طلب مساعدة في هذا الصدر

vertine · 2014-05-05, 17:48

يا اخواتي من فضلكم اللي تعرف الكروشي تحط لي طريقة هذا الصدر بالتفصيل راني نتعلم و شكرا مسبقا

نهال13 · 2014-05-05, 19:32

اختى ضك نحوسلك على الطريقة هل اتعرفين قراءة الباترونة ؟

vertine · 2014-05-05, 20:31

شكرا اختي و اسمحيلي لكن لا اعرف الباترون بس حطيلي الطريقة بالحسابات

نهال13 · 2014-05-06, 12:30

اختى ادخلى لهد الرابط مولات الصدر حاطة الشرح وادا مفهمتيش نعانوكhttps://www.djelfa.info/vb/showthread...=867741&page=2

fifiarch · 2014-05-06, 13:26

الف شكر ليك نهال على المساعدة

vertine · 2014-05-06, 16:14

شكرا اخت نهال ان شاء الله ما نكونش ثقلت عليك بصح و الله ما فهمت والو انا لازم كل بالحساب و نتبع

zahra30 · 2014-05-06, 19:13

مساء الخييير
الصدر في خدمتو يشبه لهذا فقط الاختلاف في الاخضر البيستاشي ما فيهش ورود يبدى بسلسلة ونكملو بالحساب بصح اذا تصبري شوية نحاول نحطلك الباترون والحساب الصحيح ان شاء الله
زيدي شوفي هذا
https://www.djelfa.info/vb/showthread.php?t=1159176

vertine · 2014-05-06, 19:50

الله يعطيك ما تتمناي نصبر المهم تحطي لي الطريقة بالتفصيل

zahra30 · 2014-05-08, 08:31

صباح الخييير فارتين ان شاء الله تكوني بخييير
راح نحاول نشرحهولك وان شاء الله تفهمي عليا لاني مالقيتش المودال انتاعو المهم تبعي وكاش ما فهمتيش نجاوبك واذاكان هناك اختلاف في التسمية نتفاهمو هههههه لاني اتعلمت الكروشيه بالتطبييق يعني تقليدي اذا صح التعبيير هههههه المهم
شوفي

نعاودلك
1 تخدمي سلسلة علة الطول الرقبة
2 سلسلة من 4 ماي وتكولي الدورة اللي بعدها وتحكمي من النص
3 تعمري السلسة السابقة باعمدة كل سلسلة 4 وتكملي
وذرك الخدمة المهمة هي عبارة عن نصف دوائر متشابكين مع بعضاهم يعني الاولى تكون حرة واللي بعدها نشبكوها بالاولى وهكذا
1 تخدمي سلسلة فيها 12 ماي واذا جاتك صغيرة ديري 24 وتربطها مع الدائرة السابقة 3
2 تخدمي فوقها اعمدة كل ماي بعمود
3 اهنا تخدمي اعمدة وبين كل عمود وعمود 2 ماي
4 تخدمي اعمدة ( الفراغات 2ماي ديري 4 اعمدة )
5 ايضا اعمدة فوق الاعمدة السابقة
6 الجزء هذا اللي شرحتهولك راح يتكرر في المرحلة الثاني فقط في الاخييير راح تخدمي سلسلة كيما 2 وتكمليها باعمدة 6 وتنسجي 3وتخدمي عقدة ثم 3 الباقيييين
وتبداي النصف دائرة الثانية بنقس الطريقة بصح تشبكيها مع الاولى باش يجي الصدر شاد روحو ومتقن

ان شاء الله نكون وصلتلك الفكرة على الاقل زيدي شوفي الرابط اللي حطيتهولك من قبل تاخذي فكرة منو واي استفسار تفضلي وبالتوفيق

vertine · 2014-05-08, 14:22

شكرا لكي اختي و يعطيك الصحة ثقلت عليك بزاف تعرف اني فهمي ثقيل نهبلك شوي واش هي ماي

zahra30 · 2014-05-09, 09:05

صباااح الخييير وان شاء الله تكوني بخيييير
ما ثقلتي ماوالو مرحبا بيك وقت ما بغيتي وربما الخطا مني تخلطت عليا المصطلحات من كثرت ما نتفتف هههههه المهم
ماي هي هذي او الغرزة

vertine · 2014-05-09, 18:50

الاخت اسمحلي راني بديت بصح نهبلك كي نخدم هاذيك النصف دائرة شحال نحسب و نلصقها و مبعد الدورة الثانيةفي القوس شحال ندير من عمود

zahra30 · 2014-05-09, 22:19

مساء الخيير فارتين لاهبال ما والو ان شاء الله قدري تخدميه وتلبسيه بالصحة والهناء ان شاء الله
سؤالك ما فهمتوش يعني كملتي الاولى وراح تزيدي الثانية ؟
شوفي ركزي شوية برك عندك لا يجحظو عينيك هههههه الصور رديئة للاسف
لحساب يبقى نفسو ما يتغيرش بصح راح نبداو العكس يعني نهزو السلسلة الاولى ونشبكها في النصف الدائرة الاولى وطريقة التشبيك انتي اللي راح تنظميه يعني شبكيه كيما تجيك الخدمة متقونة وما شي معوجة وهزيها كمرجع للجاييين ان شاء الله تكوني فهمتي عليا

نهال13 · 2014-05-09, 22:23

جزاكى الله كل خير زهرة وجعله في ميزان حسانتك على المساعدة

vertine · 2014-05-10, 20:35

جزاك الله خيرا و ان شاء الله تسمحيلي بصح و الله ما عرفت لازم لي ورشة باش نقدر نخدمو و المعذرة