دبرو عليا ربي يجازيكم

[مشكلتي]

السلام عليكم

والله يا اخوتي غير راني في حيرة كبيرة ومقلقة بزاف دبرو عليا ربي يجازيكم:

تقدم لخطبتي شاب من عائلة محترمة، خدام وجميل.لكن لما سألنا عليه قالونا غير تاع بنات حتى يماه قالت أنو عرف بزاف

بنات بصح ذرك راه ناوي على الزواج ويحوس على بنت الفاميليا مع العلم انني عاملة، متخلقة وفي حياتي ما هدرت مع

واحد والحمد لله. على هذا الشئ عجبتو حسب أقوالهم.

أغلب الناس قالولي هذا شئ عادي كامل في هذا الوقت راهم هكذا؟؟؟؟ ما رأيكم إخوتي في هذا جزاكم الله خيرا.

[يونس معبدي]

وعليكم السلام ورحمة الله
ربما ليس لي ما اقوله لك اختي الكريمة
لكن مشكلتك تتضمن رسالة لكل فتاة
تعودت على العلاقات
فمن تصاحبينه اختي الفتاة لا يفكر فيك كزوجة مستقبلية
فليُعلم هذا ..
ربي يستر على بناتنا وبنات المسلمين

[طالبة علم شرعي]

السلام عليكم ورحمة الله وبركاته
اولا اختي كل فتاة يتقدم لها العديد من الخطاب لكن عليها ان تكون دكية وواضحة فيما تريد وحسب كلامك فالمقياس الدي اعتمدت عليه خاطئ ولا يصلح بتاتا لدا اعيدي النظر وهدا حسب كلامك **خدام وجميل**
وثانيا راه يماه عطاتك الاجابة وبالصريح ايضا
قالت انه عرف الكثير ولم تقل انه تاب بل قالت انه الان ينوي الزواج اي يكفي نال ما اراده وشبع والان ترك من عرفهن وجاء يبحث عن فتاة من عائلة محترمة لم تكلم شباب من قبل
هل هدا عدل في حقك حسب رايك ???
ستظلمين نفسك اختي فهدا الشاب راه اولا مجاهر بالمعصية يعني راهم قالولك عرف الكثير وثانيا اعلمي انك ستختارين اب لاولادك خاصة بناتك فربما قام بالاساءة الى فتاة ما وفتاتك ستكون ضحية في المستقبل فهدا الشخص لم يتب على حسب ما ارى
اما بخصوص الناس الدين قالو ان هدا امر عادي فهم على خطا بل يوجد من لا يكلم الفتيات وان شاء الله يلاقيك بيه ادا كنت اهلا له بالدعاء ووضع مقياس الدين والخلق اولا و اخيرا
لا تسمعي لكلام الناس رجاءا
واعيدي النظر فنصيحة لك كاخت اخطيك في راسك راهم قالولك نيشان لدا احمدي الله ربما لانك في الطريق المستقيم الله عزوجل بين لك كل شيئ وبدون تعب والله الزواج بهدا الشخص فيه عدة عواقب لا يسعني دكرها و في تركه منفعة
و ماشي شحا وانت صايمة تروحي تفطري على بصلة
بالتوفيق اختي وكان الله في عونك ورزقك الزوج الصالح
سلااام

[ابتغي الجنة]

لالا ماشي عادي
كل حاجة استسلمنالها ورجعناه عااااااااااااادي
يا اختي اقبلي بالذي ترضين دينه وخلقه
وهادا مانهدروش على اخلاقو بصح وين كان دينو كي كان يخلط من طفلة لطفلة

[mokbity]

السلام عليكم اختي نصيحة من اخت لك في الله ما تسمعي كلام حتى واحد كاين صلاة الاستخارة ربي يبين لك كل شي و الصح احمدي ربي على كل شي

[ايمان نور الجزائر]

شوفي نتي يا ختي....اذا تقدري تعيشي مع واحد
عرف مائة واحدة ..وواحد نتاع بنات
اذا تقدري تنساي هاذ الجانب من حياتو...اذا ما راحش تشكي فيه
اذا راح توثقي فيه وراح يستاهل تضحيتك الا وهي القبول به.
فهناك معادلة خاطئة حسب رايي فيما يخص موضوعك
على كل ان استعطتي اخذ ضمانات بتوبته وندمه فاللهم بارك

[مراد سابقا]

أخيط

هذا ليس شخص ذو دين

ولتعرفي جيدا من فيه الفيس أنتاع النساء راهو مينهيش منو

أنا نعرف ناس كانوا في الفيس هذاك

وتنزوجوا وبقاوهكذاذ

[lynoor]

لا حول ولا قوة الا بالله

[lalib40]

لا انصحك بهذا النوع من الرجال

[mouniaamel]

اختي صراتلي نفس الحكاية و الله قاتلى امو نفس الكلام و انا تاني عمري مادر ت علاقة قلت الرجال كل هك دورك يتعدل ف قبلت خلاني تعلقت بيه و مباعد جبد كل ما نقلوا وكتاه الخطبه يتهرب حتى جا اليوم لماردش عليا كي نكلموا في البورتابل اما امو ما ظهر عليها حتي خبر
حطموني تع الصح

[bonbon]

ذنب الكلب يظل اعوج

اختي خممي في المستقبل هل تريدين العيش في الشك و الخيانة و الكذب و الخداع و و و .......................

هذا رأيي لكن

نقولك حاجة

ماخاب من استخار

نحن نرى الامور من زاوية و لكننا لا نعلم الغيب

فاستخيري الذي بيده كل شيء و هو لن يخيبك

ربي يجيبلك للي فيه الخير

[نورسين.داية]

السلام عليكم

كيفية الإلتزام هي التي تفصل في أهليته للزواج .....هذا إذا كان ما روي عنه صحيح

كما ان الله عز وجل هو اعلم بالقلوب .......

وفقكي الله أختي

[حساني اسامة]

المشاركة الأصلية كتبت بواسطة ღطالبة علم شرعيღ

السلام عليكم ورحمة الله وبركاته
اولا اختي كل فتاة يتقدم لها العديد من الخطاب لكن عليها ان تكون دكية وواضحة فيما تريد وحسب كلامك فالمقياس الدي اعتمدت عليه خاطئ ولا يصلح بتاتا لدا اعيدي النظر وهدا حسب كلامك **خدام وجميل**
وثانيا راه يماه عطاتك الاجابة وبالصريح ايضا
قالت انه عرف الكثير ولم تقل انه تاب بل قالت انه الان ينوي الزواج اي يكفي نال ما اراده وشبع والان ترك من عرفهن وجاء يبحث عن فتاة من عائلة محترمة لم تكلم شباب من قبل
هل هدا عدل في حقك حسب رايك ???
ستظلمين نفسك اختي فهدا الشاب راه اولا مجاهر بالمعصية يعني راهم قالولك عرف الكثير وثانيا اعلمي انك ستختارين اب لاولادك خاصة بناتك فربما قام بالاساءة الى فتاة ما وفتاتك ستكون ضحية في المستقبل فهدا الشخص لم يتب على حسب ما ارى
اما بخصوص الناس الدين قالو ان هدا امر عادي فهم على خطا بل يوجد من لا يكلم الفتيات وان شاء الله يلاقيك بيه ادا كنت اهلا له بالدعاء ووضع مقياس الدين والخلق اولا و اخيرا
لا تسمعي لكلام الناس رجاءا
واعيدي النظر فنصيحة لك كاخت اخطيك في راسك راهم قالولك نيشان لدا احمدي الله ربما لانك في الطريق المستقيم الله عزوجل بين لك كل شيئ وبدون تعب والله الزواج بهدا الشخص فيه عدة عواقب لا يسعني دكرها و في تركه منفعة
و ماشي شحا وانت صايمة تروحي تفطري على بصلة
بالتوفيق اختي وكان الله في عونك ورزقك الزوج الصالح
سلااام

ليس هكذا تأكل الكتف اختي
ربما تاب الرجل ولم يعلن عن توبته لامه فكيف تحكمين عليه ؟ وشروط التوبة ترك ماكان عليه والندم وعدم الرجوع اليه يعني ليس من شروط التوبة الجهر بها للعامة الناس
ربما انت تحطمين بكلامك هذا مشروع تكوين اسرة لرجل تائب و تزعزعين ثقة هذه البنت السائلة
ارجوا ان نلم الشمل لا ان نفرق وعفا الله عما سلف
اختي اذا احسستي منه الصدق والدين فتزوجي بيه
كما قال رسول الله من جائكم ترضون دينه وخلقه فزوجوه...في معنى الحديث
فان كان يصلي و لايشرب خمرا فهذا يبشر بالخير والله اعلى واعلم

[djamila21000]

نصيحة أختي فكي عليك.

[نورالهدى بيولوجيست]

لا حول ولا قوة الا بالله

مافهمتش علاه يوجعولك في خاطرك اهلو و يقولولك هاذي الهدرة؟

اخشى انهم تفاخروا بهذا الشئ

لانك لو سمعتي من ناس اخرى لكانت منطقية

على العموم لا ادري حالة هذا الشاب بالضبط لكن تأكدي ان الله لن يظلمك

توكلي على ربي سبحانو و استخيري و ربي يوفقك ان شاءالله