أأأأأأأأأانقذوووووووني تعيشووووووو والله راح نهبل

Chérifa.kh · 2014-01-12, 23:40

مساء الخير أصدقائي ....انشاء الله تكونوا ملاح في صحتكم ..والله راني لجأت ليكم و ندعي في ربي هذي المرة نتخلص من المشكل لي لي راني فيه ...بالنسبة ليا راني في كارثة في قرايتي انا تلميذة كنت جد مجتهدة و من الممتازين في المتوسط 17 و 18 و كي طلعت للثانوية بقيت من الاوائل بالرغم من انو تراجع المستوى تاعي لاني شوي اهملت قرايتي مي ندي 15 قريب 16 و دك كي راني بااااااك والله معلابالي وش صرالي مقدرتش نقرااااا خلاص خلاص خلاص كنت نشتي نحفظ دوكا نهز كراس 5 د نكره نولي نحطو..النوم قاتلني نضل نعسانة و منقدرش نوض ... التمارين تاع المواد العلمية منحلش ..الدروس مرات منكتبش و ساعات اذا قريت نحس روحي منيش نستوعب المهم مخلطة عني و نتائجي كانت كارثية في الفصل الاول و أول مرة ندي هكذا نقاط ...راكم حاسين بيااااا؟؟؟ والله غير غاضتني روحييييييي يعني ديما فور و كي وصلت للصح صرالي هكذااااا عائلتي تستنااااا فيا نجيب معدل كبيرررررر و انا من صغري نحلم بهذي الحاجة و منيش حابة تضيعلي ....هذي الهدرة مش معناتها راني فاقدة الامل ولا متشائمة بالعكس مزال عندي ثقة في روحي و بصيص امل و حابة نبدا من جديد قرايتي و نعوض في هذ الفصلين فقط محناجة مساعدتكم تورولي كيفاه تقراو و تستغلو الوقت من سا 5 فما فوق في ايام الدراسة و كيفاه تستغلو العطل الاسبوعية حابة كلشي بالتفصيلللل و على كل المواد تعيشووووووو لاني بدون برنامج و منعرفش كيفاه نراجع يعني كيفاه تحلو تمارين الكتب المدرسية كامل و يكفيكم الوقت و كيفاه تلحقو تقراو المواد الادبية خاصة الفلسفة لي راني مانيش عارفة كيفاش نتعامل معاها ........انشاء الله تعاونوني والله راني محتاجة مساعدة و انشاء الله اذا كاين لي كيفي تاني يستفادو و ربي يوفقنا كامل و ينجحنا ........سلام اتهلاو في رواحكم خاوتي .

mounaminou · 2014-01-13, 09:47

حلي اغلبية التمارين ماش كلها لاكان ماكفاكش الوقت ....انا ديت الباك بلا ماراجعت من الكتاب المدرسي كنت نعاود تمارين الدروس الخصوصية كامل و نقرا من الكتب الخارجية اللي يحطو فيهم الحلول ...كل واحد و طريقتو و انتي شوفي الي يخرج عليك المهم حلي حتا تولي فاهمة مليح الدرس .......

أرجوانة · 2014-01-13, 09:55

أختي حالتي كانت كيما حالتك مي أنا راني استدركت روحي و ذلك بتوصيل قرابتي باللله سبحانه و تعالى كل مانفشل و لا حاجا نطلب ربي يهديني و يرجعني لصراط المستقيم كثري أختي الدعاء و احسمي أمرك و متكليشبيسك راح الحال راه مبقالك والو ابااا أبداي باش تفرحيداركم و تفرحي احبابك
شوفي هذا التوقيت ممكن يساعدك أختي و أعرفي حاجة بلي البااااك مهوش حتجة مستحيلة لاه ل جابو 17 18 خير منك ولا ياك نتي تاني كنت تجبيهم في سنوات مضت ايبا ردي لعتبار لروحك و متحقريش مستوااااك

أرجوانة · 2014-01-13, 10:00

https://www.ency-education.com/bac-home_timing.html

أرجوانة · 2014-01-13, 10:24

بالتوفيق لنا وللك

رواسي · 2014-01-13, 10:37

حالة عادية جداً بالنسبة لكي لا تقلقي
أرقي نفسك مرارا وتكرارا وصلي أوقاتك الخمس والذكر في أوقات الفراغ وتلاوة آيات قرآنية
مين ماتقدريش تقراي خلي كلشي ونوضي صلي ركعتين وارقي نفسك

الله يحفظك وينجحك

sara nissa · 2014-01-13, 15:57

اختي انا السنة الماضية حدث معي نفس الشيئ كنت اكره اي شيئ عندو اي علاقة بالبكالوريا و اكره ان يدكر امامي كلمة او عندك باك
و ضيعت كل شيئ و ديت الباك ب 14 و هده السنة اني نعاود في الباك

sara nissa · 2014-01-13, 15:58

ادا كنت في حاجة للمساعدة انا هنا

الملآذ · 2014-01-13, 18:50

عادي اختي شوفي انا ايضا معدلي هابط بصح وعدت روحي هدا الفصل وندير القلب شوفي واش قررت ندير وجابيني انا عندما نخرج من القراية نصحح 2تمارين في كل المواد العلمية برك ونحاول نفهم واش قريت ونرقد على ال10 باش نوض بكري ونحفظ تربية اسلامية وكل يوم هكدا ساعة تربية اسلامية ساعة مصطلحات ودروس اجتماعيات بصح نهار الجمعة مانودش الصباح نحفظ باش مانعياش بصح كي نوض نقرا الدروس نتع الفصل الاول باش ماننساهمش وننصحح تمارين عليهم .................اختي هدا هو برنامجي اما الفلسفة والادب والانجليزية والفرنسية نراجعهم نهار السبت اختي هدا هو برنامجي جربيه واعطيني رايك

أمينة 1995 · 2014-01-13, 20:12

ماراكيش غير نتي لي تعاني من هادي الحالة أختي أنا تاني راني نخلص و راني قريب نهبل أنا تاني ها العام عندي الباك و حالتي راهي كيما حالتك سقوط حر في المعدل نتاعي من 15 و 16 وليت نجيب 11والله غير راني حايرة علاه وليت هكدا و واش ندير