من فضلكم علموني كيفاش نمشي المشينة

[لميس اميرة]

]السلام عليكم اخواتي


راني نشوف فالمنتدى ما شاء الله مواضيع على كيفية التفصيل و الخياطة و غيرها

لكن موضوع واحد للمبتدئات ماكانش


من فضلكن يا خياطات

من فضلكن لو تطوع اخت و تشرحلنا كيفاش نمشو آلة الخياطة

كيفاش نركبو الخيط و الإبرة

لي ما تقدرش تخرج تتعلم برا او في الجمعيات مثل حالتي كيفاش دير أخواتي


إن شاء الله نلقاو قلوب رحيمة تحن علينا و تعلمنا المبادئ كيفاش نخدمو بآلة الخياطة

كيفية تنظيفها

اسم مكوناتها و كل جزء واش الفايدة نتاعو

و اجركن على الله


يا ريت أي اخت تصور اجزاء من الماكنة و تقولنا على اسمها و واش الفايدة منها

و كيفاش ندخلو الخيط

واش نعملوا اول مرة

كل اخت تساعد ولو بالقليل و الخياطات راهم ماشاء الله

ان شاء الله ما يبخلوش علينا بالشرح و الصور

لاني لقيت فالنت صور بدون شرح أو شرح بدون صور

[/size]

[لميس اميرة]

28 مشاهدة ولا رد


وحدا ما تنازلت و حطت ولو رد بسيط

ولا الخير في وقتنا هذا أصبح صعيييييييييييييييييييييييب للدرجة هذي


و ناس الخير ما كانش ؟؟؟؟؟؟؟؟؟؟ظ

[sarra5]

ana jusqu a maint na3raf nhot lkhayt malgré ca nmechi chuia la machine w yetkata3 w la canette des fois manefhemelhach

mais hada kamel psk mahatach rasi m3aha w mach dima nkhayat biha

c pr ca manakderch n3awnek rani nhawes 3la li t3aweni

[crono]

https://www.djelfa.info/vb/showthread...458646&page=34

[لميس اميرة]

المشاركة الأصلية كتبت بواسطة sarra5

ana jusqu a maint na3raf nhot lkhayt malgré ca nmechi chuia la machine w yetkata3 w la canette des fois manefhemelhach

mais hada kamel psk mahatach rasi m3aha w mach dima nkhayat biha

c pr ca manakderch n3awnek rani nhawes 3la li t3aweni

شوفي اختي

انا مشكلتي الأصعب كيفاش نحط الخيط ما نعرفش اطلاقا فهمتي اختي

شغل واحد دخل محو الامية اول مرة و اعطاولو معادلة قالولو حلها

شفت الشرح بالكتابة بصح ما فهمت والو

و الكانات هادي ما نعرفهاش

يا ريت كون تصوريلي وين تحطة الكبة نتاع الخيط و كيفاش تجبدي الخيط منها و وين لازم تدخليه باش اخيرا يدخل فالابرة

شفت بزاف اجزاء و خايفة ندخلو في جزء خاطي تفسد المشينة جديدة

و زيدي صوريلي كيفاش نعمر البوبينة تاع لحديد الصغيرة هاديك لي تجي من تحت و كيفاش نركبها من تحت

فهمتيني أختي

او اي اخت ممكن تساعدني رجاءا

[لميس اميرة]

و الله العظيم حرام عليكم

يعني 77 مشاهدة و الأخوات ما شاء الله بزاف عندهم آلة خياطة وحدا ما طوعت تجيب ولو صورة من النت و تعمل ارقام 1 2 حتى الاخير حتى نعرف كيفاش نركب البوبينة نتاع الخيط و كيفاش

راني قداش و انا نبحث فالنت ما لقيتش فيديو او موضوع يشرح

الحمد لله على كل حال

[ندى قدور]

ما تقلقيش روحك اختي الموضوع بسيط وابسط من البساطة وخاصة هاذو الماشينات ساهلين في ربع ساعة وانت متعلمة كفاش تمشيها

[ندى قدور]

نحاول اذا قدرت نوضعلك صور كفاش اتدخلي الخيط

[لميس اميرة]

شكرا ليك اختي الحمد لله عرفت ندخلو و مشيتها شوية لكن الخيط ما فهمتش علاش ما يخيطش قد بعضاه

جرب في قطعة قطيفة ثم تولي الغرزة كبيرة ثم ترجع تخيط عادي و لو كملت نضغط على الدواسة بدون ما نتوقف يجي مشبوح رغم اني دايراتو فالرقم 3 كيما قريت من النت ممكن مساعدة اين الخلل

[فريدة**]

هههه حالتك كيما حالتي. نعرف نفصل مليح والماشينة عييت نمشيها. حبيت نتعلم انا ثاني

[ابداع جزائرية]

المشاركة الأصلية كتبت بواسطة zawali.dz

شكرا ليك اختي الحمد لله عرفت ندخلو و مشيتها شوية لكن الخيط ما فهمتش علاش ما يخيطش قد بعضاه

جرب في قطعة قطيفة ثم تولي الغرزة كبيرة ثم ترجع تخيط عادي و لو كملت نضغط على الدواسة بدون ما نتوقف يجي مشبوح رغم اني دايراتو فالرقم 3 كيما قريت من النت ممكن مساعدة اين الخلل

اختي القطيفة ايلاستيك مش اي مشينة تخيطها
وحتى انا ساعات تسفّل القطيفة والغرزة تكبار وتصغار
ننصحك تشري برا للقطيفة الرقم اللي اكثر من اللي راكي تخدمي بيه
روحي لبائع لوازم الخياطة وقوليله اعطيني برا نتاع لقماش لخشين
وإذا حابة تبداي ابداي بقماش عادي مش ايلاستيك
وبإذن الله نصورلك الخطوات الاولى باه تمشي المشينة
اعطيني يومين فقط ان كان في العمر بقية

[simsim0]

السلام عليكم
كي تكون عندك ماشينا خلاص ما يهمكش الباقي ادخلي عليها قوش دروات مرة زوج ثلاثة خلاص راح تفهميها وتفهمك المهم ما يكونش عليها اليدين بزاف كيفها كيما لميكرو ملازمش يخلطو فيها اليدين بزاف واصلا كل مشينة وطريقة تركاب الخيط تختلف المهم لازم تحاولي وتفهميها برك وربي يوفقك