في خاطر المنتخب ...رفيس حصريااا من مطبخ ام اسحاق

[ام اسحاق.]

وش راكم يا فحلات الجلفة ...اليوم جبتلكم رفيس تونسي حصريااا من مطبخي
تححححححححححححححفة ..و ذوق رائئئئئئئع...

نتمنى تجربوه و ترجعولي الخبر...

نبداو بسم الله و على بركة الله ...

اول حاجة تgلي السميد مادابيك المتوسط ماشي الرقيق و ماشي الخشين و لا ستيس
l'astuce في الgَلي هو في الفور تحت الريسيستونس و لازم ما يتحرقش و طوْلي بالك معاه في التحراك بش ما يجيش فيه الطعمة يعني مالازمش يقعد ني و ما لازمش يتحرق



و مبعد تحطيه هكاك سخون فوق نصف كميتو غرس منقي مرحي و لا لا كيم تحبي



و تزيدي قوقهم كاس تاع لاتاي جلجلانية مرحية و حوالي كمشة تاع كوكاو مرحي و لوز و لا اي مكسرات عندك ..و اهم شيء هي حلوة الترك او كيم نسميوها احنا الشامية تحطي كيم تحبي انا درت نصف علبة رطل او اكثر قليلا ...





و تخلطي بالزبدة و تعجني حتى يتلم مليح ...و تحسيه ولى متجانس ...

و تشكلي كيم حبيتي ..انا درتو في طابع المعمول و الي بقالي درتو دي لوزونج او مربعات



الف صحة و الف فرحة

و هنيئا لنا التأهل و ربي يدوم الافراح