هل عندي الحق و لا لا

[مشكلتي]

السلام عليكم
أنا فتاة عمري 17 سنة,في الحقيقة مشكلتي هي عدة مشاكل في آن واحد أهمها أني , وليت نتهاون بزاف على صلاتي في الأعوام الأخيرة راني نحس روحي منافقة راني نصلي غير في رمضان الاب ديالي دايما يقولي و أنا دايما نقول بلي لازم نولي للطريق على خاطرش الفرق بين المومن و الكافر الصلاة راني حابة نثبت على ديني باش ربي يوفقني و يكون معايا و يعاوني باش نحقق أحلامي, ثانيا ماعنديش كامل ثقة في نفسي خاصة في القسم و هاد الشي يقنطني بزاف مع العلم أنني تلميذة مجتهدةبصح ما راني ندير حتى جهد في البيت يعني لا مراجعة لا تمارين الخوف ما خلانيش نبين روحي أنا أصلا نخاف من السبورة’ راني حابتكم تنصحوني باش نزيد نتمسك في ديني و نكسب ثقة في نفسي و نكون فعالة في القسم أو في المجتمع و لا في أي مكان أخر و باش تانيت نقدر نحقق الحلم ديالي.
بارك الله فيكم.