البرك السوري

نيفرتيتي. · 2012-06-16, 08:50

كنت دائما نسمع في المسلسلات التركية البراك وكان في بالي هي نفسها الشاش برك لكن البارح لماكنت نتصفح في بعض المنتديات ولقيت الوصفة شحاااااااااال هايلة وتعتبر طرقة من طرق العجينة المورقة لكن اسهل لانه العجينة المورقة مشكلتي معاها انه الزبدة تخرجلي وتهبلني مانطولش عليكم نخليكم مع الوصفة
المقادير
4 كيلات فرينة
1/2 كيلة زيت
ملعقة صغيرة خميرة الخبز
ملح
ملعقة صغيرة سكر
نشا
ماء دافئ للعجن

الحشو
بصلة مقطعة مربعات صغار
لحم مفروم
ملح وبهارات
جزر مقطع مربعات صغار ومقلي
جبن
والحشوة تقدري تغيري فيها على حسب ذوقك

التحضير
حطي كل المقادير ماعدا النشا واعجنيهم حتى تتحصلي على عجينة طرية ومتماسكة

غطيها وخليها ترتاح مدة 1/4 ساعة
اقسميها كرات متوسطة الحجم وحلي كل كرة وحدها

قطعيه حلقات بسمك 2 الى 3 سم

بعدما تخلصي كل الكمية اللي عندك عاودي حلي كل حلقة بالطول وحطي الحشوة على الجانب

ادهني بصفار البيض مع شوية حليب ورشي عليهم السينوج دخليهم الى الفرن 180 درجة حتى يطيبوا ويتحمروا

شوفو كيفاااش مورقة يميميميمي

شهية طيبة ماتنسونيش بالدعاء في واش قاصدة انه ربي يسهلي
وشكرا
منقول