ألد تشييز كايك ب caramel beurre salé

[oum ayyoub]

السلام عليكم اخواتي
واش راكم نتمنى تكونوا كامل بخير
اليوم جبتلكم تشيز كايك بنين بزااف و نتمنى تجربوه

المقادير
200غ بسكويت مطحون متل ****ز او سبيكولوز او اي نوع تحبونه انا درتو ب galettes bretonnes pur beurre
50غ زبدة دايبة
600غ جبن كريمي مثل فيلاديلفيا او saint moret انا عملتوا ب fromage frais de leader price
20 سلل القشدة الطرية creme fraiche
مغرف صغيرة فانيلا
3 حبات بيض
120 غ شكولاطة سوداء دائبة
80 غ سكر

بالنسبة ل caramel beurre salé لازم توجديه من قبل
160 غ سكر
20 سلل قشدة سائلة
60 غ زبدة تكون شوية مالحة beurre demi-se
مغرف صغيرة ملح خشين



بالنسبة لتحضير الكراميل

نضع السكر في كاسرونة او مقلاة لازم ما تلسقش نضعها فوق الفرن حتى يدوب السكر و يصبح لونه بني بصح ما تخليهش حتى ينحرق
سخنو القشدة و لما ياخد الكراميل لون بني ابعديه من فوق النار ثم اضيفي عليه القشدة الساخنة و حركي بسرعة بملعقة خشبية
في الاخير اضيفي الزبدة و الكل فوق لنار تكون هادئة و اخلطي الكل ثم اضيفي الملح
ادا تكورلك القليل من السكر و ما حبش يدوب تقدرو تطحنوا الكل بالميكسور و صفيه بالصفاية


طريقة التحضير
لا بد من وضع ورق الزبدة في القالب او يمكن لفه بورق الالمنيوم
* نخلط البسكويت المطحون مع الزبدة ثم نضع هدا الخليط في قالب سمكه 22او 23 سم و نضعه في الفرن 160 درجة مدة 15 دقائق

في اناء نخلط البيض و السكر و لافاني جيدا ثم نضيف الجبن الكريمي و نخلط بالخلاط الكهربائي ثم نضيف القشدة الطرية
نقسم هدا الخليط الى قسمين نضع نصف الخليط في اناء ثم نضيف له ا الشكولاطة الدائبة و 3 ملاعق كبيرة من الكراميل و نخلط جيدا
و في الاناء التاني نضيف ايضا ثلاث ملاعق كبيرة من الكراميل و نخلط جيدا حتى يمتزج هدا الاخير بالكريمة
في القالب فوق البسكويت نضع الخليط الابيض ثم خليط الشكولاطة و بينهما نضع القليل من الكراميل او نضع الاسود من التحت و الابيض فوقه و هدا راجع الى رغبتكم

انا حبيت يخرجلي شكل رخامي درت شوية ابيض و شوية اسود و هكداا و لكن في الاخير ما خرجليش بصح ماعليش جا بنين بزااااف الكراميل عطا دوق رهيب اممم

و في الاخير نضع تشييز كايك في فرن ساخن على درجة الحرارة 170 لمدة 60 دقيقة وبعد الطهي اتركيه في الفرن لمدة ساعة اخرى من دون اشعاله ثم ادخليه للثلاجة ليلة كاملة
ملاحظة مين طاب تشيز كايك نفتح شوية من فوق ربما لاجل طريقة الطهي و لكن تقدرو طيبوه على هدا النحو انا كنت مجربتها هده الطريقة من قبل و لكن نسيت باش نعتمد عليها ادن نضعه في الفرن و يكون ساخن 250 درجة لمدة 10 دقائق ثم قومي بخفض درجة حرارة الفرن الى 90 درجة لمدة ساعة و وبعد اتركي التشيز كيك في الفرن لمدة ساعة اخرى من دون اشعال الفرن ثم ادخليه للثلاجة ليلة كاملة
اذا الفرن تاعكم اقل من 250 درجة زيدو للوقت من عندكم ديرو حسابكم





و شهية طيبة