الى الامهات ذوي الخبرة ساعدوني في اقرب وقت

[morbid princess]

ابني عمره 4 اشهر و نصف كان يرضع رضاعة طبيعية و اصطناعية في نفس الوقت و الان راهوا استغنى على الرضاعة الطبيعية لان مابقاش فيا حليب بزاف لكن المشكل الان انه ماحبش يحكملي المصاصة وانا الان اجد صعوبة كبيرة عندما يريد ان ينام لان كان ينام بصدري ارجزك افيدوني كيف اجعله يحب المصاصة و ينام بها و الله راهوا عايني مع العلم اني حاولت معه بفكرة العسل و يقولو بلي العسل ماشي مليع قبل السنة ما العمل ارجو الافادة في اقرب و قت و جزاكم الله خيرظ

[وجدان تقوى الله]

حبيبتي انا انصحك من تجربتي مع ابنتي مدام عمره 4 اشهر اتركيه يبكي ليلة او حتى 5 ايام وينسى الرضاعة نهائيا في الليل ويوالف يرقد حتى مثلا صلاة الفجر وجديل بيبرو وعطيه او حتى الصباح وعطيه والطفل صدقيني كيما يوالف بنت اختي وهي صغير عمرها 3 اشهر حتى تنهض في الصباح وتبدل ليكوش باه تشرب كيما اعتادت صدقيني اتعبي يوم او اثنين وينسى الرضاعة في الليل خلاص اما المصاصة راهي ميكروب برك

[أم ياسين الزهراء]

مادام ماحبهاش خلاص المصاصة لازم تمديهالو مع يزيد خليه يبكي ويوالف يرقد وحدو خيرلك

[أم أحمد عبد الصمد]

صح قيما قالولك اخواتي خليه يبكي ليلة أو اثنين و إلا تصيبي روحك كل وقت تنودي فالليل .

أما العسل أنا نعطيه للأولادي عادي بصح تاع الصدرة ميجيش قاطع و مفيد ليهم .
ربي يعطينا القوة في تربيتهم

[ساندريلا]

احمدي ربي اختي انه ما شدش سوساث ما عنده ما يعمل بيها انا من الاول ما شريتش لابني يقولو تلايم ميكروب
ربي يقدرك

[ام انليز]

اخت راكي تقولي راهو يرضع اصطناعي يخي يرضع البيبرونا والفيه منين تنحيلو البيبرونا حطيلي طول السوسات
أنا ابني كان هكذاك وضرك كون تخطيه السوسات مايرقدش راهو عندو 6 أشهر الله يبارك والله كيدرتهالو كان قد وليدك ربي يعشهولك
بلاك مادرتلوش وحدة مليحة لانه يوجد في انواع كثيرة أنا درتلو وحدة كيما حلمة تاع الصدر
اما بخصوص الميكروب فهو موجود في كل حاجة حتى في حلمة الام اذ لم تنظفها يخي في كل رضعة تمسحها هكذاك السوسات
وأي سؤال راني هنا

[ساندريلا]

اختي عودي طفلك يرقد بعد الرضاعة مباشرة راح يبكي ايام و من بعد يوالف انا ابني عمره14شهر يشرب بيبرونته و يرقد من اللي كان 4شهر و الحمد لله الطفل كيما توالفيله

[blueflames]

انا تاني عانيت مع تلمصاصة شريت 4 والو ماحب يحكم حتى وحدة حتى نبهتني وحدة لمصاصة ماركة تشيكو مصممة بشكل مايخليهاش تطيحلو تخيلي حنى كي يتثاوب تبقى في فمو ويعاود يمصها سعرها 50الف