حزينة

[مشكلتي]

بسم الله الرحمان الرحيم
انا عاملة عمري26 سنة تخطبت عدة مرات بصح ربي مكتبش
المهم انا بقدر من الجمال والاخلاق والحمد لله
مشكلتي انو في مرة جاني واحد يكون لجدتي من بعيد
دكتور في الجامعة
قالي راكي عاجبتني من صغرك
وقالي طول نسقسي عليك وعارف عليك كلش والله يبارك حتى ورحتي للجامعة متبدلتيش
المهم الكل يشهد لاخلاقو
ومن بعدها معاودش هدر معايا
وفي مرة جاني وين نخدم هدرت معاه عادي
وقالي نسحقك
كي حكيت معاه قالي نحبك وتعجبيني
بصح منقدر نوعدك بوالو في هاذ الوقت
انا مفهمتهاش
ولا نقول فتتها لخطر محبيتش نخسرو لخطر فيه كل حاجة تتمناها اي مراة
وبقيت نحكي معاه
وليت في كل صلاة وفي كل دعاء تقول ربي يجمعني معاه في الحلال
وبعد فترة فالي نتلاقاو قتلو معليش
قالي منتلاقاوش هاك برك درت روحي مفهمتش وفوتو
ومتلاقيتش معاه
من هذاك نهار مزادش حكا معايا
كلمتو انا البارخ قالي ياك موعدتك بوالو انا لي راها قاتلتني علاه جاني انا عارفني منيش تاع هاذ الصوالح
وزيد هو كبيييييير على هاذ الحوايج ومدار حساب لحتى واحد
قتلو لي في عمرنا راهم متزوجين ودايرين ديار في الحلال وانت مزالك تخمم في الحرام
قالي منيش مستعد نتحمل المسؤولية ضرك
وانا منكذبش عليكم تعلقت بيه بزاااااااف
وراني خايفة منقدرش ننساه
وش ترايو عليا ربي يخليكم
راني خاية نطرطق علاه جاااااااااااني انا

[بيلسان الجنان]

السلام عليكم
اولا اسأل الله ان يزيح حزنك اخية

ثانيا و عذرا منك شخص كهذا لا يستحق حتى اعادة النظر تكرهه المرأة من اول وقوع القناع فكيف تظنين انك لن تنسيه

اختي تجاوزيه كانه لم يكن اصلا و لازمي الاستغفار فوالله يزيح الهموم

انسيه اختي ولا ترهقي نفسك بشبه رجل كهذا
اصحاب العشرينات يتزوجون و هو مزال يلعب ببنات الناس و يظن نفسه مراااااااهقا

عوضك الله باحسن منه لا تقولي تعلقت فعودي قلبك على التعلق بالله وحده و انت لازلت في اول عمرك و الف شخص يتمناك

ارميه من ذاكرتك فاشباهه لا يستحقون يتمنون لولاياهم السترة و يلهون بشرف الاخيرات

ثم انت ايضا عليك بعض الحق فمن اول مرة طلب اللقاء المشبوه كان عليك ردة فعل تنسيه من يكون ليس ان تتصرفي كانه لم يقل شيئ ثم تعاودين الاتصال

حماك الله من شره و ابعده عنك لانه لم يرى فيه الصلاح سبحانه و تعالى

لا تنسي الطيبون للطيبات و الخبيثون للخبيثات

وفقك الله ولا تحزني فلا شيئ يستحق الحزن سوى ذنوبنا فلنستغفر لها

[فردوس98]

السلام عليكم

لا تحزني خيتو ، أمثاله لا ستحقونك الافضل انك تنسيه و زيد قلك مانيش مستعد نتحمل المسؤولية ضرك

هدا باين راه باغي يتسلى بيك فقط لا تجعلي الكلام المعسول يأثر عليك ولا تتصلي به مرة ثانية ، يعني لو كان ناوي الحلال يعرف داركم

رزقكي الله الزوج الصالح

^^

[aymen01]

شافك قبلتي العلاقة غير شرعية

علاه يجي يزوج راه يهدر معاك و تتلقاو نورمال

[ابو ارسلان]

هذا دكتور جامعي هذا ؟الله يهديه.. هذا يا البنية وحتى و لو تزوجك سيخونك - اخطيك من العلاقات المشبوهة ولاكان تحبي اقراي في المنتدى مواضيع علاقات الحب قبل الزواج و كيفاه كانت العواقب.. اذا تبعتي طريق الحلال رايحة تلقاي ولد الحلال لي يهنيك و لكان تنازلت لمثل هذا الـ... رايحة تندمي طول حياتك.. و لازم تفهمي حاجة مليح مليح: الرجل اذا رضختلو المراة و لو بلمسة او قبلة لازم تعرفي بلي مستحيل يفكر فيك كزوجة مستقبل لانو في نفسو راه يقول مادام رضختلي تقدر ترضخ لاى راجل اخر.. هذا هو الواقع و ليس قصة حب تلفزيونية .. الله يهدينا للحق و الخير

[* الحلم سكر *]

حبيبتي لمرا ما تقدرش تنسى واحد كان راجل معاها و هذا وينو من الرجلة
ما تطلعي ما تهبطي هو جربك و أنتي طحتي في الفخ ...
المفروض عبارة ما نتلاقوش هاكاك برك تخليك تقوليلو روح و بلا سلامة
و الله أنا نقرا برك في الحكاية احتقرته
انتي سكتي لعبتيها ما فهمتيش نقلك علاه خفتي تخسري زوج و ما خممتيش إذا يصلح للزواج أم لا
كرامتك حبيبتي أهم !
الراجل لي يختارك زوجة ما يستنىاش تعرضيه لا و يقلك ما وعدتكش !
انسيه و ادي درس لي جاء بالحلال مرحبا لي يستنى مقابل باه يجي يخطب الله لا جا

ربي يرزقك زوج صالح تقي عاجلا غير أجل

نسيت أستاذ جامعي ماشي بالضرورة زوج صالح مثلو مثل غيره ما يغركش حبيبة
سلام

[yousra14]

إحزني على التفريط في حق الله وابكي ...


أمّاأن تحزني على نذل مثله فلا يستحق منك ذلك

امسحيه من ذاكرتك حتى لو جاءك خاطبا فالذي أرادك في

الحرام أصلا يحتقرك ولا يقيم لك وزنا ويستغلّ فراغك

العاطفيّ...

أصلح الله حالك والسلام

[الجليس الصلح]

السلام عليكم ورحمة الله
أختي لا تحزني مادمت في بر الأمان ناس تتخلى وناس حابة تتسلى
بلاك تضعفي وتقلقي على الزواج مع الصبر يأتي الفرج
الزواج ليس لعبةىىوانما حياة وعمر

[nasser26]

هذا دكتور فالجامعة ؟؟؟؟؟؟؟؟؟؟؟؟؟؟؟؟؟؟؟؟؟؟؟

خليك من هذا النذل يريد الحرام وزيدي تبعي فيه ؟؟

[زهرة كل يوم]

كان عندي دائما تصور انه الانسان كل ماترتفع درجة علمه كلما كان ارقى وبعيد عن مثل هذه الاشياء

للأسف عرفت انه درجة العلم ليست مقياس لأخلاق الانسان


انتي لقيتي فيه كل الشروط المناسبة للزوج المستقبلي اقصد الشروط الشكلية

المركز الاجتماعي، والمادي وربما الشكل

لكن نسيتي اهم شيء الي هي الاخلاق ماشفتيش اخلاقه

المفروض الاخلاق هي الي تكون اول اهتماماتك

وهو اثبتلك انه اخلاقه في الحظيظ وماينفعش يكون زوج ليك

حطي هاذي في راسك وانتي مش غير تنسايه

راح تكرهيه

وربي يبعتلك الاحسن منه اخلاقا ومستو اجتماعي ومادي

قولي آمين

[agro44]

اختي محبيتش نجرحك

بصح

كيما انت مينا الفتيات الاخريات المغرر بهم

وين راهوا الفرق

المرأة دايما نفسها ؟؟

مازال مفهمتوش احنا الرجال نجيبوكم بكلمة وحدة

غير كي انقلك سألت عليك وانت ناس ملاح
تعطيولنا ارقام الهواتف و اتولوا ادريوا معانا مواعيد

ومقدرتش ننساه ومنعرفش واش

افطني يا البهلولة

راها خرجهالك صح صح ؟؟

قالك منيش قادر

كي ماكش قادر بعد من الطريق

ولا واش
تبداو في الحرام والزنا الحرام وال زنا حتى تلحقي 50 سنة

بزاف بزاف

هذا غباء منك


وتزيدي اتعيطيلوا ؟؟

وين راهي ناس ملاح نتاعك


المرأة شرفها كالبيضة ان انكسرت لا ينجبر

و كي راكي هكذا الانسان المليح ربي ايبعدوا عليك لخطر انت متستهليهش


ووجهك صحيح و تقابلي ربي في الصلاة وتعيلوا باش يكون زوجك


اقطعي العلاقة معاه و ادعي ربي يرزقك الخير

[موسى عبد الله]

اختي اتقي الله و اصبري فوالله من تلرك شيأ لله عوضه الله خيرا منه و اليك هذه القصة هي امرأة عاقلة راجحة العقل
وهي زوجة أبي سلمة رضي الله عنه

قالت أم سلمة رضي الله عنها قال أبو سلمة : قال رسول الله صلى الله عليه وسلم : إذا أصاب أحدكم مصيبة فليقل : ( إِنَّا لِلّهِ وَإِنَّـا إِلَيْهِ رَاجِعونَ ) عندك احتسبت مصيبتي ، وأجرني فيها ، وأبدلني ما هو خير منها . فلما احتضر أبو سلمة قال : اللهم اخلفني في أهلي بخير ، فلما قُبض قلت : ( إِنَّا لِلّهِ وَإِنَّـا إِلَيْهِ رَاجِعونَ ) اللهم عندك احتسب مصيبتي ، فأجرني فيها . قالت : وأردت أن أقول وأبدلني خيراً منها ، فقلت : ومن خير من أبى سلمة ؟ فما زلت حتى قلتها ، فلما انقضت عدتها خطبها أبو بكر فردّته ، ثم خطبها عمر فردّته ، فبعث إليها رسول الله صلى الله عليه وسلم ، فقالت : مرحبا برسول الله صلى الله عليه وسلم وبرسوله ، أخبر رسول الله صلى الله عليه وسلم أنى امرأة غيرى ، وأني مصبية ، وأنه ليس أحد من أوليائي شاهد ، فبعث إليها رسول الله صلى الله عليه وسلم : أما قولك إني مصبية ، فإن الله سيكفيك صبيانك ، وأما قولك إني غيرى ، فسأدعو الله أن يذهب غيرتك ، وأما الأولياء فليس أحد منهم شاهد ولا غائب إلا سيرضاني . قالت : قلت : يا عمر ، قُـمْ فزوّج رسول الله صلى الله عليه وسلم . رواه الإمام أحمد ومسلم مختصر ، وأنا ارد على مشكلتك تذكرت مشكلتي ،اصبري و الله ليعوضنك الله خير من هذا الذئب .

[بيلسان الجنان]

المشاركة الأصلية كتبت بواسطة agro44

اختي محبيتش نجرحك

بصح

كيما انت مينا الفتيات الاخريات المغرر بهم

وين راهوا الفرق

المرأة دايما نفسها ؟؟

مازال مفهمتوش احنا الرجال نجيبوكم بكلمة وحدة

غير كي انقلك سألت عليك وانت ناس ملاح
تعطيولنا ارقام الهواتف و اتولوا ادريوا معانا مواعيد

ومقدرتش ننساه ومنعرفش واش

افطني يا البهلولة

راها خرجهالك صح صح ؟؟

قالك منيش قادر

كي ماكش قادر بعد من الطريق

ولا واش
تبداو في الحرام والزنا الحرام وال زنا حتى تلحقي 50 سنة

بزاف بزاف

هذا غباء منك


وتزيدي اتعيطيلوا ؟؟

وين راهي ناس ملاح نتاعك


المرأة شرفها كالبيضة ان انكسرت لا ينجبر

و كي راكي هكذا الانسان المليح ربي ايبعدوا عليك لخطر انت متستهليهش


ووجهك صحيح و تقابلي ربي في الصلاة وتعيلوا باش يكون زوجك


اقطعي العلاقة معاه و ادعي ربي يرزقك الخير

السلام عليكم
والله يا اخي لو سمحت فهمني في الجزء الي ذكرتو اعلاه

يعني مالمتوش رواحكم كي تلعبوا ببنات الناس و توهموهم بالزواج و تلوموا فيهم كي صدقوا
ماتقولوش بالاك الطفلة هدي عندها ظروف خلاتها تصدقني وتظن انها كي تتزوج و تبدا حياتها معايا تنسى همها
كل همكم الضحك على بنات الناس ثم تصفونهم بالغباء

والله كل يوم من الشي الي نقرا فيه نزيد نكره اخذت صورة لا اعرف ان كانت خاطئة لكنها مشوهة تماما عن الرجل خاصة من ردت فعل الرجال الذين يلعبون ببنات الناس و يضحك و يقولها انت غبية صدقتيني وش نديرلك
لست اشجع الفتيات على التصديق فهي من الاول خاطئة في علاقتها وربي مايباركلهاش لكن الرجل يكون قد الكلمة و الصفة لي عطاهالوا ربي اي الرجولة لي قريب تنعدم اليوم اعطاه الله القدر ان يكون ذكر لكن اين الرجل اليوم الا من رحم ربي اخطيو اللعب ببنات الناس لانو ربي عاااجلا ام اجلا يخرجها في ولاياه و ينتقم بنتو او اختو او يرزقه زوجة كانت لها عدة علاقات سابقا يظنها ملاك

وبما ان المراة ناقصة عقل ودين يااااا سيدي االبراكة فيكم نستناو منكم التوعية و التكملة يا سيدي اذا الطفلة مش مليحة كون نتا خير منها وماتسمعلهاش

ما من فتاة حادت عن الطريق الا بسبب رجل اما اب لم يحسن تربيتها و اهملها اما شبه رجل وعدها بالزواج و تركها

كلام الرجال اليوم كاوراق الخريف يطيرو الريح
الله يهدي ما خلق

اللهم ثبت علينا العقل و الدين و لا تعلق قلبنا الا بك و ابعد عنا اشباه الرجال وارزقنا ازواج صالحين

عذرا منك كلامي موجه لعامة الرجال الذين يقولون (سألت عليك و نتي ناس ملاح و حاب نخطبك وتكلمي مع والديك وبعد يظهر يلعب......)

[محمد جديدي التبسي]

حُق لك أن تحزني لأنك عصيت الله بهكذا تصرفات
يا أختي حافظي على دينك ونفسك وابتعدي عن الحديث مع الرجال في عملك أو في الشارع
اللي يبغيك يجيك للدار كوني حازمة ولا تدخلي في هاته العلاقات فهي ضد الدين وتسيء إلى سمعتك
خدمي عقلك وابتعدي عن تحكيم عواطفك فستجرك للهلاك
ربما هذا الشبيه بالرجل طلب لقائك فلربما آخر يخطفك من مكان عملك بعد لقاء بسيط تستهينين به حذاري أختي الذئاب البشرية كثرت والفرائس أكثر فلا تكوني أحدها
حافظي على حجابك ولا تكلمي الرجال أبدا الله يفتح عليك

[أملي و حبي3> ربي]

أخطيك منو أخيتي
لي ميخافش ربي مافيه خير