السلام عليكم يا بنات انا عضوة جديدة ومبتدأة جديدة في الطبخ والحلويات وعروسة جديدة ( بين قوسين) راني دايرة رايي في الكوزينة لي نصيبها نجربها مرة تجي في الصواب مرة ربي يجيب ههههههههههه المهم اليوم حبيت نشارك معكن ولاول مرة بوصفة بحال اانا طورت فيها شوية وهي وصفة البسبوسة لكن بالبرتقال مانطولش عليكن نبداو بالمكونات :
3 بيض
كاس سكر
كاس زيت
كاس حليب
1 كغ برتقال
السميد حسب الرغبة
1 ونص خمارة الحلويات
عسل
سكر للشاربات
ماء
عصير ليمون
ملعقة/ ك ماء زهر
طريقة التحضير:
نخلطو البيض + السكر ونذوبو السكر مليح ف البيض ونزيدو الزيت + الحليب + قشور و عصير 3 حبات برتقال وتخلطي مليح غير بيدك بلا باتور وتزيدي خميرة الحلوى وتبداي تزيدي ف السميد هنا السميد حسب الاختيار ممكن ديري سميد خشين ولا سميد متوسط (اذا ستعملتي المتوسط غربليه باش تفصلي بين السميد الرقيق والمتوسط) والكمية ديري بالمغرف و خلطي حتى يتكثف عندك العجين وديريه ف السنيوة تاع الكوشة تكون مدهونة بالزيت ودخليها للفرن حتى تشوفيها خمرت وحمارت خرجيها ..... وتولي رائحة البرتقال تجي يميييييييييييييييييييي ههههههه
من جهة أخرى قطعي 3 أو 4 حبات برتقال وديريهم مع العسل والسكر والماء وعصير الليمون وماء الزهر وخليهم يغلو وكي يغلي مليح وتحسي بهذاك البرتقال طلق مليح البنة تاعو ف الشاربات طفي عليه وسقي البسبوسة تاعك ماتخليهاش ناشفة بزااااف وماتخليهاش جارية بزاااااف ... كل مرة سقيها وخليها تريح حتى تشوفيها شربت مليح زينيها بجوز الهند خليها تبرد وقطعيها وتمتعي بطعم البرتقال والله راااااااااااااااااااااائع
جربوها ماكمش رايحين تندمووووووو .... زوجي حبها بزااااااااااااااااااااااااااااااف
ماصورتهاش ماكنتش عارفة اذا هذا الاختراع يخرجلي ولا لا
سمحولي اذا ماعرفتش نعبر راكم عارفين اول مشاركة ليا
( تقرير عن مشاركة سيئة )، و الموجودة أسفل كل مشاركة .
2014-02-03, 22:23
بسبوسة بالبرتقال
العرض العادي
