زوجي قلبه ميت

[مشكلتي]

السلام عليكم
اليوم حبيت نطرح مشكل هو انه زوجي كان يحبني بجنون نهار اللي ماحبيتش نقبل يبكي بالدموع وقدام اهله درك ثان يبينلهم بلي يحبني ونحسو صح بصح درك ماعاتش على بالو بيا اصلا حتى انه كان عندي الم في الثدي تاعي الطبيبة دارتلي راديو وقالتلي عندك كيست وكان عندها شك المهم طلبت راديو اخر وانا خايفة ونبكي وهو ماعلابلوش اصلا انا نحط الرلاقية وهو ينحي الرقية ويحط الغنا
ونهار الحسم ورحت ندير راديو وانا نترعد لايكون عندي مرض خطير رحت مع جارتي ماهزش تيليفون وماسقصاش عليا حتى بعثتله ميساج قلتله سقسي عليا حتى قدام الناس
وكي جا قالي كانت عندي خدمة كبيرة كي هزيت البورتابل تاعو لقيتو الوقت هاذاك كان يهدر مع صحابو على حاجة مليحة ليه كان يستنى فيها
مافهمتش اذا كانت ناس منا ومنا تسقسي وتعاود وهو لا
راهو في نظر الناس طيب ومتخلق بصح معايا كان هكاك وتبدل معايا لدرجة انه مرض خطير كيما هكا وماسقساش عليا
قلتله رقي بلاك كاش ماكاين سحر ماحبش حتى الصلاة كان ملتزم وبطلها
انا راني طول بالرقية الشرعية في الدار ومع الدعاء والاستغفار
بالاربي يفرج بصح تاع المرض تاعي وماحوسش عليا ماننساهاش على طول عمري

[عصـــام]

أولا أتمنى لك الشفاء العاجل ، ثانيا تقولين أن زوجك إنسان جيد في كل الأحوال ، ومع مرور الوقت تغيّر ، لا بد من أسباب دفعته لكي يغيّر سلوكاته معك ، حاولي أن تبحث عنها . والله الموفق .

[الجليس الصلح]

السلام عليكم ورحمة الله
سبحان مغر الأحوال من حال لحال حتى مع صلاتوا أمر غريب أختي
نسأل الله له الهداية اما انت سامحيه هذي المرة
وربي يسهلكل حاجة صعبة

[نورالهدى بيولوجيست]

قستيني بالموضوع تاعك

و الله كلش في كفة و الصحة في كفة اخرى

ربي يشافيك و طهورا ان شاءالله هذي الاولى اللي تهمك

اما زوجك لوكان تبدل عليك نتي برك نقول بالاك المشكل فيك لكن مادام قصر في حق خالقو بترك الصلاة اسمحيلي هذي حاجة كبيرة

انتي اللي عليك انك تدعي ربي يشفيك و يهديلك راجلك ساعفيه و استغفري و ادعيلو دايما ربي يثبتو على دينو و كي يرجع لربي سبحانو

راهو اكيد يرجع ليك

ربي يفك كربك و ييسر امورك ان شاءالله

[مناد بوفلجة]

ربي يشافيك و يفرج عنك همك و غمك

[yousra14]

السلام عليكم
أختي شفاك الله وعافاك أولا
ثانيا زوجك لم يرحم نفسه وتريدين منه أن يرحمك ؟؟؟؟؟؟
هو ظلم نفسه قبل أن يظلمك بتركه للصلاة وبعدها أتت باقي الأمور التي لا تعجبك .
الحل

في العودة للبدايات
الصلاة حاولي كيف تعيديه لها وستصلح باقي الأمور منها الأهتمام بك ...
كان الله في عونك وهدانا جميعا وأصلح الأحوال
والسلام

[.kiki]

السلام عليكم و رحمة الله
لا بأس عليك أختي، طهورا ان شاء الله، أبشري فانّ كل ذلك اختبار من عند الله.. و انّ أكثر الناس ابتلاءا هم الأكثر ايمانا.. و في مقدّمتهم الأنبياء. فلا تحزني و اثبتي و اعلمي أن الله مع الصابرين.
واستمري في الاكثار من الاستقفار و سترين ثمرته ان شاء الله، و لا تتوقّفي أبدا مهما كان عن الدعاء لك و لزوجك.. لا تدرين متى تكون ساعة الاجابة.
حمّلي محاضرات و خطب عن الصلاة و عقوبة تاركها و ضعيها في التلفاز أو الحاسوب عندما يكون في المنزل و دعيه يستمع.. قد يرفض مرة أو اثنتان او ثلاث و لكن قلبه ان شاء الله سيتحرّك..
ثم حدّثيه بهدوووء عن الأمر، اسأليه مثلا ان كان يستطيع أخذك الى صلاة الجمعة لتصليّ هناك مع النساء.. ثم أخبريه أن يغتسل و يصلّي هو أيضا لتعمّ البركة في بيتكما و تنالا الخير الكثير باذن الله
المهم كوني ذكية و لا تيأسي.. و استعيني بالله.. و استعيني بالصبر و الصلاة..
انّ المراة الصالحة التقية هي أساس البيت الصالح السعيد.. و هي قائدته باذن الله الى رضوان الله و جنّته ونعيمه.. فكوني قوية صابرة محتسبة.
و ان رأيت ان صحبة زوجك هي من عيذرته هكذا فحاولي أن تنبّهيه.. فالأمر يا اختي خطير.. فالصاحب ساحب.. والمرء على دين خليله..

و في الختام أسأل الله عزّ و جلّ ان يكون لك عونا و ان يعجّل شفاءك و أن يردّ لك زوجك و يسعدكما و يبعد عنكما كيد الشيطان، انّه و ليّ ذلك و القادر عليه.

والسلام عليكم و رحمة الله تعالى و بركاته

[محمد جديدي التبسي]

نسأل الله العافية كان عليك أن تبدئي كلامك بالحديث عن تركه للصلاة فوالله هي أمر عظيم مقارنة بعدم اهتمامه بك
والدليل على ذلك أننا نجد الكثير من المتزوجات بتاركي صلاة ويعيشون عادي مادامت أحوالهم المادية مستقرة
حاولي أن تحيي ذلك القلب الميت بإعادته للصلاة أولا بشتى الطرق رهبيه ورغبيه أخبريه ما قيمة الحياة من دون صلاة؟
يجب أن تكون الزوجة عونا لزوجها على دينه ليكون لها عونا في دينها ودنياها .. ربي يشفيك ويهنيك ويهدي زوجك

[امونة الشاوية]

الحمد لله اختي على سلامتك المهم الصحة وكلشي بالشوي يتصلح وان شاء ربي يهديه وتتحسن علاقتكم

[أم شروفة]

زمن المشاعر و الاحاسيس ولى ولن يعود.اصبري كيما جميع النساء

[بلسم غرام2018]

ربي يشافيك
متخافيش
وديري رقيه شرعيه دايما في الدار

[sanax]

ربي يهديه واكثري من الاستغفار

[مريم الصابرة]

السلام عليكم اختي
شوفي اولا ربي يشفيك يا رب وا تقلقيش روحك عادي صح من المفروض يسقسي لكن اختي شوفي الأمور الجميلة في حياتك معاه محال حاجة وسحابة فايتة على حياتكم تخليك تنساي كل امورو الراجل يمر بمراحل إنت فالحب مدلك كل الحب وبعدها راهي فترة نتاع روتين ممكن زادت الإهتمامات عندو وراه مع خدمتو ومع بعض الأمور شغلاتو ومرات شوفي الراجل يجري ورا مرا يحبها هو غير يتزوجها ويديرها فالدار ما يخافش يخسرها راه ضامن راهي عندو يعني يولي بارد ما عندو حاجة ولكن فالأصل اكيد زوجك يحبك وراكي عارفة واش دار على جالك حتى زوجك عليها أختي لفتي نتباه زوجك ليك شوفي واش تبدل فيك إنت خلاه تبدل خليك على الرقية والإستغفار والدعاء وراح تكون كاينة نتيجة والرقية ليه مليحة فعلا
أختي ما تكبريش المشاكل بينك وبينو ومن رأي خذي فترة روحي لداركم ضيفة خلي البعد يعاود يردو ويشتاق ويولي يحوس عليك يعني بعدي عليه فترة وشوفي وربي يهديه ممكن امر ما خلاه مش مهتم إنت جربي تغيري من روحك وجربي تناقشيه اكيد كاين وقت بينك وبينو تحكو فيه قوليلو ما راكيش مرتاحة يعني هدديه بالعاني مش صح قوليلو كان ماعدتش مهتم قولي في وجهي ونروح إنت بالعاني مش صح وشوفي قيميه احيك مع زوجك ما تقدرش تحكمي عليه من بعيد
إما هناك سحر وما نشكوش ونظلمو الناس لكن الله غالب مجتمعنا فيه كل شي واصلي الرقية الشرعية وربي يهديه يا رب ويشفيك القلق يزيدلك المرض ما تقلقيش روحك موفقة

[نيفرتيتي.]

اختي مريم صلبرة كلامك موزون وفي القمة ربي يفرج عليها وعلى كل مهموم ان شاء الله الا انه كما قال الاخ التبسي انه المشكل في الصلاة وليس في عدم الاهتمان بها
لانه كي يهتم بصلاته راح يتقرب لربي ويتقي الله فيها

[يونس معبدي]

زوجي قلبه ميت 2