كرهت من خطيبي

[مشكلتي]

أنا بنت عمري 26 سنة ,, مشكلتي هي مع خطيبي " عاقدين شرعي و مدني"
أنا متكلمتش معاه قبل العقد الشرعي لكن بعد العقد بدأنا نتحدث في الهاتف .. في الأول أصريت على الحد من المكالمات لكنه كان يرفض و يؤكدلي أننا لازم نتحدثو .. المهم مرت الفترة الأولى بسلام لكن بدأت مع الوقت تظهر المشاكل و ياليتها مشاكل مهمة صدقوني تفاهات ,, بدات الفجوة تكبر بيناتنا و وصلنا لدرجة مايمرش يوم إلا و يصرا سوء تفاهم
صحيح أنا إنسانة حساسة نوعا ما لكنه ماقدرش يفهمني إطلاقا دائما يجرحني لأنه من النوع اللي يقول أمور ليست في محلها .. و مايعترفش بالخطأ مهما يكون . صراحة حاسة الشخص هذا مايوالمنيش و مقدرتش نتفاهم معاه و أساسا هذا كامل الغلطة ديالو لأنه مسمعش نصيحتي بتقليل المكالمات
كي نجبدلو على الإنفصال يرفض جملة و تفصيلا و يقولي فترة و تفوت , و يعاود يتصل بيا و نرجعو للمشاكل
وش ندير ؟؟ تعبت مالحلقة المفرغة لي راني ندور فيها

[* الحلم سكر *]

بــعــدي علـيـه فتــرة و حاولي أخــذ قـــرارك وحــدك دون ضــغوط لا ايــجابية لا سلبية .. راح وحـدك تفـهمي روحك
و ما تـقوليش هو يرفض و راح يصر تتكلمو انتي بعدي بطريقة او باخرى ما راحش تغـيبـلك اذا اقـتـنعت
هذا رأيي و الله اعلم .. موفقة

[محمد جديدي التبسي]

الأمر بيدك لكن انفصالك يعني ستكونين مطلقة
انظري لجانب أخلاقه ومعاملته لك فإن ظهر لك أنه لا يحترمك ولا يقدرك وأنت في بيت والدك فانتظري الأسوأ في بيته
ربي يعينك ويبصرك استخيري الله أولا ثم شاوري أهلك واحسمي الأمر ربي يوفقك

[فارس وجواد]

للأسف هذا من سلبيات كثرة التحدث في الهاتف بين الخطيبين فكثرة الكلام في الهاتف يؤدي الى اظهار سلبيات كل طرف و يؤدي الى سوء تفاهم في أشياء جانبية لا تقدم و لا تؤخر .
بالاضافة الى سقوط الحواجز بين الزوجين جراء ما يحدث من كلام في امور معينة.
أختي اذا أردت أن تحافظي على العلاقة بزوجك فعليك بايجاد طريقة للتخلص من هاتفك و لو مؤقتا.

[عثمان13]

السلام عليكم ... صحيح كثرة المكالمات تؤدي إلى الإختلاف والنزاع ، ونعلم جميعا أن فترة ماقبل الدخول(الزفاف) هي فترة حساسة للغاية لأن كل طرف يحاول اكتشاف الطرف الآخر ,,, لكن يا أختي الكريمة بما أن بحوزتكما العقد الشرعي والمدني فهذا زوجك وليس خطيبك ومن حقه الحديث معك في الهاتف لكن بشروط ( الإحترام، الوقت المناسب ، الكلام المناسب....)، ثم تجنبي الأمور التي تثير غضبه وقلقه، حاولي أن تغيري من طريقتك يعني تسعديه بالكلام الحلو الطيب لعل قلبه يلين ،، وقلقه يزول ... أما إذا كان مخطئا هو فانصحك بغلق الموضوع يعني تجنبي العناد والأخذ والرد .. إلى وقت لاحق قد يعترف هو بخطئه !!

[mounaminou]

شوفي يا اختي نتي راكي متزوجة دركا و لازم تتعلمي تحافضي على العلاقة تاعك ماش اي مشكل تافه تهدري على الانفصال....وين رايحا بالعقلية هدي ....غدوا كي تبدا المسؤولية تاع الدار كيفاه تديري
نتي قلتيها ب فمك....مشاكل تافهة ....و لاكان حابة تطلقي بسبب تافه ...هديك حاجتك نتي و نتي اللي تتحملي مسؤوليتك

اصلا كون تكملي تهدري علا فسخ الخطبة يجي النهار الي يخليك فيه خطيبك لانك قاعدا تدخليلو ف راسو ف الافكار هدي ف الوقت اللي لازم تجبديه ليك و تخليه يحبك ..............سلام

[doba]

ربي يجيب الخير

[saim_n]

choufi ghaltate taw3ek , ana kont kifek mé rajli hani m3ah wbra7ma rabi wrani nekteb b3oudhwiya ta3ou , rabi yfarej




recette tiramisu

[hodahodahoda]

انظري اذا كان عندو جانب ايجابي
و لعل فيه صفات جميلة
تخليك تصبري معاه

[صالح القسنطيني]

هذا ليس خطيبك بل هو زوجك

و حلكما التعجيل بالعرس.......

و الزواج ليس مهد أحلام و أماني

بل هو حياة واقعية و مشكلات.......

و التي لا تريد المشكلات في حياتها الزوجية

فلا تتزوج اصلا......

[ميمي ناصر 22]

السلام عليكم
شوفي اختي راكي ذرك متزوجة ولست مخطوبة لاني عاقدة العقد الشرعي و هذا يعني انك مرتو بشرع ربي و رسولو
اذا حاولي تتفاداي انو تجبديلو حوايج يزعفوه وحاولي تفهمي عقليتو مليح
و ننصحك ماتزيديش تجبدي موضوع الانفصال هذا خلاااااااص لانو اولا الا انفصلتي رح تكوني مطلقة و ثانيا رايح هو يفكر في الانفصال و يخليك بكل سهولة و تكوني انت السبب في هذا الانفصال لانو راكي نتي اللي تدخليلو في هذي الفكرة
حاولي تبعدي شوي عليه يعني نقصي شوي قال مثلا تحكيو مرة في النهار برك ماشي شرط كل دقيقة
اناتاني مريت بهذي المرحلة وانا انسانة حساااااااسة جدا جدا مي ذرك الحمد لله كي عرفت عقليتو عادتلي حاجة عادية نتزاعفو شوي ونخليه يولي هو يجي يطلب السماح مني
وراهي الحياة ماشية

سلاااااام

[زرقـآء اليمآمـة]

السلام عليكم
المهم اخلاقه جيدة ام لا ؟
لانه كل شيء يمكنه التغيير اما الاخلاق فهي الاساس ..............

[djazia87holi]

ربي يصلح بيناتكم انشاء الله