زوجي والفايس بوك 2

مشكلتي · 2014-01-17, 08:46

السلام عليكم
انا صاحبة مشكلة زوجي والفايس بوك حبيت نقول للي قالولي بالاك مقصرة
انا والله غير قايمة بكلش حتى هو كون تقلو واش خاصك مايلقى واش يهدر
حتى اني كنت نخدم وحبست الخدمة باه نقيم بالدار وبيه ونهتم بنفسي ونقري ولدي
وهو عمره ولا شكى ولا قالني بلي راكي مادرتيش هاذيك الحاجة بالعكس كلش في مكانه
حتى انه مرة صراتلي مشاكل مع وحدة قلتله حابة نولي شريرة قالي انت ناس ملاح ولانه اصلك مليح ماتقدريش تولي شريرة
و
ولحد الان ماقلت وااااااااالو وبصح نقلكم واش درت
في الفايس بوك تاعي حطيت صور عن الخيانة الزوجية واول صورة هي الخيانة الزوجية عبر الفايس بوك تقريبا 10 صور عن الخيانة ووصله كلش والبارح حله شوية وبعد قفله وبقى يتفرج على فيلم
وممكن كاين شكون يقول علاه حليتي الفايس انا الفايس تاعي فيه صحاباتي تاع المنتدى وبنت اختي فقط ومانقبل حتى واحد اخر وهو على علم بهذا الشيئ لانه كاين اللي مايقبلش المراة تحل فايس بوك
واللي قالتلي علاه تتجسسي انا ملي قريت موضوع التجسس في غرفة المتزوجات ماعدتش نقرى حوايجه لاني كنت حاطتها خاطي التجسس
بصح بالصدفة قريت وندمت تني ماقريتش من قبل مانستناش حتى نلقاه دخل عليا زوجة ثانية