من جربت مطلوع ام ماجد تفيدني بارك الله فيكم

manita · 2014-01-20, 08:45

السلام عليكم تعيشو حبيت نجرب مطلوع ام ماجد بما انو الكل يشكروا فيه لكن ما فهمتش مليح حنا نديروه بطريقة زي يعني المرة الاولي نعجنو فاليابس الى حبيت نسقسي عليه هو كي نشمخوا بالماء الدافىء المرة الاولى ما فهمتش حتى يولي طري ولا نشمخوه شويا برك يعني كفاه تكون العجينة وما فهمتش كفاه نزيدو نسقيو بالماء تدريجيا هاي ديجا مشمخة تعيشو فهموني مليح لان عندي مشكل مع المطلوع والى عندها المقاييس قدقد تفيدني تعيشوا

أم محمد تاج · 2014-01-20, 08:49

حبيبتي شوفي مطلووع أم ماجد ولا يعلى عليه وراني مجرباتووو هبااااال
شوفي أبداي لوحي الماء وفي نفس الوقت أعجني ولوحي وأعجني وهكذا حتان يطرا ومايجيش جاري راكي تحصلي وتقلبيه خبز الدار ههههه وكي يطرا حبسي الماء وكملي لعجين تاعك حتان يطرا وخليه يخمار وماتانسايش البيضة مممممممم يجي مسكوووتة روووعة نشالله نكون أفدتك

manita · 2014-01-20, 09:09

بارك الله فيك اختي على الرد لكن انا ما فهمتش كي يخمر كفاة نزيدو نسقيوه

أم محمد تاج · 2014-01-20, 09:11

حبيبتي والله ماشفيت على الوصفة شفيت غير على المقادير
وأنا نبلو مرة وحدة يعني كي يتخمر مانزيدلوووش أستناي دقيقة ضرك نجيبلك ام ماجد تعاودلك أوكي

أم ماجد · 2014-01-20, 09:17

شكرا للثصقة اختي
وشكرا للمساعدة ام محمد تاج الحنينة

نعم هي مخمرة وانت تعجني وتزيدي الماء الدافي في نفس الوقت حتى تطرا وتتعجن مليح فقط
تبعي الوصفة راهي سهلة جدا

manita · 2014-01-20, 16:45

بارك الله فيكم درك نجربها ونردلكم الخبر