عزاء ام بكاء ام خوف بالله عليك افدينى

[اسماء الشطورة]

عزاء ام بكاء ام خوف بالله عليك افدينى




ابكى يام هارون ابكى وزيدى ابكى
ابكىي يام ابراهيم ابكى وزيدى ابكى
ابكى يام سندس ابكى وزيدى ابكى
ابكى يام الياس ابكى وزيدى ابكى
ابكى يام شيماء ابكى وزيدى ابكى
كل امهات تبكى وتزيد تبكى
ابكى باالله عليك وللعبد لا تشكى
اليوم انت وغدا هى ام انا ام انت ام انت
عيونا من البكاء طابت وقلوبنا من الحزن تحرقت
حسرتنا على المسؤلين اللى راهم نايمبن
فى خيرات الجزائر متكسلين ومتنعمين
وولادنا فى ساشيات مذبوحين ومطيشيين
بدم الشهداء رانا متحررين باه انعيشوا سعداء متهنين
واليوم راه فى يد الخونة مثل فلان وفلان الطماعين
ياالله ياخوتى يد فى اليد غدوة جمعة انكونا كامل متحدين
رئيسنا بو تفليقة وحدوا وراهم عليه متامرين
عندنا النيف ونهزوه فوق رؤوسنا و الحاجب والعين
شعبنا راه متهول حال فمو واش صاير فى بلادو مكتف اليدين
الخونة لازم يتحاكموا بالاعدام لكل المجرمين
دولتنا من خيراتها جاوها من كل جهة الطماعين
فقوا يا اولاد بلادى متبقاوش غير متفرجين
ماتسمعوش لكلام البرانى وتخربوا بلادكم و يدخلوها الفاسدين
راكم فاهمين وقارين ومتنساوش ربى والدين يا مسلمين
حذارى يلعبها عليكم انتم الخاسرين شفت واش صارى للاخوة تونسين والمصرين
لازم لنا نتحكموا فى بعضانا منكونوش مغفلين متخلفين
وقدموا بلادنا للمحتالين على طبق من ذهب وهما قاعدين
وندائى للاخوات تساهم فى توعية ولادنا وتربيهم على الدين
متتركهمش فى شارع وتكونى من النادمين
غدوة ان شاء الله فى المسجد كامل مجتمعين ونطلب من ربى يهدينا اجمعين
ونحقق كل ما فيه خير لبلادنا وجميع المسلمين
والله يرحم ولادنا فى الجنة ان شاء الله متنعمين
وكل وحدة تقرا هذه البيات تقول ان شاء الله واميييييييييين

[rania l]

يفقد الامَل والارواح بدون ثَمن

رايحة تكثر السرقة بحجّة قلّة العَمل

راح يشرب الخَمر لانّو يرفّه على البَدن

وراح يكون الانتحــار لانّو يفاجي على المَلل‬
16

[rania l]

لشعب بالفقـــر وبالجــــــهل ولا هالكـ
جيل ولا هايم بالشهوات راهــ،ـو هالكـ
ومسؤول هانــي في جوفـو قلب هــامد

[rania l]

‫للخير الكل نبادرو
هكااك الخباثا الكل يتبهدلو‬

[براء]

الله يجعل الخير وخلاص

[rania l]

في بلادي النهار ولى ليل و بلادي ولات غابة يسرقو فيها دراري
الدهشة تحكمك تقول شكون هذا الوحش لي يسرق كبدة لميمة
الشيطان و يقولو اخطيك ماشي هكذا نتا انسان دير لروحك قيمة
قد ماتعايرهم و قليل راهم فاتو الحيوان و الدابة و في قلبهم مابقات رحمة
يا قاتل الروح كاش تقابل المولى و كاش تقابل والدين الدراري يوم القيامة
يا لميمة الله يعطيك الصبر انا كي سمعت لحمي تشوك و كي راني نكتب الدمعة طلت....

الله يرحم هارون و ابراهيم ان شاء الله في جنات النعيم

[rania l]

شباب قسنطينة سيخرجون في مسيرة كبيرة يوم الجمعة مطالبين بتطبيق عقوبة الإعدام على قتلة الأطفال
العدالة ليس لها خيار آخر الآن بعد أن تم العثور على مجرمي مجزرة قسنطينة‬

[سَـآجدة]

رحمهم الله تعالى المهم أنهم في الجنة

فقد قال عز من قال في كتابه الكريم

و إذا الموؤودة سئلت بأي ذنب قتلت


نار جهنم وبئس المصير لكل من شارك في قتل البراعم

شكرا لك على الموضوع

[اسماء الشطورة]

]بارك الله فيكم على الردود صحيح الجزائريون قلوبهم طيبة وتساند بعضها البعض في وقت الشدة بارك الله فيكم وكثر من امثالكم

[R I A D]

من قتل نفسا فكانما قتل الناس جميعا
يا قاتل الروح وين تروح
الله يرحم جميع موتى المسلمين