الكل يدخل ويقول رايه

رانيا لوك · 2013-12-23, 19:49

انا وبكل صراحة اتدخل في ما يعنيني كثيرا ونحب نعرف علا فلان وعلان ونحب نسمع الاخبار الاول بالاول ولوكان حاجة تفةتني نتقلق ونتنرفز انا مقلقني وضعي هذا ولكن ما نيش عارفة كيفاه نخليه اعطوني الراي والنصيحة ولكم مني فائق الاحترام

bibicha · 2013-12-23, 20:13

شوفي اختي قلل ناسك يرتاح راسك علاش تعمري راسك بالغاشي؟كي تخبي تعرفي الاخبار ابداي استغفري تربحي الاجر خير ملي تلايمي ذنوب الغاشي و ربي يهنيك عزيزتي

رانيا لوك · 2013-12-23, 20:19

اقتباس:

المشاركة الأصلية كتبت بواسطة bibicha

شوفي اختي قلل ناسك يرتاح راسك علاش تعمري راسك بالغاشي؟كي تخبي تعرفي الاخبار ابداي استغفري تربحي الاجر خير ملي تلايمي ذنوب الغاشي و ربي يهنيك عزيزتي

لابي يخليك علا المشاركة امنية حياتي اني نبطل هذا الادمان

MOGIWARA BOY · 2013-12-23, 20:30

كي تتزوجي ولا تتخطبي رايحة تحبسي الادمان هذا و قبل ما يحين هذا الوقت احفظي القران و اتعلمي كاش حوايج جدد
و ربي يوفقك

كاميلا · 2013-12-23, 20:50

اخطيك يا اختي متعمريش راسك والله تجيبي غير البلا ليك وتكسار الراس وزيد اشغلي وقتك اكثر درك تنساي على الناس باينة معندكش مشاكل كون جيتي عندك مشاكل كون اسمك تنسايه ههه
موفقة

فارس وجواد · 2013-12-23, 21:00

انشغلي أختي بنفسك و اصلاحها أكيد ستنسين أمر الناس .

(( هبة الرحمن )) · 2013-12-23, 21:02

عزيزتي هذا اسمه الفضول....كل واحد منا فضولي لكن تختلف النسبة من شخص الى اخر..يقال من راقب الناس مات هما.
هوالفراغ اختي والفراغ مفسدة.
اشغلي نفسك بالذكر والقران(الا بذكر الله تطمئن القلوب) ...المطالعة متابعة حصص تثقيفية وبرامج دينية.....
شكرا على صراحتك

dala3 dalou3a · 2013-12-24, 15:08

ana essara7a okhtii akther 7aja nakrahha had essifa el3afou mennek mé laaaazem tetghalbi 3la hadh echii psq 7aja mech mlii7a wma fiha 7atta fayda tmardhek ghiir enti wtkhalli nadhret ennass 3liik mech mlii7a ana nans7ek beddou3a psq dou3a houwwa kolchi

رانيا لوك · 2013-12-25, 07:52

اقتباس:

المشاركة الأصلية كتبت بواسطة mogiwara boy

كي تتزوجي ولا تتخطبي رايحة تحبسي الادمان هذا و قبل ما يحين هذا الوقت احفظي القران و اتعلمي كاش حوايج جدد
و ربي يوفقك

انا متزوجة وشكرا علا الرد الجميل

سامية حكيم · 2013-12-27, 19:35

اختي عندك وقت فراغ حاولي تشغلي نفسك باشياء مفيدة مثلا تعلمي خياطة او طرز او حاولي تحفظي كتاب الله والله المستعان

hayarifka · 2013-12-27, 23:07

ختي العمر قصير و الحياة تستاهل باش نستمتعو بيها مالا ما تضيعيش وقتك و عمرك الغاليين في حياة الناس عمري وقتك باشياء انتي تحبيها انا ماعلاباليش وش تحبي موسيقى رسم خياطة انخرطي في كاشي جمعية خيرية ولا سجلي في نادي تاع رياضة المهم استمتعي بحياتك لانه كاين مثل يقول طوبى لمن شغلته عيوبه عن عيوب الناس

همسة مشاعر · 2014-01-01, 20:03

من راقب الناس ماتهنى اختي الطبع هذا يخلي الناس تكرهك انتي اطبع هذا غير انتي في الدار وال كاين في داركم فضولييين
جربي شوفي كاش حاجة تشغلي روحك بيها احسن

hodahodahoda · 2014-01-01, 20:45

دربي نفسك ان لا تتكلمي في موضوع الا اذا طلب منك

حرز الأماني · 2014-01-02, 19:23

العاقل من نفسه في تعب والناس منه في راحة والاحمق من نفسه في راح والتلس منه في تعب

حرز الأماني · 2014-01-02, 19:43

العاقل من نفسه في تعب والناس منه في راحة و الاحمق من نفسه في راحة والناس منه في تعب