انصحوني

[مشكلتي]

السلام عليكم
دون مقدمات او اطالة مشكلتي الصلاة انها الصلاة و اسمها يكفيها اتكاسل في اداء الصلاة بالمناسبة انا فتاة ابلغ 22 سنة محجبة و ندرس في الجامعة يوم نصلي و يوم لا منعرف وش بيا صحاباتي كل حاكمين صلاتهم غير انا,انا نصوم و نصدق و ننهي و نساعد الناس والله الناس يضربوا بيا المثل في العقالة و كي توصل للصلاة نفشل وعلاه يعني؟ في دارنا كلهم يصليو و انا كي نكون رايحة نصلي تقول رايحة نهز الجبال فوق ظهري ساعات نصلي عادي و نفرح بروحي حتى الفجر نصليه في وقتو و لكن سرعان ما نفشل و نرجع نتكاسل, القاولي حل اني اختكم تعيشو,قولولي وش نعمل؟ كي تكلمت في المضوع مع صحاباتي كاين لي ضحكوا عليا و استخفوا بيا و كاين لي بخصوني,والله راني حاشمة منكم صراحة ترددت باه نحكيلكم ومن بعد عفست على قلبي و قلت غير انتم لي نلقى عندكم الحل علابالي كاين لي راح يقولوا 22 سنة وش بقالها ما تحكي على الصلاة,مي انا هذا وش قاعد يصرالي,,,,منعرف كيفماه رايحة نقابل ربي ادعيولي ربي يهديني و يسترني و انا في انتظار ردودكم