش وجهاتك الوزارة ...

وربي يوفقك يا اختي .. العام الجاي ان شاء الله تجيبيه ب 15 وتدخلي واش راكي حابة ...قدر الله وماشاء فعل

[الجزائري79]

في البداية أختي مبارك عليك الباك .
نصيحة مني في هذه الدنيا من أخ مجرب أنه يجب على الانسان أن يكون راضيا على نفسه ( و معناه أنه ادى ما يجب عليه ) فهذا هو الاساس و بما أنك تحصلت على الباك و بمعدل قريب من الجيد فهذا شيء مشرف . إلى حد الآن الأمور جيدة ... و أظن أنك من بعد ذلك سألت من يملكون الخبرة و من هم أكبر منك سنا في اختيار الرغبات العشر و انت راضية على على نفسك فهذا أمر آخر جيد ... و انتظرت التوجيه و لكن للأسف لم يكن حسب ما تتوقعين فإلى هنا ما على المسلم إلا أن يرضى بقضاء الله لأنه ليس باستطاعتك عمل شيء فهذا أمر خارج عن ارادتك .
حاولي أن تكملي مشوارك و تحقيق النجاحات و لاتجعلي هذا منتهى الطريق في الدراسة فالانسان لا يعرف الخير أين يكون في هذا الاختصاص أو في غيره و كم من اختصاصات كنا نظن أنها غير جيدة و في الأخير ظهرت غير ذلك .
اطعني في التوجيه ان كنت غير راضية عنه فإن لم تتمكني من ذلك سجلي و حاولي أن تغيري تخصصك ( طرونسفار ) .

[rabab200]

معك حق اختي انا تاني جبت باكي ب 12.32 و درت امل في جراحة اسنان و في الاخير تشوكيت لاخاطر مدولي علم الارض ومن عندهم و ممدوليش حتى اختيار من اختياراتي و لكني درت طعن و اخترت هندسة معمارية و راني راضية و حبيتها و اقتنعت بيها بالتوفيق للجميع و انا قلتها تاني الي حاب يدير واش حاب يجيب معمل كبير و التوفيق للجميع

[مومو55]

شكرا على الردود والاهتمام

[shaloula]

عندك الحق راهم كاينين بزاف سراتلهم كيما انت بصح كون كنت مدايرة matt technique راكي درت واش حابة

[اسلامية جزائرية]

شكرا على السؤال وفقك الله في حياتك

[عماري]

شوفى اختى العام الى فات و احد جارى
جاب الباك 14.12
ما عطاولوش فارماسى بصح عاود هذا العام و جاب 15.40 و راح واش كان حاب
لازم ما تفشليش قراى او عاودى و انشاء الله تنجحى و تجيبى واش كنتى حابة التوفيق ان شاء الله

[موحbk]

اختي انا ثاني كان عندي نفس المشكل ...يعني ماكنتش حاب هذه الشعبة ولكن قالولي انها ممتعة وسهلة ومستقبلها مضمون......ومبعد اقتنعت بها.

[ميزولا]

يأختي والله أنا نقلك المهم ديتي الباك علاه راكي تقلقي في روحك والأدب مليح على الأقل تضمني العام في العام

[chaalaloussama]

شكرا جزيلا

[عمار79]

تخصص الأدب العربي ليس فيه عيب و لكن لا وجود لا للأدب و لا للعرب في الخريطة التوظيفية في الجزائر

و حتى أنه تخصص لا قيمة له في الواقع لا من طرف العامة و لا الخاصة و أنصحك بالجري و تغيير التخصص بالعرف و لا تقبلي بهذا الوضع أبدا

يمكنك تغيير التخصص الى غيره

الحقوق أحسن منو

الفرنسية أحسن من جهة التوظيف و العمل

المواد العلمية رؤياضيات فيزياء اعلام اااالي

المهم نصيحة لوجه الله راكي تضيعي في وقتك

و أنا عندي ليسانس فلسفة و كنت علمي و راني نااااااد بزاف و مين عاودت الباااك تخيلي عطاوني علوم تجارية و الله غير بلاد العجب و شوادة راهم يحكموا في مصيرنا

هذا هبال الكمبيوتر حديدية تحكم و تحدد مصيير أمم و شعوب و الله غير عيب عليهم

و نصيحة أخرى ما تراطيش الباك هاد العام و عاوديه و بربي تدي الاختيار اللي يناسبك

الكلام اللي قلتولك عند الطبيب و ما تجبريهش

ربي يسهل عليك و علينا

[lili2]

ختي غير متقلقيش روحك وادا تقدر دير ترسفاغ ولا عاودي باك ودير ي وش تحبي

[رائد القمر]

بارك الله فيك على المعلومة إذن يجب الآن العمل ثم العمل ثم العمل