بريوش ملون من مطبخي حصريا

[امونة الشاوية]

السلام عليكم ورحمة الله تعالى وبركاته
حبيت اليوم نحطلكم فكرة جديدة للبريوش لمحبي التنويع والتغيير واتمنى ان تعجبكم الفكرة ويعصبكم الموضوع

اول حاجة نحتاجو
500غ فرينة
300ملل حليب دافئ
60 غ زبدة ذايبة
80غ سكر خشن
2 ملاعق كبار عسل
ملعقتين كبار ماش معمرين بزاف بزاف خميرة الخبز
ملح
التزيين
20غ كاكاو
ملعقة كبيرة قهوة سريعة الذوبان نيسكافي
التحضير :
نضع كل شيء مع بعضه


نعجن كل المقادير بدون مقادير التزيين طبعاا جيدا ثم نقسمها على 5 اجزاء متساوية


ثم نخلط الكاكاو مع قليل من الحليب والقهوة نذوبها ايضا مع القليل من الحليب لا تتعدى الملعقتين وكل على حدى


ثم ناخذ قطعتين من العجين الاولى نظيف لها القهوة ونعجنها جيدا والثانية نظيف لها الكاكاو ونعجنها جيدا وعند ذالك العجين ستلين قليل وتصبح لاصقة نظيفولها الفرينة القليل فقط ليس كثيرا


وهذه العجين لما نظيف لها خليط التلوين


هنا نظيفو شوي فرينة قيس ملعقة


وهنا العجين كله



نغطيوها ونخليوها تتخمر

ولما تتخمر على التوالي نحل اول حاجة العجينة البيضاء مستطيل صغير ثم ثم نحل عجينة الكاكاو حتى هي مستطيل صغيرونضعها فوق البيضاء ثم العجينة البيضاءونضعها فوق عجينة الكاكاوثم البيضاء ثم البنية ثم البيضاء على التوالي تخربيطة صح شوفوا

بيضاء ثم كاكاو ثم بيضاء ثم بنية ثم بيضاء هكذا باش تفهموا

ظرك الصور باش تفهموا نعرفكم تحبو الصور كي حالتي








ثم نحل العجينة مع بعضها كلها مستطيل كبير ونسايسها مثل لابات فويتي باش الطبقات ما يفوتوش بعضهم


ونديروها مستطيل
ماش نرقو بزاف
ثم نروليو الحربوش ونعدلو الاسطوانة مليح




ثم نقصو الحربوش على قطع متساوية


ونرصها فوق بعضها شوي في مول مدهون بالزبدة ومرشوش
بالفرينة


ونغطيها ونخليوها تخمر شوي اي تطلع
ونطيبها في فور ساخن جدا ولما ندخلها الفرن ننقصو شوي برك


ولا داعي لدهن الخبز باي شيء
وهاذي النتيجة النهائية



نروح ونرجع نكمل الملاحضات باش ينجح الخبز


اول حاجة لازم يكون الحليب دافئءمليح لانو ما تجي تخدمي العجينتين الملونتين ما تكونش العجينة بردت كثيرا
ما تخافيش من العسل والحلاوة لانو الكاكاو والنيسكافي مرين راح تكون الحلاوة معتدلة
لازم يكون الفور سخون جدا اول ما تحطي الصينية لانو الخيز سميك
تقدري تديريه في مول الكيك ويجي كانو كيك خشين
تقدري تطيبيه كل وحدة على حدى لاكنو مع بعض يكون احلى
ما تجريوش العجينة كثيرا كثيرا لانو في التروليان تجي اصعب