المطلوب شرح هذه الصورة

أبو معاذ محمد رضا · 2013-12-28, 20:28

من يشرح لي الصورة السادسة هنا:
https://code.alfanak.net/index.php?t=13 ؟؟

سطايفية بكل فخر · 2013-12-28, 21:17

اخي الصورة راهي فيها ضوء اصفر غماز وليس ضوء اصفر عادي
الضوؤ الاضفر الغماز هو احد حالات الاولوية لليمين شوف شكون اليمين تاعو فارغ وعقب
في الصورة اليمين تاع الزرقا فارغ تفوت الزرقا ومن بعد تفرغ اليميمن للسيارة الخضرا باش تفوت ثم تفوت السيارة الاخيرة
ان شاء الله فهمتني
اذا مفهمتش نعاود نشرحلك

سطايفية بكل فخر · 2013-12-28, 21:22

با شتفرق بين الضوء الاصفر الغماوذز والاصفر العادي
الاصفر الغماز يبقا يسينيالي ويشعل غير هو في جميع الاعمدة مكانش معاه الاحمر والاخضر
يستعملوه في الليل باش ينظمو المرورو وديما كي تلقاه الاولوية فيه لليمين
اما الاصفر العادي يخدم مع الاضواء الثللاثية ديما تلقا الاخضر والاحمر مرافقينو وهو مفيهش الالولوية لانو تولي تبع الاضواء واش تقول والاصفر العادي معناه خطر اذا كنت فت خط كمل امشي واذا مفتش خط العمود تتوقف
ان شاء الله زال اللبس عنك
اي سوال اخر في الكتاب كامل تفضل بيه

التلميذ. · 2013-12-29, 13:12

تقاطع طرق مع إشارة ضوئية ( 4 أربع أضواء صفراء غمازة) مع إشارات أخرى، نطبق الأولوية لليمين - تمر السيارة الزرقاء ثم الخضراء ثم تمر الحمراء.

mariana1 · 2013-12-30, 17:58

كيما جوباتك الأخت السطايفية راهي واض

أبو معاذ محمد رضا · 2013-12-30, 20:55

المشكلة يا إخواني ليست في الضوء الأصفر الغماز أو في الأولوية لليمين هذا أمر واضح ومفهوم
القضية في الإشارة السفلى التي تعيّن الطريق الرئيسي باللون السميك هذه هي التي أستفسر عن معناها وكيف تطبق بشكل صحيح؟

سطايفية بكل فخر · 2013-12-30, 21:08

اه يعني نت تخلطتلك في الطريق المضمون
نعطيك قاعدة تبعها ومش رايحة تتخلطلك بعد هذا باذن الله

سطايفية بكل فخر · 2013-12-30, 21:16

في الطريق اخي تلقا اربع حوايج
شرطي
الاضواء
الاشارات
هنا تبعهم بالترتيب
يجي الشرطي
ثم الاضواء
ثم الاشارات
يعني اذا لقيت شرطي واضواء واشرات في الطريق تبع الشرطي
اذا لقيت اضواء واشارات تيع الاضواء اولا ثم تبع الاشارات وهنا مش معنى انك تلغيهم تماما لانو مرات يكونو يعملو في زوج ويقيديوك في زوج
اذا لقيت الاشارات فقط تبع الاشارات
ان شا ءالله فهمتني اخي
ادا مفهمتني نعاود نشرحلك بطريقة اخرى

حميد.ص · 2014-01-01, 21:36

اليكي الجواب بالتفصيل

- أولا دور الضوء الاصفرالغماز :

* يوضع عند مفترقات الطرق
* يلعب دور تحذيري خاصة ليلا
* نطبق عنده قاعدة الاولية لليمين
j'applique la regle de la priorité a droite

ثانيا : اذا كان الضوء الاصفر مرفوق باشارة تحته ففي هاذه الحالة نتبع اشارة الاولوية المرفقة
sauf si le feu est accompagné d'un panneau relatif a la priorité de passage. Dans ce cas, je tiens compte du panneau.

في الصورة كاين الاشارة هاذي

هذه الصورة توضح ان الطريق الممثل بخط اسود سميك هو طريق الاولوية
* يعني اذا كنت رايح تدور نحو اليمين فاتجاهك له الحق تقدر تدور بدون ان تتوقف في مفترق الطرق و بقية السيارات تتوقف و تترك الاولوية لك

* اذا كنت رايح مباشرة او رايح تدور نحو اليسار هنا لازم تطبق الاولوية على اليمين