مساعدة عاجلة من فضلكم وربي يجازيكم

ام عصام · 2014-01-27, 11:30

السلام عليكم حبيباتي حبيت نطلب منكم لعندها وصفة نتاع حلوة او صابلي بدون بيض امي عندها حساسية منو

وزيد حبيت نعمل ليها تشارك عريان وحرت بواش نطليه من الفوق باه نرش عليه لوز ايفيلي ربي يخليكم

أم محمد تاج · 2014-01-27, 11:41

حبيبتي ام عصااام ديري قاطو الفروماج مافيهش البيض
والتشارك العرين اطليه بالحليب مخلط وع مغرف صغيرة عسل ورشي اللوز ايفيلي
وهاو ليك قاطو الفروماج
250 غ زبدة طرية خلطي معاها اربع فرماجات اي نووع لي تحبوه ولمي بلفرينة اذا حابة زيدي فيه شوي كاوكاو مرحي او جوز وشوي زبيب مقطع شكليه كعابر وحطيه يطيب كي يطيب لوحيه في العسل سخوون ورديه في القوفريط مرحي
نشالله نكون ساعدتك يارب وربي يخليلك الوالدة الغالية ويشفيها يارب

oum anas 69 · 2014-01-27, 13:20

عزيزتي أنا نزيدك على فكرة أم تاجو الغالية أنك تطييبي التشاراك تاعك بدون ماتدهنيه ممبعد كي يطيب أمسحيه بشوية مربى أو عسل و حطي فوقه اللوز إيفيلي محمص هكذا خير
أما الصابلي عندي هذه الوصفة بدون بيض
250 غ زبدة طرية
100 غ سكر ناعم
4 ملاعق مايزينة
1 ملعقة قهوة فانيليا بودرة
400 إلى 450 غ فرينة
للتزيين معجون أي نوع تحبه الوالدة الكريمة
طبعا الطريقة سهلة
تخدمي الزبدة +سكر أرطب جيدا مع الفانيليا ثم أضيفي المايزينة مع الفرينة تدريجيا حتى تتحصلي على عجينة طرية و ملساء أتركيها ترتاح لدقائق ثم حلي العجينة على سمك 0.5 سم ثم قطعي أشكال الصابلي حسب الرغبة أطهيه ثم لصقي كل 2 بالمعجون و رشي السكر الأرط على الوجه

رايحة تتحصلي على هذا الصابلي راااائع

oum anas 69 · 2014-01-27, 13:22

حنونة إذا حبيتي وصفات كيكات أو مسكوتات بدون بيض قوليلي و أنا في الخدمة و ربي يجيب الشفاء للوالدة الكريمة

oum anas 69 · 2014-01-28, 17:20

أين أنتي عزيزتي إن شاء الله تكوني بخير

2014-01-28, 17:42

اختي بالنسبة للطلية راهم افادوك الغاليات والمحترفات ام تاج وام انس ربي يحفظهم
شوفي هدا القاطو كاين الي طبقو وعجبهم بزاف وربييحفظلك الوالدة
https://www.djelfa.info/vb/showthread.php?t=1343724