سلق بهذي الطريقة ماكانش اللي مايعجبوش..

[أم أولادي*]

الطريقة من ابداعي تبعو معايا وان شاء الله يعجبكم وطبقوه
المقادير :
ربطة كبيرة تاع سلق،م ص فلفل اسود،م ص راس الحانوت،م ص عكري ،م ك زيت ،ملح،حبة طماطم كبيرة ،راس ثوم ،م ك طماطم مصبرة،04حبات بيض، 02ياغورت طبيعي 02حبات بطاطا
الطريقة:
نغلي السلق نقطرو مليح
نحطو في المقلا ونضيف عليه المقادير اللي ذكرتها من قبل نخلوه يطيب مدة ربع ساعة كي ينشف من الماء نطفيو عليه
ونقلو البطاطا كي طيب نستفها في بلا تاع كوشةونحط فوقها السلق اللي طيبناه من قبل ومنبعد نخلط البيض مع ياغورت الطبيعي ونحطو فوق الطبق التاعنا ونحطو في الفور قيس ماينشف الخليط تاعنا فقط ونطفو عليه وبصحتكم الطبق راهو روعة في البنة بمكونات بسيطةوخفيف و صحي جربوه وردولي بلخبر دعوااتكم احبائي
هذي طابلة تاع الغداء
هذي سلاطة مفورة اللي حبت نمدلها الطريقة تجي شوية حارة
هذي سلاطة بديكور فلة ههه اللهم ادمها نعمة واحفضها من الزوال