كيش خطيييييير بال thon // من مطبخي

[Blue*flower]

كنت حطيت من قبل وصفة كيش بكفتة الداند https://www.djelfa.info/vb/showthread.php?t=1501480

اليوم درت كيش بال thon في الفطور .. خرج بنيييين
الوصفة من اختراعي و حبيت نفيدكم بيها... راهي ساهلة و مكوناتها اقتصادية و توجد في ساعة على الاكثر .. ماكاش خير من هاك .. فرحوني بالتطبيقات برك


المقادير


** عجينة بريزي او صابلي ( المقادير موجودة في الرابط فوق )
** صوص tomate كمية قليلة جدا ... درتها بحبة طماطم صغيرة و زدتلها صوص التونة
**صوص بيشاميل (نضيفلها 2 جبن مثلثات كي توجد)
**2 علب تونة : تبغو تديروهم في زوج تومات و لا واحد تومات واحد زيت بصح تصفوهم
** كيس جبن مبشور
** حبة بيض + فنجان صغير حليب


الطريقة
1// نطيبو العجينة وحدها حتى تحمار مليح و نخلوها بجنب
2// نحطو التون في صحن و نضيقوله مقدار 1 م ك من الصوص تومات
3// نخلطو باقي الصوص تومات مع الصوص بيشاميل
4// الان نجيبو التارت المالحة : نحطو كامل الصوص ( تومات + بيشاميل)
5 // نوزعو فوقهم التونة و نزيدو فوقها نصف كمية الجبن المبشور
6// نضربو حبة بيض مع شوية حليب و نصبوها فوقهم
7// نزيدو باقي الجبن المبشور


و الـــــــــــــــى الفـــــــرن : كلش راه طايب وحده .. نشعلو غير مالفوق ... حتى يتماسك الخليط . ينشف البيض و يذوب الفرماج








شهية طيبـــــــة