حصري قبعة حامل الدبابيس

[ريم الفلى]

صباح الخير عسولات واش راكم؟
اليوم وطبعا مع الجديد والحصري
ههههههه
حامل الدبابيس
بدون اطالة اليكم واش نحتاجو

اولا سي دي
باطا طون
طرف قماش
خيط وابرة
لاوات نسيت مصورتهاش
مقص
تيج كول باش نلسقو وبيستولي
الطريقة سااهلة مااااهلة اولا
نقصو القماش على شكل دائري
ونغلفو بيه السي دي
ونخيطوه بالابرة والخيط جيدا
ثم نعمرو باطة الطون بلاوات ونغلفوها هي الاخرى بالقماش ونخيطها من تحت ونقطع القماش الزايد

من بعد نلصق البطا تاع الطون في السي دي بالتيج كول

نلصقو مليح ونتاكد انو مش يتحرك
ثم نزينوها كيما نحبو
انا ضفرت الحاشية تاع الستان
ولصقتها في لي تور

ولصقت حجرات كريستال بالتيج كول
وصنعت وردة بالحاشية ولصقت فيها حبة كريستال التيج كول
وهاهي النتيجة

وهادي من فوق:

وهادي اقرب:

واش رايكم فيها ماشي بااااهية بزاف؟

هنا حطيت فيها المساسك تاع الخمارات ولي ايبانقل

انتظر تعليقاتكم وتطبيقاتكم اكييييييد
باااااي