ادعولي ارجوكم

مشكلتي · 2013-12-13, 17:40

السلام عليكم أخوتي في الله
أنا بحاجة ماااااااااااااااااااااااااااااااااااااااااااااااسة جدااااااااااااااااااااااااااااااا لدعائكم والله انني أحترق وأتعذب وحياتي أصبحت جحييييييم
أخواتاتي كامل تزوجزا وبقيت أنا البنت الوحيدة اللي مازال ربي ما افتح علي نسكن في دارنا مع 03 أولاد أصغرهم 24 سنة وكامل ماشي مزوجين
مشكلتي أخي الكبير خشيييييييييييييييييييييييييييييييييييييييييييييييي يين جداااااا جدااااااااا وفض بزااااااااف أنا بنت عاقلة ومسالمة وخاطيني المشاكل وأنا أكبر منه ب 04 سنوات ولكن المشكلة أنه ما يعرفش يعامل أبدااااااااا لا أبي و لا أمي وخااااااصة أنا زعمة البنت لازم يرخص بيا

كتيييير خشن معي ولا يحترمني أبدااااا بالرغم من أنني أكبر منه ب 04 سنين

الكل في البيت وفي العائلة يشكو من ظانه فض وما يعرفش يتعامل مع الناس لكن أكتر وحدة تعاني منه أنا
تخيلوااا اذا ما عجبهش حاجة نديرها ولا نقولها يتجرأ أنه ينعتني بكلام جااااارج جدا لحد أنه يقول لي بلعي فمك يا الهايشة نعم يناديني الهايشة ومرات توصل معه ظانه يقولي وجه الزوبية أكرمكم الله قالها لي عدة مرات خصوصا لما يتكلم بخشونة مع أمي وندافع عليها نسمع كلام جارح

مرة قالي نهار اللي نضربك والله ما تسلكي فيه و و و وكل هذا بدون سبب باين فقط لاني ندافع على أمي أو أبدي رأيي في أمر ما يعني أمور تافهة جدا نسمع عليها كلام جد قاسي
بابا تداوس معاه على جالي وقاله مادامني عايش بنتي ما كانش من لي يحقرها وأمي قالته نفس الشيء وهو أجابته يقول انتم دايما تطيحو في صفها و أنا اللي نحكم ما تذلونيش

وين راه الذل هنا؟ أخي معقد زلا واش بيه؟ أنا كرهت منه ومن كلامه كيما الرصاص راني مقاطعاته من 07 آشهر وعاودت كلمته وعاود نفس الشيئ وراني مقاطعاته من جديد بطلب منه ...قال لي ما تزيديش تهدري معاي ولوكان تهدري معاي راني وجهك ندخله لك في المزبلة اللي برا يا وجه الزوبية أكرمكم الله كل هذا لأني دافعت مرة أخرى عن والدني ما تحملتش الكلام وأغمي علي وطلعلي الضغط خلاص نموت وراحلي النفس

والطريف في الأمر أن أخي ما يخطيش المسجد 05 صلةات في المسجد وقيام الليل يوميااااا وصيام الخميس والاثنين والصدقة وحفظ القرأن وهو لا يملك من الديانة والاسلام غير هاد الحوايج

ولكن المعاملة زيروووو
لايريد الزواج حاليا وما كانش حل نخرجوه من الدار الا بهذه الطريقة
وأنا والله والله والله ماني قادرة نتحمل أكتر وقلت له لوكان راك تحمد ربي عندك والدين طيبين وعندك أخت كيما أنا طاهرة وشريفة وصاينة اسم العايلة والا لو كان راك عايش العكس تعرف قيمة واش ماراكش حامد الله عليه
والله يشهد على أنني أحترمه جدااااااا وقايمة بكااامل واجباتي اتجاهه ولكن لا حياة لمن تنادي والصح نتاع ربي راني ندعي عليه لأنه ظلمني بزاف وراني نوكل عليه الله في كل الوقت
خاوتي وخواتاتي ادعولي ربي يحن علي ويرزقني الزوج الصالح أرجووووووووووووووكم هو الحل الوحيد اللي يسلكني من هاذ المشكلة ويريحني ويريح والدي ................خاااايفة بزااااف يتوفوا والدي قبل ما يفرحوا بي وأعيش الجحيم بدونهم لانهم هم اللي راهم مسلكيني منه
ادعولي الله يجازيكم والله عدت نخاف على مستقبلي ونخاف منو

محمد جديدي التبسي · 2013-12-13, 20:16

ربي يهديه ويصبرك أكثري من الدعاء له بالهداية لعل وعسى

الحلم الجميل · 2013-12-13, 20:18

و عليكم السلام
ربي معاك اختي بصح مادام اهلك واقفين معاك ما تخافيش
ربي يرزقك بزوج صالح طيب عاااااااااجلا غير اجلا و تفرحي ان شاء الله
و تفرحي ولديك
و ربي يهدي خوك بلاك عنده هموم و لا عاطل عن العمل الله اعلم ربي يهديه و ينور بصيرته
و ربي يخليلك والديك
و الله موجود يا اختي علاه تخافي

mohamad tha · 2013-12-14, 00:48

ربي يهديه ويصبرك أكثري من الدعاء له بالهداية

نونة 90 · 2013-12-14, 08:54

ايييييييه يا ختي راكي دايما تلقاي عبد ماشي نورمال في الدار سقسيني انا نقولك ، ربي يرزقك بزوج صالح يعوضك ويسعدك وربي يهدي خوك ويلين قلبو علبو عليك

ايمان نور الجزائر · 2013-12-14, 09:08

ربي يهديه هذااا....واش بيه
لاعبها قدام الناس بالصلاة والتدين وهو لا يمك اخلاقيات الاسلام وحسن التعامل؟؟
من رأي تبعتي رسالة لامام المسجد لي يصلي فيه وتطرحي مشكلتك
ليقراها على الملأ وينصح الامام هذا الاخ طبعا بدون ذكر اسم وسترين النتيجة