مشكلتي

مشكلتي · 2014-01-17, 03:05

السلام عليكم ورحمة الله وبركاته
اخوتي وقعت في مشكلة قد تكون صعبة قد تكون سهلة وقد تكون تافهة...
تعرفت على فتاة قبل 3 سنوات كنت في وضع مزري كاره الحياة رايح نحبس لقراية (كنت نقرا ثانية جامعي ) بابا ماعندوش بزاف ملي مات و دكراه ماحبتش تفارقني... تعرفت على فتاة شكيتلها همي سمعتني نصحتي وقفت معايا المهم تطورت العلاقة حبيتها حبتني نويت نكمل معاها حياتي وندير المستحيل على جالها رجعت لقرايتي والحمد لله كملت تبدلوا حوايج فيا بزاف بسببها منهم الدخان حبستو منهم المواضبة على الصلاة ...الخ
هي شخصيتها قوية وماتصتعرفش باخطائها صراو بيناتنا مشاكل بزاف بصح في كل مرة نرجعوا اقوى من قبل
انا عندي صديقة في الانترنيت نعرفها عندي 6 سنوات جامي شفتها نحكي معاها هنا وفقط تكلمت عليها و قلتلها ادا تقلقق حكايتها نقطع اتصالي بيها في الاخير انتي لي ناويك ماشي هي و في نفس الوقت نعرف زميلها في الجامعة شخص مؤدب و شخص لي ارتحتلوا من اول ماشفتو انا سمحتلها باه تهدر معاه بصفتوا زميلها وادا كان عندو مشكل ماعليش اسمعيلو بصح لازم نعرف اصلا علاقتنا مبنية على الصراحة والصدق ...
في احد الايام في الاسبوع هادا لي فات كان عيد ميلادها تاع صديقتي لي نعرفها في الانترنيت وانا ماكنتش في احوالي بسبب مالقيتش خدمة و ماعرفتش كفاه نبدا رجعت ديما قلقان مانحكيش بزاف الضحكة راحتلي في نهار هداك قالتلي حبيبتي راهي صديقتك اي زعفانة منك وراك نسيتها ...الخ قلتلها الهم لي فيا يكفيني منيش حاب نخمم في هاد لحوايج تافهين بصح انا في الليل كما كونيكتيت ابعتلها لصديقتي تصاور تاع تهنئة بعيد ميلادها ... جازت لحكاية هكاك شافتهم حبيبتي ماقالتلي والو الغدوة من داك درنا مجموعة انا وحبيبتي وصديقتي بحكم هما تاني رجعو صديقات درنا مجموعة في الفايس بوك وبدينا نقصرو نحكيو ونضحكوا حتى دخل زميل حبيبتي في الجامعة عرفت بلي راها تحكي معاه صقصيتها قاتلي ايه راهو كاره وماخرجش العام وهادا كانت عندو علاقة فاشلة وماقدرش ينسى كما خلصنا كلش حكيت معاها هي قولتلها شوفي انا كفيه حبيتك حبيتك كما سمعتيني و شكيتلك نصحتيني ورجعتيني لطريق منيش حاب يجي نهار وتقوليلي فلان قالي راني حبيتك خليناها هكاك مازدناش حكينا ...
الغدوة عيطتلها بحكم انها في الامتحانات نصقصي قولتلها لاه ماكي تعيطي ما تصقصي قاتلي انت في واد وانا في واد قولتلها فهميهالي هادي ماهدرتش وكوبات في وجهي انا عاودت عيطتلها قاتلي واش تحوس واستفزتني قولتلها مكان لاه طلعيلي ... وكوبيت عاودت عيطت نكوبي عليها على خاطر في الساعة هاديك ماكنتش مليح قلت كي نتكالما ونحكيو بعتتلي مسج قالت فيه صايي انساني ومستحيل نرجعو... ماعندتهاش بعتلها مسج نقول ها ربي يعاونك في الاختبار .. المهم كملت روحت للدار دخلت للفايس بوك اول حاجا نحاتني منو وبعتتلي مسج ماتزيدش تعيطلي وراني نحيتك من حياتي ... قلتلها انا راني لاثنين مناش ملاح خلي كما نكونو ملاح نحكيو ونتفاهمو مليح قولتلها بصح ديري مزية وخبريني واش زعفك مني قاتلي راني خليتك لصديقتك لي معايا تقولي اخطيني منها ومن ورايا تطلب منها سماح وتبعتلها تصاور وتاني تتهم فيا بلي كينة حاجة بينها وبين زميلها قاتلي راك غالط راه خويا وقاتلي منيش حابة نعيش في التنيفيق هادا و راني حابة نخرج كل مايتعلق بيك من حياتي و قطعت كل وسائل الاتصال بها من ارقام هاتف ولا انترنيت ... صدقوني يا خاوتي اول مرة نحب في حياتي و اول مرة قلبي يحب ويتعلق بشخص هكا خرجت وفي راسي حاجتين يا نروح نشري باكي دخان يا نروح للمسجد في الاخير قررت نروح نصلي وندعي ربي يغفرلي والحمد لله اني ماغلطتش...
في الاخير نطلب النصيحة من اي شخص او اي اقتراح للعلم عندي ارقام صديقاتها عندي ارقام بعض اقاربها منيش عارف نخمم منيش فاهم غلطتي منيش عارف وينو المشكل منيش قادر نتقبل بلي خلاص كل واش بنينا في 3 سنين راني حاصل ارجوكم انصحوني وجزاكم الله كل خير

* الحلم سكر * · 2014-01-19, 07:58

و عليكم السلام
و الله خويا دخت أكثر منك بغض النظر انكم اصلا في علاقة محرمة
واش من حب هاذا هي عادي تشوف فيك تتعرف على واحدة اخرى و تقول صديقة
و انت تخليها تحكي مع الاخر و تقول زميل
واش من يشكي همو لي مريض يروح لطبيب نفسي علاه هي فاتحة مكتب ؟؟؟
اذا عندها هواية تعالج اللي عنهم مشاكل تتــولهى بالبــنات و الله مشاكــلهم اكــثر من الرجـال و تقدر تفيدهم دون شبــهات

و الله خويا سامحني ما قدرتش نخممــلك واش بيـــها راكم في زوج غير تخــلــطو

ربي يهديكم و من ناحية نحاتك كصديق في الفايس المفروض راهي نحاتكم الزوج و من قبل

ما لقيت ما نقول .. ربي يهدينا

نهار اخر حتى اذا تزوجتو قلها تحـكي مع رجال العايلة الكل .. تحل مشــاكلـهم برك ...
و انت صادق لبــنات الكل .. صداقة ما فيها والو .. و عندك تنـسى تواريخ ميلاددهم و خليها تفكر

خويا لمصلحتك فـــــــــــــــــــــــيـــــــق

محمد جديدي التبسي · 2014-01-19, 08:21

راك مخلطها يا أخي ربي يكون في عونك ..
لازم تصفي ذهنك وتعرف الحلال والحرام وتبع طريق ربي قدقد
مكانش حاجة اسمها صديقتك ولا زميلتك ومكانش احتفال بعيد الميلاد هذي لغير المسلمين
ننصحك تحذف حسابك وتخطى عليك الفايسبوك حتى يصفى ذهنك إقرأ القرآن وصلي الجماعة وكثر من الأذكار والاستغفار
وخمم مع روحك مليح وشوف إمام مليح ينصحك ويوجهك ربي يفتح عليك

سميرة2 · 2014-01-19, 09:28

السلام عليكم ربي يهديكم

naamane3 · 2014-01-19, 09:53

شوف يا بني اقطع كل شيئ يتعلق بالجنس الآخر
صداقة او حب او مجرد نظرة كل شيئ
وما تقولش علمتني حوايج ورجعتني نصلي
ورجعتلي بسمتي
وعلاش ما علمتكش ان مجرد النضر الى اجنبية حرام
ام انه في غير مصلحتها
وكون تموت هي تبركا الصلاة وتحزن وبما توصل للانتحار
اسمحلي نقولك انك بهذه العقلية راك راح تساهم في تخريب المجتمع
وكيما قالك خونا بارك الله فيه
فييق احسن لك

محفوظ البسكري · 2014-01-19, 13:45

ربي يكون في عون

فخورة بحجابي · 2014-01-19, 14:06

ربي يهدينا ؟؟؟؟؟؟؟؟؟؟؟؟؟؟؟؟؟؟
لا تنس ان من لم تنهه صلاته عن الفحشاء والمنكر فلا صلاة له والحمد لله راك مسلم ولحد الان ما لقيتش معنى لمصطلح حبيبتي وصديقتي هاذو اللي راك تحكي عليهم لا حول ولا قوة الا بالله العلي العظيم .

pharma-93 · 2014-01-19, 19:03

وعليكم اسلام ولله غير راك مخلطها يا اخي من جهة حبيبتك صديقتك وزميل حبيبتك خلاص خليك منهم وكي ما تكونش مليح اشكي همك لربي هو اللي يفرج عليك حنا رانا ننصحوك ونحبولك الخير انت اتلها بروحك اخدم اقرا دير اي حاجة تعمرلك وقتك وما تعيطلها ما تحوس عليها بلاك دارت الموضوع تاع صديقتك سبة برك(مجرد اراي بلاك ايه بالك لالا) وفي الاخير ربي يهدينا وربي يسهلك امورك

mounaminou · 2014-01-19, 21:30

واش نقولك يا اخي عجز اللسان عن التعبير و كي كنت نقرا في قصتك والله غير وجعني قلبي ....ماشي كي حبيت لالا من بكري كان الحب هدا بلا مانفتيلك اكيد كامل علابانا بللي ماش مليح العلاقات في الدين مي نقولو تعلق قلبك بيها و حبيتها و نويتها للحلال.........انا الحاجة اللي شوكاتني كيفاه انت قبلت من الاول باه تحكي هي مع الراجل ...وين راحت النخوة و الغيرة تاعك ...و هي اصلا كيفاه سمحتلك باه تحكي مع وحدا ......بصراحة بانتلي نتوما لي 2 ماش تاع زواج مالا كي حبستو ضرك خير.....غدوة كون تتزوجو انت اللول اللي تمدلها الضو الاخضر باه تتعرف على الرجال بحجة شخصيتها قوية ......المرأة مهما تكون متفتحة مي ديما تحب الراجل اللي يغير عليها و هي شافتك طالق روحك حاجة باينة تخليك

و زيد سامحني نقولك حاجة خلطتوها بزااااااففففففففففف انتا بصحاباتك و هي بصحابها ...وين رايحين بالعقلية هدي

فارس وجواد · 2014-01-19, 22:28

تعصي الإله وأنت تظهر حبه ***هذا محال في القياس بديـع
لو كان حبك صادقا لأطعتـه*** إن المحب لمن يحب مطيـع
في كل يوم يبتديك بنعمــة*** منه وأنت لشكر ذاك مضيع

ابوبكر17.00 · 2014-01-20, 11:40

من تعجّل الشيئ قبل أوانه عوقب بحرمانه
فرّغ راسك من هاذ المشاكل
كل شيئ بالمكتوب

worodalmalak · 2014-01-20, 12:19

ههههههههه لعب تاع الدر

tuba21 · 2014-01-20, 23:12

يا اخي الله يهدينا ويهديك راك غالط بزاف و راك خلطتها بزاف
طيش عليك هاد الامور وعاود نضم حياتك

karliemoshimo · 2014-01-21, 02:56

السلام عليكم ورحمة الله وبركاته
راك مخلطها بزاااااااف

والله يا اخي لست صغير لنقول لك كف عن العلاقات المحرمة راك كبير ونورمالمون عارف صلاحك وعارف دينك وانا متأكدة انو علابالك بلي هاد الاشياء حرام
لكن تجاهلت وهذا بسبب تفاهة البنات اللي راك تحكي عليهم وزيد حتى انت
فهمنا على وجه ربي انت تقول حبيبتي ؟؟؟؟؟؟؟؟
والله العلي العظيم غير الكلمة هادي عييييييب
خليك من توافه الأمور وانشغل بدينك وقرايتك
حبيت البنت روح اخطبها .... ماحبيتهاش خطيها وخطيك من مشاكلها ... يعني تكسر راسك على غير شي
وزيد فيق ماتخليش رجولتك تضيع ...
بعّد على بنات الناس
وكنصيحة ليك بعد زواجك ماتخليش زوجتك تتحدث مع الغرباء برّا ولّا الفايس والبورتابل ومثايلها
كون راجل على روحك لاني راني نشم شوي ريحة دياثة
كنصيحة اخوية اخطييييييييييك
وربي يهدينا ويهديك يا أخي

khawlita.dz · 2014-01-24, 01:02

حبيبتى وصديقتى و صديقها
يا اخى واش هاد المعركة الكل
انا رايىى تروح تخطيك من هدا الدوخة الكل
و تقطع اتصالك بهد الناس الكل
وتحط حدود مع زميلاتك بالجامعة حتى نها تتزوج يرزقك ربى السكينة فى حياتك وما تبقاش تقارن بين زوجتك وبين من عرفتهن بحياتك من جهة
وحتى يرزقك الله البنت الطاهرة
ادا كنت تريد الدراسة فركز بدراستك وكون نفسك
وادا كنت تريد الزواج فاختر فتاتا وتزوج
بالتوفيق