عجوزة في مشكله عويصة

~~دروب التابعين~~ · 2014-02-09, 16:50

عجوزة تقلكم بلي انا وشيخي عشرة طويله بصح المشكل الوحيد ماتبدلش
الا وهو كالتالي
انا عجوز رغم تقدم سني الا اني مازلت احافظ على رشاقتي وجمالي والحمدلله
وشيخي يرعبه كوني كلما كبرت فالسن ازددت شبابا وصغرا
ويثير غيرته بل ان غيرته قاتله ويعنفني بكلمات ماساوية ويبدء بالسب ومقاطعتي لايام
انا والله كرهت من هذا المشكل
اذ انني صرت اكره الخروج من المنزل رفقته
اذ يبدء كل الشيوخ يخزرون فيا ومعجبين جدان جداااااااااااان بيا
ماذنبي ان كنت الفت انتباه الاخرين هل اضع كيسا فوق راسي
دبرو عليا راه شيخي كرهلي لمعيشه واجركم على الله
نصيحة صغيرة وهي تحلت
قولو يرحم ميماتكم
كون جيتو في بلاصة هذي العجوزة شاغاديين تديرو
الغيرة
هل يوجد غسول يزيل الغيرة او على الاقل يخفف من لونها الفاقع وطعمها اللاذع
اعذروني على اللغة الغير سليمة مش انا لي كتبتها
مدتهالي العجوزة المغبونة هذي الرساله وانا نقلت الامانه
ولكم بالخصوص انتم الرجال
زوجتك ماذنبها ان كانت امرءة مثلا يطلق عليها المرءة المودال او المثال
وخاصة لو كانت تسوق سيارة رباعية الدفع والكل يصورها بعيونه
واي ساو لا جالوزي
هي هاك ربي خلقها
ام انك تعاني عقدة نقص ولا تحبها ان تكون الافضل
اجيبو من فضلكم يا شيوخ وعجائز وكل من يقرء هذا المنتدى

مراد الأمل · 2014-02-09, 16:56

هههههههههههه
هاذي مليحة بزاااف،، معليش العشرة لي بيناتهم تكفي باش تهزو و تسمح من حقهاا ،،
استغربت الموضوع شوي،، لكن إذا كان المر كما ذكرت فالشيخ كثير مسوس من زوجته الجميلة ،،

djamila21000 · 2014-02-09, 19:30

تدير النقاب و يتهناو في زوج
و هو الحل الأمثل

زرقـآء اليمآمـة · 2014-02-09, 21:01

او موا تسقسي على العمرة او الحجة
ماهذا ؟

منهاج · 2014-02-09, 22:43

السلام عليكم

هذا الشيباني واش خلا للشباب من المفروش هذا الشيباني يفرح كي مرته مازالت شباب على جاله

ام ملاك. · 2014-02-09, 23:14

ههههههه
اعذريني بصح ضحطتني الغيرة نتاع الشيوخ رانينقلب فيها في راسي ونتخيل في الموقف
ربي يكون معاها تدير نقاب وتتهنى من المشاكل

mounaminou · 2014-02-10, 11:44

ههههههههههههههههههههههههههه

الملتزمة بالدين · 2014-02-10, 23:46

شيخ حكمها في الدار سينو ديرلها النقاب
اكيييييييييد مزحة

نارينا · 2014-02-11, 10:00

هههههههه الا ليت الشباب يعود يوما يروحوا يديروا حجة في زوج بصح لحد الان ماشفتش عجوزة فاتنة فالشارع.....انا نشوف عليهم وقار وادب وخبرة هاد العجوزة مثال غريب

فانيسا · 2014-02-11, 11:32

هدا الموضوع غريب لكن كاين بزاف رجال ايغيرو فالصغر وتبقالهم حتى فالكبر وكاين نساء ايكونو جميلات فالشباب ويبقى زينهم والاصح انها ادير النقاب وخلاص

اريج16 · 2014-02-11, 13:39

اسفة لكن مقدرتش نتوقف عن الضحك ههههههههههههههههههههه ما هذا نضن يا موضوع مذب وغرضه الضحك والتسلية او انا عجوز هذه مريضة نفسيا ه ربي يهديها هي وزوجها ههههههههههههههههههههههههههههههههههههههههههههههه

~~دروب التابعين~~ · 2014-02-11, 16:49

تعليقاتكم هي لي ضحكتني اشكركم من اعماق قلبي على المداخله اضحك الله الدنيا في وجوهكم

bonbon · 2014-02-11, 17:16

سلام عليكم

ليتني كنت مثلها كلما اكبر ازداد جمالا .( اسأليها ماذا تأكل و ماهي الوصفات التي تستخدمها )

ما تتغشيش مني اختي نــgــصر معاك

اذا كان هذا الشيخ يغار فعليه ان يفرض عليها النقاب هكذا هي تتهنى من غيرته و هو يضمن واحد ما يخزرلو فيها

سماح 26 · 2014-02-11, 17:23

أغرب شكوى هههههههههههههههههه
تغطي كل جسمها ماشي خيرلها

فارس وجواد · 2014-02-12, 00:13

من حكايات العجائز و الشيوخ...
.
.
.
.
.
واحد العجوزة طلعت في الكار قاتلهم جلسوني...........جلسوها.
قاتلهم جيبولي الماء ................. جابولها.
قاتلهم خلصولي بلاصتي.............. خلصوهالها
قام واحد الشيخ قالهم ............... هبطوني .
قالولو و علاش يا الحاج ......... واش كاين.
.
قالهم راني خايف لا تقلكم زوجوني........... و تلصقوها فيا.