علاش ما تصلحليش الجينواز ؟؟؟؟!!!!!

[achoik.96]

السلام عليكن و رحمة الله و بركاته
أخواتي الكريمات ..... في كل مرة أحاول أن أحضر عجينة الجينواز أفشل! لا أدري ما المشكلة , تبدو داخل الفرن مرتفعة و ناجحة و عند اخراجها ينخفض ارتفاعها على الفور . أرجوكن أحتاج الى المساعدة .فما العمل؟

[ryhem 16]

سلام أختي
اذا ما ضربتيش البيض مع السكر جيدا و ما أضفتيش الفرينة في الأخير بالراحة مش حتعطيك نتيجة مرضية

اذا كان مقدار الفرينة في الجينواز غير كافي أيضا راح تهبطلك و بالطبع اذا زدتي كمية اضافية من خميرة الحلوة عني الكمية المطلوبة هنا تهبطلك الكيكة

اذا كنتي تحلي الفرن قبل مرور 20دقيقة راح تهبتلك الكيكة

على ما أظن لازملك مقادير دقيقة و طريقة تحضير صحيحة

شوفي طريقة الرائعة أختي أم كوثر راهي ناجحة و جربتها عدة مرات و عمري ما نبدلها خاطرش تهبلللللللللللللللللللل

https://www.djelfa.info/vb/showthread.php?t=1398560

[achoik.96]

شكراااااااااااااااااااااااااااااا اختي الغالية جزاك الله خيرا

[achoik.96]

تعيشوا اي وحدة تعرفلها مليح و مجربتها تساعدني مارانيش حابة نفشل كي العادة و ندعيلكم دعوة الخير ان شاء الله

[ام رحيم]

عندي وصفة جميلة جدا لجينواز خفيف جدا ومجربتها الف مرة المقادير 6بيضات +200غ سكر وطليعه مليح تحت حمام مائي على الاق لمدة 10دقائق يصبح كي الثلج وكي تهزيه بالملعقة يشكل رقم8 يجي مثل الثلج وفرغيه في مول فيه ورقة الزبدة اوورقة مدهونة بالزيت باش ماتلصقش لجبنواز لانها خفيفة بزافوتكون ناشفةجربيها اختي ورجعلي بالخبر

[ام رحيم]

الوقت تع طايب 25دقيقةعلى فرن متوسط اي 180درجة

[شوشو 11]

المشاركة الأصلية كتبت بواسطة ام رحيم

عندي وصفة جميلة جدا لجينواز خفيف جدا ومجربتها الف مرة المقادير 6بيضات +200غ سكر وطليعه مليح تحت حمام مائي على الاق لمدة 10دقائق يصبح كي الثلج وكي تهزيه بالملعقة يشكل رقم8 يجي مثل الثلج وفرغيه في مول فيه ورقة الزبدة اوورقة مدهونة بالزيت باش ماتلصقش لجبنواز لانها خفيفة بزافوتكون ناشفةجربيها اختي ورجعلي بالخبر

شكككككككككككرا اختي على الافادة
شدتني ثقتك في نجاحها لالف مرة
فاتمنى ان تجيبيني على اسئلتي وممكن تستفيد منها الاخوات وخاصة السائلة
1-علاش يعني اهمية ان طلعيه في الحمام المائ
2-قداش كمية الفرينة ومتى تضاف للبيض
3-والخمارة كاين ولا لا
4-واش تعني ب 8
5-عندي مول دائري قطره 30 سم يوالم هدا الكمية تع 6 بيضات ولا لا
شكرا

[BACHIRA2]

السلام عليكم و رحمة الله و بركاته اختي استعملي هذه انا استعملها منذ سنين و هي مقاديري الخاصة طبعا بعد تجارب و تجارب ههههههههههههه
6بيض طلعيهم مليح مليح م كاس سكر عادي حتي يتضاعف الحجم ثم اضيفي 1 خميرة حلوى و فاني و خلطي مليح ثم اضيفي 1/2 كاس مايزينة و كاس فرينة خلطي من الاسفل الى الاعلى بدون ما تهبطي العجينة و طيبي على ورق زبدة و ما تفتحيش الفرن حتى تطيب و كي تفتحي اطفئي النار و افتحي باب الفرن شوية و اتركيها تبرد باه ما تهبطش

[achoik.96]

شكرا للاخوات ربي يجعلها في ميزان حسناتكن صدقوني ماننساكمش بالدعاااء

[nounoudjs]

جزاك الله خيرا

[ام رحيم]

الفرينة قياس السكر 200غ و الحمام مائي يساعد على ادخال الهواء للبيض و هي طريقة مستعملة في محلات الحلوى اما الخميرة لا توجد ورقم 8 كي تهزي الخليط بالملعقة ودوري يدك يهبط على شكل8 اذا خفتي طحليك لجينواز زيدي باكي خميرة والمول ليصلح هذه الكمية قطره 25سم

[نور الهدى06]

السبب ليخليها تهبط هو ناقصة فرينة هي ليتشدها خاصة اذا راح تحشيها اعملي 5/6 بيض حسب الحجم وضربيهها زيديلها كاس سكر وكاس زيت وفاني وقارص برش وكاس حليب وزوج كيسان فرينة وزوج خميرة حلوى اذا حبيتيها شوكولا زيدي زوج مغارف كاكاو هادي وصفتي وعلى ضمانتي لحليب يطريها ويمكن تعملي في بلاصتو زوج دانات تاع شوكولا وتزيدي الكاكاو مممم تجي بنينة وتعمليها مدورة وتقصيها وتحشيها ولا في مول صافاغا تاع موسكوتشو ولا حتى مادلان ولا كيك طويل. المهم تكون عندك لاباز ومن بعد اتفني

[نور الهدى06]

ادا حبيتيها خفيفة ممكن تنقصي نصف كاس فرينة وتعوضيها بالنشا يعني كاس ونصف فرينة مع نصف كاس نشا تجي كيما ليبونج

[نور الهدى06]

نسيت نقولك اخدميها بالباتور مليح. لازم لعضام يطلعو ويبياضو مع السكر تعرفي نحط 5 بيض ونخدمهم يوليو تقول عليهم 10