من فضلكن من تخبرني بتصديرة العروس

ميار صهيب · 2013-12-23, 21:16

السلام عليكم
عرس اختي قريب وتسالكن ماهي الفساتين التي تخيطها لعرسها
الشكر لكل واحدة مرت

نجوى لحلوة · 2013-12-24, 12:37

حنونة شوفي المنطقة تعكم وش لازمها دير والقفطان راهو في اي منطقة وتزيد تدير شامسة ومثلا قبايلي واي حاجة موديرن000000000000

ميار صهيب · 2013-12-24, 15:06

انا من الاوراس وحابة كشما كان مودال تاع قفاطن و كراكو من فضلكم و قنادر تاع دار ثاني جزاكم الله خيرا

نجوى لحلوة · 2013-12-27, 15:45

شوفي انا شخصيا وش درت مع العلم اني من قسنطينة
درت الفرقاني في الازرق مانيش مصورتها مي كيما هذي بعد
ودرت كوكتال كحلة طرز ومعمرة
ودرت شامسة وردي ووحدة جابوهالي هوما في الحنة في البيج ودرت وحدة فتلة برتقالي

يتبع

نجوى لحلوة · 2013-12-27, 15:49

ودرت كاراكو كيما هذا بعد
ودرت تونسي ابيض
ودرت قبايلي كيما هذا
وبقالي نشري قفطان برك والحمد لله يعني حوايج التصديرة تهنيت منهم

نجوى لحلوة · 2013-12-27, 15:55

اما القنادر الخفاف تع الاعراس يعني تع الدورة درت خت هاذي وعندي وحدة حمرا بيزو بيزو ودرت 3 برقبات كروشيييي وفيها مية باراكة

نجوى لحلوة · 2013-12-27, 16:05

اما قنادر الشتاء تع الدار خيطت وحدة كيما هذي حمرة وكحلة
والتانية كيما هذي في الزرق الفاتح
ودرت وحدة هكذا في الموف تع مناسبة بالدبلة والسمسم
ودرت وحدة غوز هذو كامل مخيطين يعني والمشريين شريت وحدة بلو تيركوا تع عش النحلة وشريت وحدة كحلة وشريت قماش موطارد مازال ماخيطتوش وقلت نزيد 2 مشريين عجبوني
اما تع الصيف لحد الان عندي وحدة تونسي ووحدة برتقالي تع الاعراس ومازال ما خيطتش 4 قماشات كي نخيطهم نحطلك الموديلات