و فعلا حاب يهبلني

[مشكلتي]

السلام عليكم
بداية شكرا لردودكم ربي يجازيكم كل خير على موضوعي
مجنون و الا حاب يهبلني فهموني
انا ما نقدرش نحكي لاهلي على بيها راني نحكيلكم و يا رب تدلوني هاد المرة لاني فعلا احترت و تعبت
خطيبي رفض يفرلي تصرفاته السابقة و طلب السماح و عادي انا غلقت الموضوع
و اللي زاد دارو هاد المرة حرق قلبي
كنا نحكـيو قالي انتي واش احساسك ليا مع انو متأكد و احنا ارتبطنا عن حب (و لم اقل علاقة) قلتو راني طول عمري انتظرت انت بالذات و متـمسـكة بيك و مهما يصرا راني معاك
تعرفو رد فعلو صار يضحك بطريقة هستيرية و كأنو جانبو شخص يدغدغ فيه و كانو يسـتـهزء
حسيـت قلبي يحـتـرق و حسيــتو يتـمسـخر و ما فهمت والو
قطعت الاتصال و بكيت بكيت حتى عييت

يا رجال يا خاوتي فهـموني واش صار مـــعاه .. علاه راه يــدير هكــذا ..و الا راني نبالغ ؟ هذي تصرفات عادية ؟
لوكان نخليه نار و لوكان نكمل حاساتو كانو يتعمد يحرقني
و هو رافض يشرح واش صاري معاه و اذا واجهتو غير يطلب السماح

فهموني ربي يحميكم

[bonbon]

بصراحة اختي خطيبك مازال غير ناضج و ذو تصرفات صبيانية

لا تملي من الاستخارة و ألحي في الدعاء لأنه شخص كيما هذا أشك في انه قادر على ان يكون شخص مسؤول عن دار و أسرة

[حبيبة زوجها]

يااختي انا عييت معاك ومفهمتش وش بيه
ان شاء الله تلقاي الحل معاه

[khelaf lina]

اعتقد ان عقله لم يكبر و مازال صغيرا يفكر في الأشياء التافهة و لا يأخذ الأشياء المهمة بجدية ربي يكون في عونك أختي. و ربي يهديه و يحس بيك أمين

[samara lara]

اختي حرت شحال في عمرو هادا


يبان دراري و كيفاش راح تعيشي مع واحد مزاال ذر في عقلو


الله يهديه

[yousra14]

ما خليتيوا حتى حب لبعد الزواج .

كوني قويّة واتركيه فترة لاتكلّميه ولا تتصلي به وانظري ماذا يفعل

وعليك بالاستخارة أنت في أشدّ الحاجة لها ورب يدلك للخير

[knives66]

مريض اخطيك منوا

[doba]

صراحة اختي خطيبك مازال غير ناضج و ذو تصرفات صبيانية

[رجاها 22]

السلام عليكم
قرات موضوعك الاخر
والله حرت واش نقولك
لكن تصرفاته بتلك الطريقة لا تعني انه غير مسؤول او او
ربما عبرلك على حبه بطريقة اخرى ههه و الله يا اختي من جهة ربي يهديه
لكن اللي مفهمتوش علاه متقدريش تحكي لاهلك امور متل هده مافيها والو احكي مع امك وربما هي تتكلم معه يحشم و يكف عن هكدا تصرفات مرعبة
في جميع الاحوال اكتري من صلاة الاستخارة ولو عقدتو وفتحتو لكن استخيري لاكتر من مرة

موفقة و ربي يهديه

[هشاام]

لا حول و لا قوة الا بالله ... واش هذ الردود واحد يقولك اخطيك منو ووحدة تقولك مازال صغير !!! ما ديريش على هذ الردود التافهة لوكان جا صغير ما يخليوهش اهلوا يتزوج ... ربما هاذي تكون طبيعة فيه و انت حاولي تسايريه و تنحيلوا هذ التصرفات و كوني ذكية في تعاملك لتتجنبي نتائج قد تكون و خيمة و نقول لاصحاب الردود يوزنوا كلامهم فمسائل الخطبة و الزواج ليست مجرد راي و أخص بالذكر الإناث لأن أكثر الردود منهن ... و الأخت نقولك ربي يصلح الأحوال و يكملك و يسترك لابن الحلال .

[nadine0159]

صدقيني لو انا في ببلاصتك اختي نفرح انت لقيتي راجلك يضحك وو يزهيك و فوق هاد الشيئ زهواني فقط حاولي ترشديه برك و ربي يهنيك

[nibou]

أظنه الفراااااااااااغ،فلم يجد ما يملي عليه وقته و ربما قد كره من عمله أو أنه لا يتحدث كثيرا فوجدك أنت لتفريغ مكبوتاته و الله يعينك عليه إذا اكملت مشوار حياتك معه

[nadjet med]

يا اختي انا اقول لك شيئا واحدا ,,,,,لانو الانسان لا يمكن ان نعرف ما به او بما يفكر او ما هي طبيعته او ما هو تفكيره في تلك اللحظة او كيف تربى كل وتصرفاته في المواقف وهذا هو الانسان اليوم بشكل وغدا بشكل اخر فاوصيك بشئ واحد وهو الاستخارة ثم الاستخارة ثم الاستخارة ,,,,,,,,,,,,فلا العقل ولا القلب يجزم بأنه الزوج الصالح وان شاء الله يفرج عليك ربي وينزع الحيرة من رأسك ويا رب يرزقك الزوج الصالح ,,,,,,,ان كان هو او غيره,,,,,,,,,امين

[لميس اميرة]

السلام عليكم


شوفي اختي نقولك زوج كلمات دوريهم مليح في مخك

اتصوري أنو مستقبلا لما تكونو متزوجين السيد هادا تجيه حالتو و يهز السلاح نتاعو و يطلق عليك الرصاص

هنا راكي تهنيتي منو

لكن تصوري الامر انو لو تجيه حالتو و يصوب الرصاصة نحو احد فلذات كبذك " وليداتك " يا ترى رح تتحملي الموقف و تفوتيلو مثل كل مرة

الرجل لي ما تامنيش نفسك و اولادك و انتي معاه وش رح ديري بيه

تبقاي عند اي مشكل او قلقة صغيرة بايتة في رعب

خطيبك باين عندو انفصام فالشخصية

يعني عندو ازدواجية فالشخصية مرة تجي شخصية و مرة تجي الاخرى حسب حالتو هاذا اذا ماكانوش عندو ثلاث شخصيات


حاجة مثل هاذا ما يتسكتش عليها اختي

حاجة مثل هاذي المفروض ما تخبيهاش على اهلك لأنك أصلا عارفة انها غلط في غلط الانتحار حرام كيفاش تستهيني في حاجة مثل هاذي

نتكمنى تخمي مليح لانو ينتضر فيك فلم رعب حلقاتو غير معروفة ليك و لأطفالك لا حب ربي

[khawlita.dz]

يا اختى من الواضح ان هدا الشخص عندو مرض نفسى وعدم توازن ونظن غير مؤهل للزواج
اخبرى والدك واخوتك وناقشى معهم الموضوع جيدا
والا تنسيى بان الزواج سيربطك بهدا الشخص لبقية حياتك و سيربط الادك بهدا الشخص
فان لم تخافى على حياتك و مستقبلك واهلك ففكرى باولادك وكيف سيعيشون و كيف سيتربون ببيت والد كهدا
مهزوز نفسيا
عليك التاكد من صحته النفسية وان استدعى الامر عرضه على نفسانى
اللخه يسر
بالتوفيق