الله المستعان على حالنا

[مشكلتي]

السلام عليكم قبل كل شيى كما نعرف الشكوة لغير الله سبحانه مذلة وانا هنا اكتب بداف الفضفة وللنصح .

انا انسانة متزوجة والحمد الله ربي اكرمني بطفلة ربي يقدرني على تربيتها تربية فاضلة يا رب .مشكلتي تكمن في علاقتي

مع زوجي لا ادري كيف يفكر لاافهمه يمكن فرق السن هو السبب فبينا 16 سنة في اولي مشوارحياتي كيما نقولو كبرت نفسي وكبرت عقليتي باه نقدر نتعايش معاه والا زواج يتفركت . حاولت نتالقلم معاه بكل ما تييت من صبر طبائع مختلفة
بيئة مختلفة والحمد الله كنت نحمل نفسي اي يشي خطا لانو هو لا يتعرف بخطاه ابدا .وقلت معليش .
متمنية يولي يسقسي عليا كي نمرض يشوفني مريضة نحسو وكانو عادي من مدة عملت اجهاض غاضني منو الحال بزاف
صح اداني للطبيب وشرى الدوا وكل هاد الامور ولكن كنت متنية يتقرب مني اكثر واش حاسة ومع انو نفسيتي انهارت بسب الاجهاض لا تفكرني في ماكلة نهز بيها روحي ولا قال هادي نزفت بزاف لازمها تعوض كلشي عادي بالنسبة ليه وانا حشمت باه نقول جيب وجيب قلت راه يفهم وحدو .من مدة وليت نحس انو بينتانا بلاد كبيرة الحدييث يكون اما على بنتي او على شيىناقص في منزل اما عنا نحن فلا يوجد حديث محتاجة منو حنانة فقط وهو بتصرفاتو لمتعجبنيش والله اصبح قلبي بارد جدا كنت قبل نطيب ونوع ونحط ونتفنن ولكن الان لا لم اعد كدالك كنت نشطة في منزلي اغير ديكور اشتري مفروشات والالان
لا شيء هو يجي يدخل ياكل يخرج .حتى القليلولة نقولو ريح فيها يقولي شغالات .منكدبش عليكم انا هاد الفترة الاخيرة اصبحت عصبية جدا جدا وليت ننتقدو وكل هدا بسب اهمالو العاطفي لي .
وليت نستغفر وندعي في ربي يبعد علينا هاد السحابة .وليت نتخيل في السنوات القادمة كيفاش نفوتها معاه كي نخمم هكا نحس روحي منقدرش نكمل معاه.
صفاتو كلها جيدة كريم .مضياف ....الخ ولكن معاملتو معي مختلفة جدا جدا .
اسفة طولت عليكم بزاف ولكن سبق وقلت ليكم بليراه فضفة ادعولي ربي يهديه ويهدينا اجمعين يا رب

[pharma-93]

سلام اختي ربي يكون في عونك ويصلح الامور بيناتكم لكن اختي بلاك هو ما يعرفش كيفاه يتامل بالحنانة بلاك ما يعرفش يتصرف كيما راكي حابة انتي علاه ماشي انت اللي توريلو انتي اللي تعلميه وترديه كيما تحبي انت اذا ركي حاباتو يولي حنين ومهتم بيك اكثر انت اهتمي بيه بينيلو بي تحبيه بينيلو مشاعرك وهههكذا امر بلاك ان شاء الله يحس بلي راه مقصر معاك ويولي كيما ركي حابة انت وزيادةة

[kamel76]

الله يهديه . لكن لا أظن أن السبب هو فرق السن .

[yousra14]

صحيح فرق السن كبير نوعا مّا ولكن الذي حيّرني هو الآن فقط تفطنت لفرق السن هذه؟
ثمّ هل هذا هو طبعه من البداية أم تغيّر ؟
إذا كان طبعه فأنت تعوّدت عليه وحاولي أن تتعايشي مع الحالة .
وإذا كان تغيّر للأسوأ فحاولي معرفة السبب ولربّما قدوم الطفلة قد أخذك عنه قليلا وأهملته وأعطيت اهتمامك للبنت والبيت وفقط وفي نفسك تودّين اهتماما منه . قلت ربّما
المهم حتى يتغيّر معك تغيّري أنت .
بادريه بالاهتمام وقدّمي له كتيّبات تتحدث عن ذلك واجذبيه إليك اكثر و أنت تعرفين كيف . غيّري العصبيّة إلى رومنسيّة وتفائلي بتغيير نحو الأفضل .
باااااااااادري وغيّري حاتك من الآن وفّقك الله وأسعدك

[djazia87holi]

ربي يكون معاك البرود العاطفي 80 بالمائة النساء تعاني منو وصدقيني سحابة وتزول انشاءئ الله حاولي انك تفضفضي معاه بلاك يمر بمشاكل اخرى وصدقيني والله يا اختي غير اغلب الرجال كتومين من ناحية العواطف والمشاكل انا والله يا اختي في ال3 سنوات الاولى مع زوجي كنت نعاني بحكم مازالني صغيرةو وزوجت وجايبة معايا احلام فتاة مازالت المسؤولية ما دخلتش راسي وتفاجات بزاف ان زوجي كتوم لوكان تصرا واش يصرا ما يحكيلي ومايقليش كلمة نحبك هذه خلاص كنت ليل كامل وانا نبكي وشفت روحي لوقتاش وانا متفرتها في روحي والراجل ماهوش حاس بيا الا ان توكلت على ربي وتعلمت اني نعقب اشياء انا في غنا عنها نعقب زعافو وقلقتو وعصبيتو ونخليه كي يعود هادي خلاص عمري ما نجبدلو على غلطو نبدل موضوع واذا مالقيتش واش نقلو نجبدلو موضوع وهمي ونقلو واش رايك فيه والله العظيم غير بشوية بشوية وانا نفوت وانا لي نبادر بالمواضيع الراجل تبدل 180 درجة غير استغربت والحمد لله حمدا كثيرا حاولي تتفهمي انو ساعات الزوج يحب يقعد بروحو وماتزيريش عليه خليه يقعد براحتو معاك احسن من انو يكون مزيف ومازالك على باب ربي تخطاي المشكل هذا باش تكبري قلبك والصبر والدعاء مفتاح الحلول والله المستعان

[عفوك يا رب]

السّلام عليكم و رحمة الله تعالى و بركاته

ربما هي ضغوطات نفسيه عابره ...، حاولي أن تتقربي منه أكثر إسأليه عن حاله مالذي يزعجه مالذي غييره ( إن كان هذا التغير حديثا) و عليك تحيّن الأوقات المناسبة أنتن المتزوجات أدرى مني بهاذا...


وكما قالت أختي djazia قبلي 80 بالمئة من تعاني نفس المشكل
أنا أضيف لها 19 بالمئة بل 99 بالمئة من الرّجال هكذا كثر الله من أمثال الـ 1 بالمئة ههه

أكثري من الدُّعاء
وفقك الله
~

[zalamite]

اصبري و لا تدخلي معه في مشاحنات و انتقادات لا تسمن و لا تغني من جوع حاولى الاهتمام به و الوقوف الى جانبه و اجتهدي لتعرفي مشكلة زوجك .... ربي يهديه ان شاء الله

[doba]

يا أختي شكون قالك إقبلي بيه ديرتيها بيدك تخملي المسؤولية

[مريم الصابرة]

السلام عليكم اختي
ربي يكون معاك لكن لي سؤال هل إنت حاولت تتقربي من زوجك مش بالطياب والمنزل او غيرو لا حاولت تسقسه واشبيه جحاولت تناقشيه اكيد اكيد كاين لحطات حميمية بين كوبين زوجك يعني تقدري تفتحي نقاش تقدري تسقسيه تقدري تقربي منو كاني نوع رجال ما يبينوش المهم راه متزوج ويقوم بمسؤولياتو حاولي إنت تخليه ينتبه هذا مهما كان راجل يعني يلقى مرا مختلفة فالدار يعني راح ينتبه اكيد حاولي بكل الطرق هذا زوجك حلالك وخليه هو يتعلم يقولك الامور هذي ممكن زواجكم تقليدي لكن الحب يجي بعد الزواج قربي زوجك منك كان إنت إهتمامك غير بالدار ومفروشات وطياب وكذا وهو يعني ما لقاش فعل حتى تكون عندو ردة فعل وما تستنايش هو اللي يجي منو الفعل لأنو فالأمور هذي المرأة هي اللي تشد إنتباه نظر زوجها
ربي معاك وما ديريش مشاكل الفوهة بيناتكم راح تزيد او تتقلقي وتهملي دارك هنا راكي مديتيلو سبب يزيد يبعد على العمس نفصي إهتمام بالدار وبرك ونتبهيلو شوي وربي يهديه