حكم الشيخ المجذوب

[حموم بلال]

يا صَاحب كُن صَبـار اصبر على ما جرَى لَك
أرقد علَى الشُوك عريان حَتّى يَطلعنهاركُ


نرقد على الشوك عريان و نضحك للي جفاني
نصبر لتعوسالأيام حتى ياتي زماني



لا تْخَمّمْ لا تْدَبَر لا تَرْفَدْ الهَمْدِيمَة
الفَلك ما هُو مْسَمّر و لا الدُّنْيا مْقِيمَة



يَازَارَعْ الخيْر حبّة يَازَارَعْ الشَّرّْ يَاسَـرْ
مولىالخير ينبا و مولى الشر خاسر



لا تخمم في ضيق الحال شف عند اللهماوسعها
الشدة تهزم الأرذال أما الرجال لا تقطعها



من يامنك ياكحل الراس ما شينك بطبيعة
السن يضحك للسن و القلب فيه الخديعة



سافر تعرف الناس و كبير القوم طيعه
كبير الكرش و الراس بنص فلسبيعه



طاقوا على الدين تركوه و تعاونوا على شريب القهاوي
الثوبمن فوق نقوه و الجبح من تحت خاوي



لا تسرج حتى تلجم و اعقد عقدةصحيحة
لا تتكلم ختى تخمم لا تعود لك فضيحة



الصمت الذهب المسجر والكلام يفسد المسالة
إذا شفت لا تخبر و إذا سالوك قول لا لا



نوصيك يا واكل الراس في البير ارم عظامه
أضحك و ألعب مع الناسفمك متن له لجامه



يا ذا الزمان يا الغدار يا كاسرني من ذراعي
طيحت من كان سلطان و ركبت من كان راعي



الشاشية تطبع الراسالوجه تضويه الحسانة
المكسي يقعد مع الناس العريان نوضوه من الجماعه



الشر ما يظلم حد غير من جبده لراسه
في الشتاء يقول البرد و فيالصيف يغلبه نعاسه



يا الي تعيط قدام الباب عيط و كن فاهم
مايفسد بين الاحباب غير النساء و الدراهم



لا يعجبك نوار الدفلى فيالواد داير الظلايل
لا يعجبك زين الطفلة حتى تشوف الفعايل



حيطالرمل لا تعليه يعلى يرجع لساسه
ابن الغير لا تربيه يكبر و يرجع لناسه



الخيل هبة من الريح و الإبل هي الشريفة
البغال قرصة من الهند والحمار هو العيفة



ألي يركب يركب أشهب طرز الذهب في لجامه
ألييدور يقول كلمة الحق يدير هراوة في حزامه



أنا الي رقيت في رقوبة وقعدت مثل الرصاص نذوب
من لا يقرأ للزمان عقوبة يجي على راسه مكبوب



الدنيا مثلتها دلاعة تتكركب مع جميع الدلاع
الحاذق يعطي معهاساعة و الجايح غدا معها قاع



جحش البغل لا تغنجه و بالزيت تدهنجلوده
الصك و العض فيه هذيك عادة جدوده



كيد النساء كيدين و منكيدهم ياحزوني
راكبة على ظهر السبع و تقول الحداء ياكلوني



تخلطت و لابغات تصفى و لعب خزها فوق ماها
رياس على غير مرتبةهما سبب خلاها



من خالط الاجواد جاد بجودهم و من خالط الارذال زادعناه
و من جاور برمة انطلى بحمومها و من جاور صابون جاب نقاه



الكاتبة تنادي و معها الخير و لو كان من بعيد تجيها
و الخاطيعليك من يديك يطير رزقك من قبل ما هو فيها



ما كان كالحرث تجارة ماكان كالأم حبيب
ما كان كالشر خسارة ما كان كالدين طليب



لا فيالجبل واد معلوم و لا في الشتاء ريح دافي
لا في العدو قلب مرحوم و لا في النساءعهد وافي



الزيت يخرج من الزيتونة و الفاهم يفهم لغات الطير
أليما تخرج كلمته ميزونة يجحرها في ضميره خير



شافوني أكحل مغلف يحسبواما في ذخيرة
و أنا كالكتاب المؤلف فيه منافع كثيرة



كسبت فيالدهر معزة و جبت كلام رباعي
من ذا الي أعطاه ربي و يقول أعطاني ذراعي



الهم يستهل الغم و السترة ليه مليحة
رد الجلدة على الجرح تبرا وتولي صحيحة



نوصيك يا حارث الشيح و الشيح فيه مرورة
الي تظنوتقطع عليه تأتيك منه الضرورة



نوصيك يا حارث الدوم و الدوم كثرواانفاعه
الدم ما ينقع الدم يا ويح من خانه دراعه



أنا الي كنتثقيل و رزين و خفيت بعد الرزانة
مشيت للرماد عامين ندور فيه السخانة



عميت و صميت و خفيت بعد الرزانة
واش كانوا عامين نستنى فيهمالسخانة



عيطت عيطة حنينة فيقت من كان نايم
نهضوا قلوب المحبة ورقدوا قلوب البهايم



اللفت ولات شحمة و تنباع بالسوم الغالي
فيالقلوب ما بقات رحمة شفت حالي يا العالي



مزين النسا بضحات لو كانفيها ايدوموا
الحوت ايعوم في الما و هما بلا ما ايعوموا



فاعلالخير هنية بالفرح و الشكر ديما
و فاعل الشر خلية فعله يرجع له غريمة



الأرض فدان ربي و الخلق مجموع فيهى
عزريل حصاد فريد مطامره فيكل جهة



كل مهذار مسوس يجيب الهليكة لرأسه
و يستهل ضربة بموس حتىيبانوا ضراسه



ضربوه يستهل الضرب و الطريحة معمول عليها
هذا جزامن يوسع على الناس و نفسه يضيق عليها



رجل بلا مال محقور في الدنياما يسوي شي
المشرار كالدلو المقعور يوصل للماء يرجع بلا شي



نخدمعلى المال و نطيح و المل بيت الطناخة
رجل بلا مال كالريح مشرار و أحب المشيخة



ضربت كفي لكفي و خممت في الأرض ساعة
صبت قلة الشي ترشي و تنهضمن الجماعة